انت بتكره المنتخب

انا بكتب الموضوع دة عشان انا جوايا بركان غضب على المنتخب واعتقد ان كلكم كدة بس عاوز اقولكم حاجة اوعى حد يقول ان المنتخب المصرى وحش او يوجة اى انتقاد لية اذا كان بتحبو المنتخب يبقى تفرح وقت فرحة وتقف جنبة وقت هزيمتة الواحد حاسس انة كره حياتة بعد الهزيمة ولكن الكورة كدة غالب ومغلوب وياريت ماتبقوش انانيين زى ما انتو عاوزين تفوزو الفرق التانية عاوزين يفوزو بردة هوة مفيش غيركو ولا اية

واللى مش قادر على تحمل هزيمة المنتخب يبقى مايتفرجش على المنتخب ويشجعة من الاول مش وقت الانتصار بس جنب المنتخب لازم تتحمل الهزيمة بردةولا انا كلامى فى عيب

وانا عارف ان الهزيمة دية ابتلاء لحسن شحاتة ورفقاء ابو تريكة(المنتخب)وان شاء اللة نتاهل لكاس العالم ونوريهم لعبنا بس ياريت ماتياسوش تذكرو هزيمة مصر لايطاليا وازاى المنتخب قدملكو هدية الفوز دية وتذكرو اداء مصر قدام البرازيل رغم الهزيمة وشرفونا قدام العالم

لية بقى لما تتهزمو تقعدو تنقدو فى المنتخب وحسن شحاتة اثبتو وماتتهزوش اية يعنى ماتش اتهزمنا فية وبطولة خرجنا منها انتو فاكرين ان المنتخب ماكينات تعمل دول بشر زيكم والهزيمة غصب عنهم امريكا كانت قوية بالاضافة للغيابات المؤثرة جدا خليكم وطنيين واقفو جنب المنتخب

وماحدش يزعل من المنتخب ان شاء اللة يعوضها ليكو فى بطولات تانية والجايات اكتر ان شاء اللة يمكن نطلع من البطولة دية بس ندخل كاس العالم ويمكن فى مفجآت جاية كتير ماحدش يعلم الغيب قولو الحمد للة

بس بصراحة بعد الكلام اللى قولتو مش هاقدر اخبى زعلى وحزنى الشديد ويارب كلامى يكون اثر فيكو وغير وجهة نظركو للمنتخب

بيعيط وزعلان

انا مش بكرة
اولا انا بحية علي الاداء وكتر خيرة
بس انا زعلانة موت بس الحمدلله علي كل شي

اولا عاوز اشكرك على روحك الجميلة دية تجاة المنتخب

ثانيا انا مش معاكى فى انك تحيى المنتخب على ادائة لان دى خيبة كبيرة

اكيد كلنا زعلانين من الخسارة بس قدر الله ما شاء فعل واكيد كلنا بنحب منتخبنا وفخورين بيه
احنا منتظرين الاحسن في الماتشات الجاية بأذن الله وان شاء الله يعوضونا بأننا نتأهل لكاس العالم
هما عملوا ماتشات جامدة جدا هو اخر ماتش اللي فلت منهم بس معلش ربنا يقويهم
وهارد لك لينا

شكرا ياضى على ردك وروحك الجميلة تجاة المنتخب بس وحشتنا اخبارك عن المنتخب كنتى اول واحدة بتجيبى خبر الفوز ولكن النهاردة مالقيتش موضوعك عن خبر الفوز لمصر

محبتش اكون انا اللي نقلت الخبر ده
معلش الفوز الجاي بأذن الله هتلاقوا الموضوع عالمنتدى

ان شاء اللة ياضى تنقللنا خبر فوز مصر على الجزائر5-0 وشكرا ليكى على انك مانقلتيش خبر هزيمة منتخب مصر

اولا انا بشكرك ياسيماو على موضوعك
الجميل
وان هذا القسم مخلتف انشاء الله
بحيث اى موضوع يطرح يستمر اللمناقشة فية لمدة اسبوع بعدها يمكن تنزيل موضوع جديد
فاارجو من الاعضاء اللتزام بذالك
لانهافكرة القسم ناقش لكى تصل الى الحل

