بعد طول غياب لقاء جديد اخر حاجة مع مديرنا الغالى المبدع اسلام نبيل

السلام عليكم ورحمة الله وبركاته
تحية مليئة برائحة العنبر والعود والعطور
مساء معطر بـ عطر ورود المحبه
أبعثها لجميع طاقم هذا المنتدى
من المدير العام إلى أخر عضو يسجل معنا في هذا المنتدى
شباب مودرن ...
طبعا انتو عارفين ان قسم البيت بيتك بقاله كتير مقفول والاشبحا سكنته
بقى فكل واحد يسمي وهو داخل
يسرنا اليوم ان نعود مرة اخرى في في كرسي الاعدام اةةةةة الاعتراف الاعتراف
وعوده قويه من جديد
فى استضافة احد نجوم هذا المنتدى اللامعين
و اول مره اكون سعيد كده وانا بقدم حد ع كرسي الاعتراف او بمعني اصح بدبس حد
من غير علمه طبعا يعني امر واقع و شر لابد منه
احساس ممتع هههههههههه
ضيفنا إنسان رزين، ذات شخصية محبوبة شخصية جميلة ورائعة
مميز في ردوده ، إنسان رائع في حضوره
دائما ما يتحفنا بأفكاره وعقله النير في خدمة المنتدى و اعضاءه
مبدع في حروفه
عضو مبدع استطاع بمتابعته و حرصه الدائم في التواجد ان يثبت
للجميع انه ليس قطرة الندى التي تعطي للورود جمالا فحسب
بل اثبت لنا انه قطرة ندى تستطيع ان تعطي جمالا لاي
مكان يتواجد فيه
الكلام عنه يطول ويحتاج الى الكثير من الوقت ، ولكن فليعذرني ؛؛
رحبوا معي بضيفنـا
مديرنا الغالى
اسلام نبيل
فلكم حرية توجيه السؤال له
وله حرية الأمتناع عن الأجابة ...
أن شعر أن هناك أقتحام للخصوصيه ....
أهلا ومرحبا بك أخي معنا هنا
والان نبدأ رحلة الشقاء
بأسئلة خفيفة وسريعة
****************
بداية ...عرفنا ببطاقتك الشخصية؟
الاسم
عمرك ؟
دراستك ومؤهلك العلمي ؟
الي اي مدي استفدت من دراستك في حياتك العملية ؟
ما هي هوايتك المفضلة ؟
موقف طريف مر عليك او علقة ساخنة اكلتها و ما نسيتها ؟
شخصيه تاريخيه اومعاصره تمنيت الجلوس معها؟
ما اكثر المواضيع التى شدتك فى الايام او الشهور الماضية....؟؟؟
ممكن تذكر موضوع واحد او اكثر زى ما تحب

فقرة اعلانية ورجعلك تانى ياباشا
guevara

اهلا استاذ اسلام منور الكرسى هما كدا كام سؤال على الماشى

إيه أكتر حآجه محتآجهأ وإيه أكتر حآجه شآيف إنهآ من غيرك متنفعش ؟؟؟

هل انت تفعل ما تقوله هنا بالمنتدى ؟

هل تعترف بشيء اسمه الصداقه بين الرجل والمرأة ولا ده حرام فى نظرك او فى نظر الدين ؟؟

تعددت طرق ووسائل الحوار فهل تعتقد ان النت هو الوسيلة الأفضل للحوار؟؟

ما هي العادات التي دائما تفعلها؟

كيف تفرق بين الالتزام والتشدد؟

ايهم تفضل علامة الاستفهام ام التعجب؟ ولماذا؟؟

لمن تضحك وانت تبكي؟؟

ايه مفهوم الحرية عندك؟؟؟

إذا كانت الدموع سلاح المرأة فمآ هو برأيك سلاح الرجل ؟ ولماذا

ماذا يعني لك الصديق ؟ وما هي موصفات الصديق المخلص في نظرك
من هو عدوك ؟

متى تشعر ؟
بالضعف

الوحده

الخوف

الشجاعه

الغضب

مـاهوه شعورك عنـدمـا تـواجـهـ شخـص لأ يستطيع تفهمك ...؟

ماهو تقييمك لعالمنا الحالي؟؟

ما هو شعورك عندما تسمع العبارات الآتيه

وما رأيك وانطباعك عمن يقولها

- وانا مالى

- انا عبد المأمور

- عيش ندل تموت مستور

- الجري نص الجدعنة

كفايه كدا

اسيبك تعيش حياتك وتجاوب ع الاسئله

سؤالى
اسلام باشا
هل تستطيع الرد على اسئلة روفان ؟؟
الصراحة مش لاقى غير كدة كل حاجة روفان قالتها

منور الكرسى يا أستاذ أسلام

عندى سؤال يفرض نفسه بس من غير تعصب
ليه الكره الشديد لكل ماهو أهلاوى؟
ولما كل هذا التعصب فى الرياضه؟
لى عوده مره اخرى

ههههههه ايه يا روميو انت باصصلى فى لقمه عيشى ولا ايه

فين الاجااابات يا استاذ اسلام مفيناش من الهرروب

شكل المدير هرب
جارى البحث عن المدير
متحاولش حضرتك المكان محاصر

[color=black]ف ألف شكر ليك يا جيفارا باشا على المقدمة الجميلة دي ، بصراحة ترحيب مفيش أروع من كده في الوقت اللى حسيت فيه ان المنتدى ابتدى ينهار ظهرت شخصية "جيفارا" لتعيد النبض مرة أخرى للمنتدى بتصاميمه الجميلة وأفكاره المبتكره ومجهوداته الوفيرة ..

وبالرغم من إن جيفارا كان متأخر في ظهوره في منتدانا ولم يشهد تأسيس المنتدى في 21 مارس 2008 إلا انني اشعر بأنه مؤسس للمنتدى ومشارك في تحديد أفكاره وتوجهاته من فرط حبه وإخلاصه للمنتدى وسهره الدائم لاخراج المنتدى في أبهى صورة وأجمل تصميم ..

