قبل ان تفكر فى ترك المنتدى اقراء هذا الموضوع جيدا

هتكلم انهاردة عن موضوع بشوفه كتير اوى وحصل معاية هو اني فكرت اسيب المنتدى بسبب يأس او بسبب مشكلة مع الاعضاء او بسبب عدم رد الاعضاء على موضوعك كثير من الاسباب تجعلنا نصمم على ترك المنتدى .

ممكن سوال
تفتكر لو سبت المنتدى الناس هتهتم او الناس هتترك المنتدى مثلك بالعكس كتير هيفرح بده لانك منافس لهم وكتير هيزعل شوية وبكرة هينسي لانك سايب المنتدى بسبب عداوة او يـأس لان المشكلة مشكلتك انت وليست مشكلتهم وانك بذلك سوف تجرح فهم لانك تارك المنتدى بسبب الاعضاء وتفضل تكتب فى حاجات تشوه صورة المنتدى امام الاعضاء والمشرفين .

طب اية رايك ننظر للجزء المشرق فى اى مشكلة مش يمكن دة يجعلنا متحمسين اكتر سوف اتكلم عن بعض الاسباب لترك المنتدى

1/ عدم الرد على موضيعك

الجزء المشرق هنا انك لو حسبتها هتلاقى نفسك مستفاد هتقولى ازى هقولك بص لعدد مشاهدات موضوعك وليس عدد الردود

حاجة كمان لما الناس مش ترد على مواضيعك وتلاقيها بترد على مواضيع تانية مفروض هنا مش تيـأس انما تتفرج على مواضيع الناس التانية وتشوف اية الفرق بين مواضيعك ومواضيعهم وتصلح العيب يعنى استفادت اهو من عدم الرد لانة خلاك تدخل موضوعات تانية والتغير المستمر فى موضوعاتك

2/ مشكلة مع احد المشرفين

الجزء المشرق هنا انك كدة انسان ناجح وكل ناجح لة اعداء وانك مفروض تستفاد من الهجوم دة وانك تحول الحاجز الى حافز تستفاد بة فى الاستمرار وهقولك مثل ( لكل انسان ناجح عدو يريد تدميره ) يعنى انت المستفاد برضة انك هتجعل عندك حافز

3/ انك لم تصبح مشرف حتى الان رغم ان مجهودك كبير

الجزء المشرق هنا انك لو حسبت انت مش بقيت مشرف لية هترتاح ممكن يكون علشان انت معتمد على الردود بس او انك مجهودك قليل او تواجدك قليل يعنى العيب منك انت مش من الادارة وتاكد ان الادارة هنا ادارة جميلة اوى وعارفة مين يستحق ومين لا ودة كلة فى مصلحتك لان الاشراف لما ياتى متاخر دة حلو ليك لانك بتاخد خبرة اكتر وبتتعرف على مواضيع اكتر وبتزيد التواجد وبتزيد مواضيعك وبتكون معروف اكتر يعنى تاخير الاشراف جة فى صالحك اهو جعل مواضيعك اجمل وخبرتك اكتر
4/ الملل

عارفين الملل بيجى نتيجة اية

1/ تكرار نفس المواضيع بمعنى نفس استايل الموضوعات ( رومانسية _ كوميدية _ حزينة )

2 / الاعتماد على النقل وليس الابداع

3/ عدم الثقة فى نفسك وفى امكانياتك والنظر لنفسك على انك لا تستحق الاشراف او انك اقل من هذا

الحل

تجديد المواضيع مرة كوميدى مرة حزين مرة رومانسى بنسبة للنقل هقولك ممكن تنقل بس مش الفكرة كلها انقل الفكرة بس زود فيها وهتلاقى نفسك بتاخد خبرة ومرة بعد مرة هتكون خبرة انك انت الى تعمل الفكرة خليك واثق فى نفسك وفى امكانياتك وتاكد اننا كلنا بنتعلم لسة فى الاشراف واننا كنا برضة مش واثقين فى نفسنا بس عارف عملنا اية بصينا للجزء المشرق الى بيجعل من الحاجز حافز

ملحوظة

لما تمشى من المنتدى وانت معاك مشكلة وتروح منتدى تانى ياترى هينفع هقولك مثال بسيط معاك شنطة فاضية وكل ما تروح حتة تحط فيها مشكلة وتاخد بعضك وتمشى وتروح حتة تانية هيجى يوم والشنطة دى تتملى مشاكل ومش هتعرف تشلها هو الحل هو الهروب ولا الحل هو انك تحل مشاكلك علشان تفضل شنطتك على طول فاضية حل مشاكلك ولا تستخدم الهروب وسيلة لان الذى سيتاثر هو انت ولا احد غيرك ولا تعتمد على كلام بعض الاشخاص الى يقولك انا هديك مشرف فى المنتدى بتاعى لو المنتدى بتاعه ناجح مش هيديك مشرف بسهولة لان السهولة دليل على الفشل والصعوبة دليل على النجاح وانا افضل انا اكون عضو فى منتدى ناجح عن اكون مشرف فى منتدى غير ناجح ...

المنتدى هنا جميل اوى وبينا احنا هيكون اجمل انشاء الله

لسة برضة عاوز تسيب المنتدى