انا عوز اقول ليه اي جماهير في العالم لم ا منتخبها يقع تقف وراه وتعد تشجع مدربها واللاعيبة بتاعتها وتنادي عليها الا احنا

مع ان احنا مقدمين مباريات عالمية ايه اللي حصل لو خسرنا ماتش يعني ايه اللي حصل عوز افهم
وبعدين مش انتو قبل البطولة كنت بتقولو يارب منشيلش من البرازيل اكتر من 5 ومنشيلش من ايطاليا اكتر من 3
مش انتو اللي قلتو كده ولا ايه
دلوقتي نازلين تقطيع ليه فوقوا باه فوووووووووووووووو... ياعالم
انا عن نفسي اتمني ان كل جماهير مصر تقابل اللاعيبة دي في المطار وتشجعها خاصة ان عندها مباراة هامة جدا جدا
وعلي فكرة مباراة امريكا معناه ان مفيش مستحيل في الكورة شوفوا امريكا اللي كانت خارج الحسابات صارت هي المتاهلة اساسا
نفس القصة في تصفيات كاس العالم
صدقوني روندا نفسها ممكن تقلب الموازين
لكن ان شاء الله هنصعد لكاس العالم ولاعزاء للمتشائمين باذن الله

شكرا لمرورك يا جيفارا باشا

طالما انها قهوة وحكاوي .. يبقى هتكلم بالعامية وبلاش الفصحى النهاردة .. المنتخب ده شرف لمصر كلها وأفضل منتخب جه في الاجيال الكروية المتعاقبه .. والانجازات اللى عملها صعب انها تتحقق تاني مع اي جيل تاني .. واللى مبيفهمش كورة هو بس اللى ينتقد المنتخب بنقد غير موضوعي زي الشخص الغير محترم على الاطلاق "عمرو أديب " اللى قال كلام ده :

وانا بمجرد سماعي لهذا الكلام البذيء اشتركت في جروب الفيس بوك للرد على هذه الترهات الفاضية اللى بيقولها شخص عديم الاخلاق .. وده رابط الجروب :

https://www.facebook.com/group.php?sid=406f7cc6d28781f26b4ae07a458483c0&gid=94396026607&ref=search]

واحنا ورا المنتخب حتى لو طلعنا من تصفيات كاس العالم ولو خسرنا كل المبارايات الجايه .. لان المنتخب ده فرحنا كتير ومش مهم لو زعلنا مرة والا اتنين والا تلاتة ..

ومشكور يا سيماو على الموضوع الجميل ده .. والقسم ده ان شاء الله يبقى اجمل قسم ..

شكــــــــــــــــــــــرا اســــــــــــــــــــــــلام نبيـــــــــــــــــــــل بــــــــاشا على ردك وشكرا لاضافتك

واحد شاى بحليب هنا للمعلم اسلام وحجرين شيشا

على فكرة يا سيماو انا لا بشرب شاي ولا بشرب شيشة ولا بدخن .. لو فيه سحلب أو قرفة ماشي .. وياريت بسرعة يا برنس الحبيب

واللة ولا انا خلاص سك على الشيشة وهات واحد سحلب هنا

هاهاهاها

لحظه من فضلكم ..!!