ويشرفني الاجابة على تساؤلاتك أخي الحبيب جيفارا وتساؤلات كل الاعضاء عني ..

عرفنا ببطاقتك الشخصية؟

الاسم

إسلام نبيل يونس فرح

عمرك ؟

مواليد 21/7/1985

دراستك ومؤهلك العلمي ؟

ليسانس آداب وتربية قسم لغة عربية .. "عام" إعدادي وثانوي

الي اي مدي استفدت من دراستك في حياتك العملية ؟

اختياري لقسم اللغة العربية كان بناء على رغبة داخلية في اشباع حبي العميق للغة وللشعر والأدب عموماً ، واستفدت الكثير والكثير لاسيما من أستاذي الفاضل الدكتور عبد المنعم عثمان ..

ما هي هوايتك المفضلة ؟

القراءة والكتابة والعمل الصحفي ..

موقف طريف مر عليك او علقة ساخنة اكلتها و ما نسيتها ؟

طبعاً المواقف الظريفة كتيرة في حياتي ،، مثلا في سنة أولى اعدادي وانا في مدرسة "جمال عبد الناصر" كنت ساعتها لسه مش عارف المدرسة ولسه جاي من مدرسة "السد العالي غرب" وفجأة !!!
طلب مني الاستاذ " مجدي" اني اروح اضرب الجرس بتاع الحصة..

بصراحة قعدت افكر فين الجرس فين الجرس ..

اااااااااه صح افتكرت اني لقيت جرس وانا في حجرة الصناعي عند الاستاذ علي ..

وطلعت عن الاستاذ علي قولتله " عايز اضرب الجرس يا استاذ علي "

قالي " ما تضربه يا حبيبي هو انا مسكك "

قلتله " يعني ادخل اضربه "

قالي " نعم تضرب ايه ؟!!! ياض ده لوحة كهربائية فيها جرس ولمبة ومفتاح كهربا ،، الجرس تحت عند المديرة يا ....... "شتيمة حذفتها الرقابة " "

ياله ايام وبتعدي

شخصيه تاريخيه اومعاصره تمنيت الجلوس معها؟

تمنيت الجلوس مع " الشيخ أبو اسحاق الحويني" وتقبيل يديه والبكاء تحت قدميه حباً وعشقاً له ..

تمنيت المناقشة مع الدكتور " إبراهيم الفقي " والاستمتاع بأفكاره وعلومه ..

واخيراً تمنيت الجلوس مع الشيخ الشعراوي ، والدكتور مصطفى محمود ..

ما اكثر المواضيع التى شدتك فى الايام او الشهور الماضية....؟؟؟

مواضيع كثيرة خارج وداخل المنتدى ،، خارج المنتدى " مواضيع محمد أبو كريشة في جريدة الجمهورية ولا سيما في الفترة الماضية " ،، أما داخل المنتدى " موضوع عاشقة شاروخان الأخير بخصوص مشاركة الفتيات في المنتديات ،، وكذلك ايضاً موضوع "اللباقة لجيفارا" وموضوع "راجعين نرد الجميل للمنتدى " وغيرها الكثير والكثير ..

شاكرين مهللين جيفارا باشا ..

ياهلا يا هلا

منور مستر اسلام
بصراحة انا سعيدة جدا لعمل القسم دا
واضح انى كنت فى غيبوبة
هههههههههههههههه

دلوقتى هسال مستر اسلام الاسئلة الخاصة بيا
.ايه هو اصعب موقف حصلك فى حياتك
.ايه هوأكتر موقف محرج حصلك وكان نفسك الارض تنشق وتبلعك
.ايه هو اكتر موقف حصلك وتمنيت يحصلك تانى؟
كفايه عليك مواقف ونغير نوع الاسئله
تعمل ايه فى المواقف الاتيه
1.جه واحدة وقالتلك بحبك؟
2.واثقت فى واحده ومكنتش أهل الثقه دى؟
3.هتعمل ايه لو حسيت بالظلم من حد وهو مش عارف انه ظلمك؟
نغير طريقه الاسئله
1.ايه احساسك وانتى قاعد على الكرسى وهل الكرسى كان مفاجأه ليك
2.المنتدى يبقا فى نظرك ايه؟
ايه رأيك فى الاعضاء دووووول بصراحه

1..روميو
2..منى
3..الفتى الذهبى

4-guevara

منور الكرسي يا اسلام
تحب تشرب ايه في الاول عشان تعرف ترد علي الاسئلة البوفية مفتوح

ايه رايك في
اسلام نبيل لو تعرفة
واكتر صفة بتحبها فية واكتر صفة بتكرهها فية
سارة
روفان
سما
دينامو

كفاية كدة
سلام

ايه مستر هى فين الاجابااااااااااااااات

المدير بيهرب بيروح فين
فين الاجابات

أنا كل الفترة دي عمال اكتب ردود على اسئلة روفان

متخفوش يا جماعة انا مهربتش والا حاجه انا بس بكتب بمزاج شوية

وألف ألف ألف ألف شكر يا جمااااااااااعة على الردود الجميلة والاهتمام ده

ههههههههه

ماشى ماشى

بس بسرعة شوية

روفان صاحبة القلم الرشيق والحضور المتميز بمنتدانا الحبيب ...

أرسل إليك أجمل التحايا على مجهوداتك الجميلة التي أضافت الكثير والكثير لخزائن معلوماتنا ..

وبالرغم من حداثة اشتراكك في منتدانا الحبيب إلا أن مواضيعك وردودك ظلت عالقة في أذهاننا ومحفورة في وجداننا فلك مني خالص الود والتقدير ..

ونبدأ الاجابة على الاسئلة الجميلة " على بركة الله "

إيه أكتر حآجه محتآجهأ وإيه أكتر حآجه شآيف إنهآ من غيرك متنفعش ؟؟؟

أكتر حاجه محتاجها " العزلة عن العالم الخارجي لفترة من الزمن " أعود بعدها إلى تألقي ونشاطي ..

وأكتر حاجه شايف إنها من غيري ما تنفعش " المنتديات" فأنا من عشاق المنتديات ومن روادها وأتمنى أن أضع في كل منتدى أشارك به بصمتي المتميزة وفكري وآرائي في شتى المواضيع والمقالات ..

هل انت تفعل ما تقوله هنا بالمنتدى ؟

شخصيتي بالمنتدى تماثل شخصيتي الحقيقة من جانب التعدد والاختلاف ،، فأنا لا اثبت على كيفية معينة ، فأجد نفسي مندفعاً في القراءة عن الاسلاميات " الفقه ،، العقيدة ،، السيرة ،،، وعلوم القران" وتعلم أحكام التجويد وتعليمها ،، وفي نفس الآن القراءة للتيارات الفكرية المختلفة "الليبرالية والاسلامية واليسارية " ،، ولا أجد حرجاً من استماع الأغاني بشتى صنوفها وكذلك مشاهدة الأفلام ولاسيما الاجنبية صاحبة الموضوع والرسالة ..

وهذا يتجلى في المنتدى ظاهراً من خلال مشاركتي في شتى الاقسام وفي كافة المواضيع دون تفرقة أو حصر على نوع معين من المواضيع ..

هل تعترف بشيء اسمه الصداقه بين الرجل والمرأة ولا ده حرام فى نظرك او فى نظر الدين ؟؟

اعترف بالصداقة بين الرجل والمرأة في حدود الأدب والاحترام ، وهذا ما تم إيضاحه بشكل مفصل في موضوعي "نقطة نظام .. حتى لا ينحدر منتدانا إلى الهاوية" والموجود بقسم نشرة مودرن "سابقاً" والمسمى حالياً "بمودرن اليوم" .. والاختلاط متواجد منذ عصر النبي صلى الله عليه وسلم ، ولكن المهم الكيفية فلا يعقل مثلا الخلوة بين رجل وامرأة ونقول عندها "صداقة" !!! أو مثلاً حديث في العشق والغرام بين الطرفين ونطلق على هذا الموضع "صداقة" !!!! فالأمر متوقف على نوعية الاختلاط وكيفيته ..

تعددت طرق ووسائل الحوار فهل تعتقد ان النت هو الوسيلة الأفضل للحوار؟؟

النت أفضل وسيلة حوار في القرن الحادي والعشرين ،، والمنتديات هي الأقرب إلى قلبي وعقلي .. وأتمنى أن نحسن استغلال تلك الثورة التكنولوجية حتى تؤتي ثمارها علينا وعلى أمتنا ..

ما هي العادات التي دائما تفعلها؟

العادات كثيرة ، ومنها مثلاً " تسجيل الخواطر والأهداف في حياتي بانتظام في أجندة أو كشاكيل مختلفة " ،، حتى عرفت في المنزل بأنني أعشق كتابة الأهداف بطريقة غير طبيعية وكذلك أيضاً من العادات التي أحرص عليها "الدعابة مع كل من يقابلني من الأصدقاء صغاراً وكباراً" فأنا أكره الكآبة وأصحابها ، ولا أجد حرجاً في التبسط مع الأطفال وصغار السن ومعنديش " الكلاكيع اللى عند الناس اللى بتحب تعمل نفسها كبيرة وصاحبة مكانة "

كيف تفرق بين الالتزام والتشدد؟

الالتزام هو السير على خط مستقيم واختيار اوسط الأمور وأقربها للصواب ..

التشدد هو التمسك بالرأي وعدم الاستماع إلى الآخر حتى وإن كان هذا الرأي مجانب للصواب ..

فالالتزام يعني المرونة وتقبل الآخر ،، والتشدد يعني التعصب وكره الحق ..

ايهم تفضل علامة الاستفهام ام التعجب؟ ولماذا؟؟

علامة التعجب .. لأنها تحتمل إجابات عدة وقد لا نجد لها إجابة ،، بينما علامة الاستفهام فلابد من وجود إجابة لها ،، بينما في الحقيقة نجد أن الكثير من ظواهر الكون وواقع مجتمعنا نضع أمامها علامة تعجب ونحتار في إيجاد تفسير له ..

لمن تضحك وانت تبكي؟؟

عند رؤية "مستر بين" نجم الكوميديا الأول بالنسبة لي ..

ايه مفهوم الحرية عندك؟؟؟

الحرية تعني التمتع بملذات الدنيا وفقاً لقوانين المجتمع والدين والدولة .. وعدم الخروج عن المألوف والفطرة ..

إذا كانت الدموع سلاح المرأة فمآ هو برأيك سلاح الرجل ؟ ولماذا

سلاح الرجل العقل ،، فالمرأة تفقد عقلها بسرعة ،، بينما الرجل يحتفظ برجاحة عقله في أحلك الظروف وأصعبها وهذا من فضل الله عليه ،، ولذلك جعل الله عز وجل للرجل قوامة على المرأة حتى يقود المنزل والأسرة إلى بر الامان ..

ماذا يعني لك الصديق ؟ وما هي موصفات الصديق المخلص في نظرك
من هو عدوك ؟

الصديق هو من يصدقني القول ..

ومواصفات الصديق المخلص :

1.. يدافع عني في غيبتي ..

2.. يبصرني بعيوبي ..

3.. يقف بجانبي في الفرح والحزن ..

والعدو هو من يتفنن في إيذائي ،، لا لمجرد الغضب مني ولكن لظلمة تغشى قلبه تجاهي ..

متى تشعر ؟
بالضعف

عندما ابتعد عن الله عز وجل ..

الوحده

عندما أفقد أصدقائي وأحبابي ..

الخوف

عندما أتذكر يوم القيامة والحساب ..

الشجاعه

عندما أقرأ سير العظماء ..

الغضب

عندما أتذكر واقع الأمة العربية المرير ..