اديب وامثاله اللى جيبين البلد للوراء ايه اللى بيحصل ده هل نسينا انهم هم اللى هزموا الايطاليين قوام كده وشرفونا امام البرازيل لما احنا اللعيبه بتاعتنا مسلمين وبتعملوا فيهم كده طيب ماتشوفوا لعيبة المنتخبات التانيه اللى معندهمش قيم واخلاق وبيعملوا اللى هما عايزينه حرام عليكم كنتوا قبل البطوله بتتوقعوا الهزيمه من البرازيل على الاقل 6 صفر ومن ايطاليا 4 صفر وممكن نتعادل مع امريكا ولما اتغلبوا بشرف من البرازيل طلعتوا وهللتوا ولما فازوا على ايطاليا كان عيد لما يتغلبوا من امريكا نذبحهم هى دى الديموقراطيه اللى بتتكلموا عليها روح يا عم وشوف الفضايح بتاعت المسئولين ولا انت بتيجى على الغلابه وبس
ربنا يخلصنا من امثالك وامثال اللى معاك قولوا امين
يا جماعه أنا أحب أعبر عن حزنى الشديد جدا للى حصل إمبارح
أنا واحد من الناس كنت رايح أتفرج على الماتش و بجهز نفسى لفرحه كبيره و أنى هفضل للصبح فى الشارع فرحان بغنى و أرقص من السعاده بصعودنا و إننا هزمنا أمريكا فى أى حاجه حتى ولو كرة القدم
لكن و الله إتنكدت أنا و أصحابى و بكيت بدموع و الله بدموع و كانت ليله سيئه جدا جدا جدا إلى أبعد الحدود و معرفتش أروح النهارده شغلى من كتر النكد إللى أنا فيه ...
بس أنا حابب أقولكم حاجه و شهاده لوجه الله .. أولاً جنوب أفريقيا من أكتر الدول إللى فيها معدلات الجريمه مرتفعه جدا جدا ... يا جماعه ده عندهم معدل جرائم القتل 50 يوميا ً وزيهم 50 محاوله قتل فاشله ... واللى مكذبنى يدور على النت و يشوف ... يعنى لما يكون معدل جرائم القتل كده يبقى أكيد إن جرائم السرقه ديه حاجه عاديه هناك والدليل كمان سرقة منتخب البرازيل إمبارح ولا البرازيل كمان كانت نايمه مع نسوان فى الغرف عشان يحتفلوا .. ديه حاجه ولما بقى المصريين بلغوا البوليس عن السرقه و عمل تحقيق .. إنتوا فاكرين إنشاء الله إن البوليس الجنوب أفريقى هيقول أه والله إحنا بلد حراميه و عجزنا عن تأمين الفندق بتاع اللعيبه ...
طب إزاى و الدوله ديه بعد كام شهر هتنظم كاس العالم إللى هيبقى فيه 32 دوله مشاركه مش مجرد 8 دول يعنى ساعتها هيكون إعتراف ضمنى بعجز جنوب أفريقيا عن التنظيم ..فلازم الحكومه تفبرك أى حوار ... إيه يا جماعه إنتم نسيتم ايه بيحصل عندنا فى أى مشكله كبيره ... علطول نرمى الذنب على ماس كهربائى أو عقب سيجاره أو أى حوار فاكسان زى ما إنتم عارفين ... فى جنوب أفريقيا بيعملوا زينا برضه و مرضيوش يطلعوا نفسهم وحشين أدام العالم و قالوا إن المصريين جابوا شويه نسوان معاهم الغرف و النسوان هى اللى سرقتهم ... على أى حال المنتخب المصرى إنهزم و المسئوليه على شحاته فى المقام الاول لكن بلاش التهمه القبيحه ديه اللى احنا عاوزين نلزقها للرجاله دول
الحاجه التانيه يا جماعه فعلا فعلا إحنا كنا زى الزفت إمبارح و حسن شحاته كان مغرور ولعب بخطه كلها غرور و فذلكه و ده مش ذنب اللعيبه بس هما يتحملوا قدر من المسئوليه فى الهزيمه
أنا مش بدافع والله عنهم بس حاولوا توزنوا كلامى هتعرفى الحق فين
وبلاش نظلم حد و على فكره
أنا مش مع فكره إن حسن شحاته يمشى ... هو إحنا كده كده مش هنصعد كأس عالم وخلاص فيبقى يكمل التصفيات ويعك زى ما يعك و يحلها المولى لما نفشل زى كل أربع سنين ... يحلوا الإتحاد بقى يشيلوا المدير الفنى .. يسرحوا اللعيبه

كل الكلام ده إحنا عارفينه و متعودين عليه ..