مـاهوه شعورك عنـدمـا تـواجـهـ شخـص لأ يستطيع تفهمك ...؟

وإذا خاطبهم الجاهلون قالوا "سلاما" ..

ماهو تقييمك لعالمنا الحالي؟؟

عالم مجنووووووووووووووووووون

ما هو شعورك عندما تسمع العبارات الآتيه

وما رأيك وانطباعك عمن يقولها

- وانا مالى

اشعر بفقدان الصديق والخل الوفي ..

- انا عبد المأمور

أشعر بالقهر وفقدان المروءة ومعاني الرجولة ..

- عيش ندل تموت مستور

أشعر بواقع ينذر بكارثة ..

- الجري نص الجدعنة

أحيانا بصراحة قد يكون الجري كل الجدعنة ،، وياما جريت من كلاب ساعتها افتكرت المقولة دي

ألف ألف شكر يا روفان على الاسئلة الجميلة دي وفي انتظار أي أسئلة أخرى

أهلا بالدكتورة المبدعة "منى" ، وبصراحة المنتدى لا طعم ولا لون ولا أي حاجه بدون الدكتورة "منى" ، ولو كتبت عنها الكتير من هنا لبكره مش هقدر أوفي حقها ولا أشكر مجهوداتها الواضحة في كل ركن من أركان المنتدى يكفي انها بتشارك في أحلك الأوقات لما بيتخلى الكثير من أعضاء المنتدى عنه وده بيدل على ايمانها الشديد بفكرة المنتدى وقيمته ، فخالص الود والتقدير لها

وأجاوب على سؤالها

ليه الكره الشديد لكل ماهو أهلاوى؟
ولما كل هذا التعصب فى الرياضه؟

طيب مش هتصدقي يا منى لو قولتلك إني عمري أصلا ما دخلت استاد كورة !!

والكورة بالنسبة ليا "ترفيه" وهزار مع أصحابي ،، يعني مش قضية حياة وتعصب وكده

وأصبح موروث مصري عندنا إننا نستفز بعض في الكورة ،، فده أهلاوي يضايق الزملكاوي وده زملكاوي يضايق الأهلاوي ،، وانا مثلا كنت أهلاوي وانا صغير بالظبط لغاية سنة 94 ،، في الفترة دي الزمالك كان متألق فيها ،، لما لقيت بعد كده الزمالك بيقع ،، ولقيت خالي " هاني" كان زملكاوي وخالي التاني " مصطفى" برده زمالكاوي ، والوالد كذلك ،، بقيت زمالكاوي من سنة 4 ابتدائي ،، وبقيت اغيظ في الاهلوية فالعملية كلها تهريج في تهريج ولا تعصب ولا حاجه والله

انا لسه الحمد لله بعقلي وموصلتش لمرحلة التعصب وإيذاء نفسي او الاخرين عند هزيمة الزمالك أو أي فريق انا بشجعه

مشكووووووووووورة يا دكتورة على السؤال الجميل ده وفي انتظار المزيد

منورة الموضوع يا سما

ويارب تستمري معانا في المنتدى ونشوف كل ابداعاتك ومتعمليش زي ناس تانية قعدة شوية معانا وكتبوا وتفاعلوا وفجأة فص ملح وداب

أنا نفسي ان الحماسة تستمر مع كل الأعضاء ،، وده عمره ما هيحصل إلا إذا آمنا كلنا بهدف المنتدى ،، وانا قبل ما اعمل المنتدى ده وانشأه كتبت الاهداف اللى عايزها منه ،، ودلوقتي بعد ما لقيت الاعضاء تفاعلوا فترة مع المنتدى وهجروه وكل فترة يدخل مجموعة من الاعضاء ويتفاعلوا ويكرروا نفس سيناريو الهروب بفكر جدياً في عمل ميثاق وأهداف جديدة نشارك كلنا في وضعها بحيث تكون واضحة أمام الجميع وفي نفس الوقت تكون بمثابة حافز ودافع لينا على الاستمرار ..

وانا توسمت في اشتراكك خير يا سما ،، ومتأكد انك هتكوني عند حسن ظننا جميعاً

ايه هو اصعب موقف حصلك فى حياتك

أصعب موقف حصل في حياتي "فشلي في الالتحاق بكلية الهندسة" بفرق واحد في المية فقط ، بعدما حصلت على مجموع 90.8 "علمي رياضة" وكلية هندسة ارتفع تنسيقها في هذا العام لتصل إلى 91.8 ..

d]ايه هوأكتر موقف محرج حصلك وكان نفسك الارض تنشق وتبلعك

أكتر موقف محرج حصلي لما دخلت مكتبة الاسكندرية وفي جيبي معلقة نسيتها من المعسكر ، والجهاز بتاع الدخول في الامن زمرررررررررررر وواقف ورايا أجانب وقدامي أجانب ،، مش عايز اقولك كان شكلي ايه لما طلعت المعلقة من جيبي كان نفسي استخبي في اي حته

.ايه هو اكتر موقف حصلك وتمنيت يحصلك تانى؟

موقف اتصال " الأخ شقالة بيه" "هاني" بي من قطر خصيصاً للتعبير عن حبه وتقديره لصداقتنا التي نشأت على الانترنت ..

تعمل ايه فى المواقف الاتيه

1.جه واحدة وقالتلك بحبك؟

هقولها فوتي علينا بكره

2.واثقت فى واحده ومكنتش أهل الثقه دى؟

هفرح ان ربنا خلصني منها بدري بدري

3.هتعمل ايه لو حسيت بالظلم من حد وهو مش عارف انه ظلمك؟

هسكت وانتظر اقرب فرصة مناسبة واصارحه ..

1.ايه احساسك وانتى قاعد على الكرسى وهل الكرسى كان مفاجأه ليك

والله احساس جميل بمحبة الناس والاصدقاء لي ،، وكان مفاجأة جميلة من أخي الحبيب "جيفارا" ..

2.المنتدى يبقا فى نظرك ايه؟

المنتدى يعني شخصيتي على الانترنت ،، بدونه لا قيمة لوجودي على فضاء الانترنت .. المنتدى حياتي على الانترنت ،، ياااااااااااااااااااارب يحفظه من كل سوووووووووء ..

ايه رأيك فى الاعضاء دووووول بصراحه

1..روميو

من الشخصيات الجميلة المرحة، انسان مهذب ،، تعلمت الكثير والكثير من والدته ولازلت وياااااااااااااارب يخليهاله ويحفظها ويحفظ كل أمهات المسلمين من كل سوء ..

2..منى

القلب النابض لهذا المنتدى ،، ونور الأمل الذي يدفعني عندما تنتابني لحظات من اليأس والاحباط ..

3..الفتى الذهبى

من أجمل الشخصيات في هذا المنتدى ،، صاحب قلب صافي ،، وحضور متميز ،، وحس مرهف ،، ودعابة خفيفة ..

-guevara

جيفارا علم من أعلام المنتدى ،، ومفيش خطوة بتحركها غير لما آخد رأيه ،، لأنه فنان بفطرته ،، وعنده حس مرهف ،، وسعيد أني قربت منه أوووووي ،، وربنا عوضني خير في فقدان أخي الحبيب بهجوري وابتعاده عن المنتدى بجيفارا ،، وبقوله يا جيفارا انت جيت متأخر عن تأسيس المنتدى ،، لكن المنتدى مولده الحقيقي يوم انضمامك ليه .. وقبل كده كانت مرحلة تمهيدية لحدث كبير تمثل في ظهور اسم جيفارا على صفحات مودرن ..

وألف ألف ألف شكر يا سما وخالص الود والتقدير ليكي ولمجهوداتك الجميلة

ميرسى كتير دا من زوق حضرتك وكرم اخلاقك

استاذ إسلام
بشكر حضرتك جدا وان كنت انا لا استحق ولو جزء مما قولته فى حقى
والف شكر على الاجابات المتميزة

نسأل شويه

مارؤية حضرتك للمستقبل ولما حدث ومازال يحدث سواء فى فلسطين او العراق او غيرها؟
ومن هم المسؤلين عن هذا؟
هل نحن كمسلمين اولا ثم كمصريين فعلنا مايجب فعله فى هذه الظروف؟

تقييم حضرتك لشباب هذا العصر وتفكيرهم؟اقصد الاغلبيه وليس الكل
أكتر شئ تراه يشغل الشباب هذه الايام؟
ولما وصلنا لهذا الحال؟

لى عوده مره اخرى
حضرتك زملكاوى ولازم نتوصى بحضرتك

هلا هلا بعودة الدكتورة منى مرة أخرى للأسئلة الجميلة

مارؤية حضرتك للمستقبل ولما حدث ومازال يحدث سواء فى فلسطين او العراق او غيرها؟
ومن هم المسؤلين عن هذا؟
هل نحن كمسلمين اولا ثم كمصريين فعلنا مايجب فعله فى هذه الظروف؟

الامة الاسلامية تعيش أسوأ مراحلها وأخطر فتراتها التاريخية .. ونظرة بسيطة لمقالات الاستاذ الكبير "محمد أبو كريشة" في جريدة الجمهورية " كل أحد وثلاثاء" والتي انقلها أحياناً إلى المنتدى ،ستجدين أختي الفاضلة كم هو الواقع مرير وكم ابتعدنا عن الحقيقة وأصبحنا مزيفيين للأمور ، فالكل يتنصل من المسئولية مع أننا نتحمل الإثم جميعاً كباراً وصغاراً ،، شباباً وشيوخا ،، قادة وشعوب ،، لا أحد برئ مما يحدث حتى وإن ساق البراهين والأدلة التي تعفيه من المسئولية الجسيمة ..

والأمر لن يتوقف عند مجرد الشعارات والدعوات ، القضية تحتاج منا إلى تخطيط شامل لاصلاح ما فسد في حياتنا في شتى جوانبها ، وفي نفس الوقت استئصال رموز وبؤر الفساد المستشرية في كل مكان ، فمحاربة عدونا الداخلي هو الأساس قبل الحديث عن العدو الخارجي ، فترتيب البيت من الداخل هو الخطوة الاستراتيجية الأولى يعقبها الاستعداد للعدو وإعادة الهيبة المفقودة لأمتنا العربية ..

ونسأل الله أن يصلح حال الأمة الاسلامية ويبعثها من مرقدها ..

تقييم حضرتك لشباب هذا العصر وتفكيرهم؟اقصد الاغلبيه وليس الكل

الشباب كغالبية عامة هو ضحية لتربية خاطئة من أباء سقطوا فريسة للاعلام الهابط والحكومات الفاشلة والمنظومة التعليمية الرديئة ، وأذكر في هذا المقام قول العلامة الجليل فريد عصره في علم الحديث الشيخ "أبو إسحاق الحويني" عندما قال في محاضرة "جيل التمكين " :

" أباؤنا هم جيل الهزيمة ، هم جيل نكسة 67 ، هم تلاميذ إحسان عبد القدوس وتوفيق الحكيم ونجيب محفوظ واساتذة التشكيك في العقائد والافكار ، هم أتباع أنيس منصور والاشتراكية و الاتحاد الاشتراكي وأحلام عبد الناصر و تقلبات السادات ، هم من أورثونا الخوف والجبن والانانية وعدم الجرأة على تغيير الواقع المزري فتركوا لنا مقولات تعبر عن انحدار لا مثيل له مثل " الحيطان ليها ودان " " خليك في حالك وكل عيش" "انت هتغير الكون" ولذا انصح الشباب بأن يسعوا إلى التغيير بعيداً عن آبائهم وإحباطاتهم المتكررة الموروثة )

حفظ الله شيخنا أبو إسحاق الذي حلل الوضع كما يجب ودعانا إلى كسر حاجز الخوف والسعي إلى التغيير والتطوير ومعالجة السلبيات في المنتشرة في المجتمع وإظهار الايجابيات وتدعيمها ..

أكتر شئ تراه يشغل الشباب هذه الايام؟

الترفيه بوجه عام متمثل في "مشاهدة مباريات كرة القدم، استماع غناء ، مشاهدة افلام ، تتبع اخبار النجوم ، الجلوس امام الانترنت والدخول على المواقع الاجتماعية للتعارف والدردشة كالفيس بوك وغيره ، .." حتى الزواج والعمل أصبح لديه نوع من الترفيه ، فإذا مل وسئم الشاب من عمله تركه وإذا وجد في محبوبته رتابة وملل انفصل عنها ولم يبالي ولم يعد هناك شيء عزيز على خاطره أو قلبه ..

ولما وصلنا لهذا الحال؟

نتيجة لسلبية الاباء المورثة إلى الابناء ، استسهل الابناء الوضع ولجأوا إلى أمور تشغلهم بعيداً عن الواقع المرير المشوه ، ومن الآخر كده "كبروا دماغهم لان الحكاية مش ناقصة معاهم مش كفاية الظروف معنداهم " ..

في انتظار أي اسئلة اخري يا دكتورة ودايماً منوراني ..

اسلام شخصية ظريفة جداااااااااااااااااااااااااااااا وانا اعرفه يعنى لانه جارنا ويتسم بالاخلاق الحميدة بجد وانا طبعا مش هسأل لان الاعضاء خلصوا الاسئلة بس انا عرفت حاجة بجد مهمة يااسلام وياجيفارا وللمشرفين والمديرين للمنتدى انا عرفت ليه احيانا المنتدى مش بيبقى فى ناااااااااااااس كتييييييييييير او اللى بيدخل احيانا مش بيكمل لان انا لاحظت ان القدام او المشرفين مش بيتفاعلوا مع الاعضاء الجدد وبيتكلموا بس مع بعضهم طول الوقت وانا منكرش طبعا انهم بيردوا او بيتكلموا مع الاعضاء الجدد بس مش بطريقة فعاله ومعظم المقابلات والكلام مع القداااااام ومافيش اهتمام واضح بالجداااااااد فالعضو الجديد اكيد بيزهق وبيحس نفسه غريب فبيحس انه مش مرغوب فيه وبينسحب للفيس بوك او الشااااااات واعتقد ده سبب رئيسى ان ممكن ميدخلش حد المنتدى فترة طويلة واتمنى انكم ككمديرين ومشرفين تهتموا شوية بالاعضاء الجدد وتكون فى مناقشات جيده بين بعضينا وحتى فى بعض المواضيع بتبقى بس للمشرفين والمديرين ولا يسمح للعضو انه يرد او يكتب موضوع فيها فياااااريت يااااااااااااسلام وجيفارا خصوصا متزعلوش من كلااااااامى ونحاول فى فكرة او اقتراح نعمله عشان يكون بجد فى فاعلية بين القدام والاعضاء الجديدة عشااان يبقى احلى منتدى وهو فعلا احسن منتدى انا دخلته لانكم كلكم محترمين وزى اخواتى وده رائى الشخصى وياااااااااااااااريت الرد

بعد طول غياب لقاء جديد اخر حاجة مع مديرنا الغالى المبدع اسلام نبيل 4

بعد طول غياب لقاء جديد اخر حاجة مع مديرنا الغالى المبدع اسلام نبيل 1528_1133970174

تحية طيبة الى اخوتى الاعضاء
اولا
انا اعتزر لاخى الحبيب اسلام نبيل على ردى فى موضوع المفروض يكون مخصص
لنتعرف على اسلام الانسان خارج المنتدى
ولكن القدر
جعل قسم البيت بيتك الى قسم شكاوى ومقترحات
اللهم لا اعتراض
الاخت
عاشقة شاروخان
طلما اسلام نبيل من حسن حظك جارك مش فية اعضاء تانية
نفسهم يكونو جيرانو زايك يتعرفو علية اكتر
وهذا هدف الموضوع
لكن
فجائتنى كلامتك التى لامحال لها من الموضوع
كل ماذكرتية وجهة نظر يجب تحترم بدون نقاش
ولكن عندما تكون فى مكانها
والمفترض
قسم الشكاوى والمقترحات
لو حضرتك نزلتى بالصفحة الاسفل
اسمحيلى حاشرحلك المنتدى بظبط
بماانىفرد من الادارة بمعنى كلامى وجهة نظرشخصية
ليس اجماع من الادارة
وانا متاكد انك سوف تصابين بالملل
بما انى احد الاشخاص الذين لهم دور فى ملل الاعضاء
وهروبهم
على حد قولك
اولا
العبد لله كان عضو جديد ولم اكن فى الادارة منذ قدومى هذا المنتدى
ولكن الحمد لله وبفضل الاعضاء الموجدين سواء مشرفين او اعضاء او ادارين
هم من جعلونى فى هذا المكان
بدت من نفسى فى محاولة لتقديم نفسى وسط كتيبة من المبدعين
نقلت المواضيع الحمدلله كان اغلبها مفيد براى الاعضاء
انما اكثر شى بيعيبنى
انى لا اتحمل السكوت فى شى غاية فى ................
حضرتك
بتردى على موضوع صاحب الموضوع نفسة ساب المنتدى من سنتين!
المواضيع اللى البيت بيتك بعد ما بيخلص الضيف لقائة بيقفل الموضوع
لكن حضرتك كونتى ثائرة على الروتنية اللى فى المنتدى وقمتى بعمل موضوع
عشان تردى على موضوع مقفول
او مثالا
شخصين اختلفو مع بعض من سنة فى قسم الشكاوى
تقمى حضرتك برد
وانا اسف انى سوف اقتبس الرد
لى سوال صغير بعد الاقتباس
الموضوع كان الاخ هيرو بيعتزر ل لف مسج
مشكلة قديمة جدا
وانتهت
حضرتك بتعلقى فى الموضوع عشان صورة التوقيع بتاعت اخى العزيز احمد بهجورى
كتبتى
متزعلش يامستر هيرو واكيد ده سوء تفاهم لان منعتقدش ان حد من المشرفين على المنتدى هيعترضوا او هيضيقوك وعلى فكرة صورة جميلة وانا عن نفسى اعرف علاء اللى لابس نظارة لانه اشتغل معايا فترة كاشير وكان شخصية محترمة جداااااااااااااااااا وكان لازم اتكلم عنه مادام شوفته لانه شخص جدير بالاحترام ومتزعلش يامستر هيرو
ممكن اسال حضرتك ماالداعى لهذا الرد
والموضوع انتهاء
المنتدى به كثيرمن المواضيع الجديدة وطبعا لكى الحق عدم الردطلما مش مقتنعة بااى موضوع فى المنتدى
كيف لاتصبين بالملل وحضرتك بتردى على مواضيع ليها اكتر سنتين تلاتة
وتقولى المنتدى الاعضاء بيهرب او اواو
الكتابة فى المنتدى بتعمد على اما قلم امير او قلم اجير
او قلم "يحرّر" وآخر "يقرر" وآخر "يغرر" وآخر "يبرر" وآخر يحاول جاهدا أن "يمرر" وآخر .. "يكرر" ..
نقطة تانية
حضرتك بتقولى اننا المشرفين بنكلم بعضوبنتجاهل الاعضاء الجدد
الظاهر حضرتك نسيتى الاعضاء يوم تشريفك هنا ردودهم ازاى فى الترحيب
ولما حضرتك نزلتى موضوع فى
قسم قول اللى فى نفسك
https://cool77.yoo7.com/montada-f62/topic-t11044.htm
اذا لايوجد اضطهات للاعضاء الجدد

كما ذكرتى

كم هو جميل ان تكتبى لاجل فكره معينه او لاجل قلم احببناه
وليس لاجل فلان او غيره
هذا هو القلم الحر
يكتب لاجل فكره ولاجل توصيل نوع من المعاني والكلمات المفيده
غير ذلك ..........!
بعتزرلكم على الملل اللى قريتوة

Guevara

بعد طول غياب لقاء جديد اخر حاجة مع مديرنا الغالى المبدع اسلام نبيل 4

اولا حضرتك فهمتنى غلط وثانيا ده شىء خاص بيا انى اعلق على صورة معينة وليا حقى الكامل فى كده وثالثا انى كتبت كوى او اقتراح ومكنش فى مكانه مااعتقدش انها مشكلة كبيييييييييييييييييييرة للدرجة دى وده رايى وكان من المفروض انك تتقبله بس للاسف حضرتك متقبلتهوش وده واضح جداااااااااااا من طريقة كلامك وكان ممكن تنصحنى بطريقة احسن منك وشكرااااااااااااااااااااااااااااااااااا ليك يامستر جيفارا

وفى حاجة تانية كمان انا عضوة جديدة واول مرة اصلا ادخل منتدى وعجبتنى الفكرة وكان لازم تعرف حضرتك يامستر جيفارا انى جديدة وفى حاجات ممكن مااكنش عارفاها وكان من الاحسن لو فى حاجة مضيقاك اووووووووووووى كده كان من الممكن تبعتلى رسالة خاصة تشرحلى فيها غلطى لما اغلط عشان على الاقل افهمه واتقبله منك وكمان الاسلوب يبقى كويس ومافهوش تريقة لان مافيش حد هيقبل ان حد يتريق عليه وانا مقولتش انى حاسة بالملل فى المنتدى انا بقول انه ممكن يكون احدى المشاكل اللى فى المنتدى واظن انه واضح لان فى ناس كتير مش بتدخل ممكن حضرتك تفسر لى سبب تانى وانا قلت كمان نشوف حل للموضوع ده يعنى مقلتش حاجة مش كويسة وبالنسبة لمستر هيرو اللى مشى من سنتين انا مشفتش التاريخ ده اول حاجة وثانيا انا مغلطش فى البخارى يعنى انى مشفتش التاريخ والصراحة انا مش شايفة اى مبرر انك تتكلم بالطريقة دى معايا ولو سمحت لو عندك تعليق ياريت تكتبه بطريقه اتقبله منك ويكون فى نوع من النصيحة عشان يكون ايجابى

السلام عليكم ورحمتة الله وبركاتة
حتى لاتاخذك الحماسة
حضرتك مش حتفرضى عليا ازاى اتكلم وارد
وزى ماتفضلتى حضرتك بتعليقك
انك لكى كامل مطلق الحرية فى الرد
وانا لن احرم نفسى من ذات المطلق
ثانيا
حضرتك اشتركتى معانا قبل كدة يعنى موضوع عضوة جديدة
ملوش اساس من الصحة
اما بالنسبة لتعليقاتى لااعتقد انه يهمنى تقبلتى ام لم تتقبلية
لانى لااجامل فى شى واضح
لو حضرتك بتتكلمى ان المفروض ابعت رسالة خاصة
انبهك
يبقى حضرتك اكدتى صدق كل كلمة قولتها
غير ان حضرتك لم تفعلى ماتقولية
وبالعكس الايجابية لما تكلم الشخص بالاسلوب الذى يحدث بة الشخص ذاتة
Guevara

أنا سعيد بعودة روح النقاش مرة أخرى للمنتدى حتى وإن شابها بعض الحدة

بالنسبة للقضية المثارة حالياً بين الأخت الفاضلة عاشقة شاروخان والأخ العزيز جيفارا فهي ناتجة عن اختلاف حول تفهم رد الاخت عاشقة شاروخان ، وانا عندما قرأت ردها مرة واثنين وثلاثة وأربعة لم أجد فيه تطاول أو خروج عن نطاق الاحترام والنقد البناء ، فأنا قد طالبتها في رسالة خاصة بنقد المنتدى وتقديم مقترحات ، وجاء نقدها في موضوع البيت بيتك بدلاً من قسم الشكاوي لعدم خبرتها بالمنتديات وهي تعترف بذلك ولكن نشكر سعيها المتميز لكتابة رأيها ..

واسمحوا لي تفنيد رأيها لتفهمه جيداً :

اسلام شخصية ظريفة جداااااااااااااااااااااااااااااا وانا اعرفه يعنى لانه جارنا ويتسم بالاخلاق الحميدة بجد وانا طبعا مش هسأل لان الاعضاء خلصوا الاسئلة بس انا عرفت حاجة بجد مهمة يااسلام وياجيفارا وللمشرفين والمديرين للمنتدى انا عرفت ليه احيانا المنتدى مش بيبقى فى ناااااااااااااس كتييييييييييير او اللى بيدخل احيانا مش بيكمل

أظن ان قضية "عدم استمرار الاعضاء في المنتدى" هي القضية الاساسية التي لابد من مناقشتها في أي قسم وفي أي زمان حتى نجد لها حلاً جذرياً ..

لان انا لاحظت ان القدام او المشرفين مش بيتفاعلوا مع الاعضاء الجدد وبيتكلموا بس مع بعضهم طول الوقت وانا منكرش طبعا انهم بيردوا او بيتكلموا مع الاعضاء الجدد بس مش بطريقة فعاله ومعظم المقابلات والكلام مع القداااااام ومافيش اهتمام واضح بالجداااااااد فالعضو الجديد اكيد بيزهق وبيحس نفسه غريب فبيحس انه مش مرغوب فيه وبينسحب للفيس بوك او الشااااااات واعتقد ده سبب رئيسى ان ممكن ميدخلش حد المنتدى فترة طويلة

والله عندك حق في كل كلمة قولتيها ،، تفاعلنا مع الاعضاء الجداد لا يكون بنفس قدر تفاعلنا مع القدامى ، فعند انضمام عضو جديد للمنتدى نقوم بإرسال رسائل خاصة للمشرفين والمراقبين بعمل ترحيب للعضو الجديد ، وبعد ذلك نتركه في المنتدى ولا نسأل عليه عند ابتعاده عن المنتدى، ونحن نسير في هذا الطريق لعمل أسرة "شباب مودرن" التي تحتوي كل أعضائها ولا تفرق بينهم طالما أنهم أبدوا ترحيب واستعداد للانضمام إليها ..

ثم تقول الاخت الفاضلة "عاشقة شاروخان"في ختام نقدها البناء : ..

واتمنى انكم ككمديرين ومشرفين تهتموا شوية بالاعضاء الجدد وتكون فى مناقشات جيده بين بعضينا وحتى فى بعض المواضيع بتبقى بس للمشرفين والمديرين ولا يسمح للعضو انه يرد او يكتب موضوع فيها فياااااريت يااااااااااااسلام وجيفارا خصوصا متزعلوش من كلااااااامى ونحاول فى فكرة او اقتراح نعمله عشان يكون بجد فى فاعلية بين القدام والاعضاء الجديدة عشااان يبقى احلى منتدى وهو فعلا احسن منتدى انا دخلته لانكم كلكم محترمين وزى اخواتى وده رائى الشخصى وياااااااااااااااريت الرد

وانا والله سعيد جداً بنقدك البناء ، واتمنى ان كل الاعضاء ينقدوا بنفس القوة لكي نصل إلى حقيقة المشكلة وعلاجها ..

ولن اقف كثيراً على الخلاف الذي حدث الان لأنني على ثقة بسمو أخلاق أخي جيفارا وأختي الفاضلة عاشقة شاروخان ، وكما يقولون "سحابة صيف" وهتعدى ..

ولكني سأضع أمامكم طموحاتي التي أسعى لتحقيقها وسأجعلكم تشاركوني الحلم لعل في هذه المشاركة سمو عن الوقوف امام عقبات بسيطة وخلافات لا تستحق ان نغضب لها ويتشتت شملنا من أجلها ..

منتدى شباب مودرن فكرة روادتني وراودت شباب "صحاري" من أجل عمل شيء مفيد على شبكة الانترنت وإحداث تجمع لشباب صحاري مع غيرهم من الشباب وتقديم النافع والمتميز ..

وقد يسر الله لنا هذا الامر في 21 مارس2008 ولو أن الأمر توقف عند هذا لما استمر المنتدى حتى وقتنا هذا بالرغم من ظهور منتديات عدة في هذه الفترة وبعدها إلا أنها لم تستمر طويلاً لأننا اعتبرنا منتدى شباب مودرن بذرة ونواة لمشروع شبابي كبير متكامل ..

فالمنتدى ليس نهاية مطافنا ، فالخطوة التالية التي ظهرت أخيراً للنور ألا وهي موقع كبير تحت مسمى :

"أسوان اليوم"

على هذا الرابط :

http://www.aswan2.com/ar/home.php

وسيكون هذا الموقع بإذن الله اكبر موقع أسواني على شبكة الانترنت ، وسيتم تحرير أقسامه بواسطة أعضاء منتدانا الحبيب "منتدى شباب مودرن" ، وسيكون بمثابة واجهة مشرفة ومتألقة لمنتدانا ..

الخطوة التالية التي سنسير في تحقيقها ولن يصعب علينا تنفيذها ، عمل "جمعية شباب مودرن" جمعية خيرية به العديد من الانشطة الثقافية والاجتماعية والخيرية والاسلامية والرياضية والترفيهية .. ومجلس إدارتها من الشباب المتميز من أعضاء منتدى شباب مودرن وخارجه .. ونسير الان في الاجراءات القانونية واختيار مقر الجمعية والموافقات الامنية ..

ونطمح في الخطوة التالية عمل "إذاعة شباب مودرن " على الانترنت ، مثل فكرة راديو سمارت :

http://www.radiosmart.com/

والتي سبق الاعلان عنها في منتدانا للمشاركة بها ..

ولن تنتهي طموحاتنا عند هذا الحد .. بل ستستمر وستتزايد مع تزايد المنجزات التي نحققها ..

فهل تشاركوني في أحلامي وتسمو على تلك الخلافات البسيطة ؟؟