صدق إللى قال العجل لما وقع كترت سكاكينه ... وعلى كل حال أنا خلاص بعد الإحباط و الصدمه إللى جاتلى إمبارح من كتر ما كنت محضر نفسى إنى أفرح و لقيت نفسى إتنكدت خلاص مش هشجع كورة تانى هو الواحد ناقص كفايه حرقة الدم فى الشغل و فى العيشه و فى كل حاجه حوالين الواحد ....

الواحد مبقاش عنده حاجه تفرحه أبدا فى البلد ديه ...

ياعمر ياديب يابن تيتيتيتيتيتيتيت

حسبى الله ونعم الوكيل
حسبى الله ونعم الوكيل



كلام صح بس فى حاله واحده ان يكونو لعبو اساسا قدام امريكا وماشى معاك نخلينا واقعين فل اوى تعالى نحسبها امريكا تستاهل تفوز ؟ امريكا فرقه كره قدم وبالاخص قدام منتخبنا فى الماتش ده ؟ امريكا لعبه كره اساسا ؟ كل دى اساله اجاباتها معروفه وانا بتكلم على الماتش ده بالذات مش بتكلم على اى ماتش ليها قبل كده بصراحه انا عايز اشتم ولو مش عيب هشتم بجد وشتيمه من اللى قلبك يحبها حقى هتقولى نقف معاهم فى الفرح ماشى طبعا موافق هتقولى نقف معاهم فى الحزن هقولك برضه ماشى من عنيا الاتنين بس تقولى اقف جمبهم فى استهتار فى دلع فى عدم مسؤليه فى عدم مراعاه شعور كام مليون فى عدم مراعاه قاره باكلمها فى استهبال واستعابط وقله ادب فى وفى وفى وفى دى عد النهارده زى ماانت عايز هقولك لا ليه لا لان احنا اللى عايزين اللى يقف معانا فى حزننا والغم الى اتصابنا بيه بسببهم وبسبب المرسحيه الخايبه اللى هما كانو فيها فى ماتش الجزائر انا سقفت للجزائر زعلت على منتخبنا اه ومفاجاه ان الجزائر تكسب المكسب ده اه بس كان حقهم لانهم لعبو واستحقو الفوز كنا فى الجزائر ضيوف والناس اكرمونا اخر كرم 3 فى عين العدو بس ارجع واقول يستاهلو الجزائرين لانهم لعبو وحاولو هتقولى لعبو ماتش مشرف قدام البرازيل ورغم هزيمتنا من البرازيل بس خساره بطعم الفوز هقولك عشان لعبو كره قدم لاول مره فى حياتهم يقدمو كده وفرحنا بيهم رغم اننا خسرنا قدام البرازيل شوفت لحد ماتش البرازيل ورغم اننا اتهزمنا بس فرحنا وحسسناهم بفرحنا وصوتنا وصوت كل العرب وافريقيا وصلهم وعرفو كده يعنى مقصرناش اهو وبدل مانحزن فرحنا ووقفنا جمبهم هتقولى فوزنا على ايطاليا هقولك منتخبنا ورجالتنا لعبو لعبو بجد كان فيه نخوه كان فيه تفاهم بين اللعيبه وبعضها كان فيه ثقه كان فيه دفعه قول دفعات معنويه من كل الدنيا الدنيا كلها كانت بتتكلم عن مصر واللى عملته مع البرازيل فوزنا على ايطاليا العالم كله بئا عينه على مصر كان اى حد هيعمل حساب لمنتخبنا لعبو تعبو فازو تيجى بئا تقولى فى ماتش امريكا نقف معاهم لو مش عيب كنت قولت كلام تمام اوى اقف جمب مين يارجل والله والله لو كانو شويه عيال من اللى بيلعبو فى الشارع ومش لاقين حظ يروحو نوادى كانو فازو 12 صفر على امريكا عارف ان كنت ممكن اوافق على كلامك امتى لو اميركا لعبت لو امريكا لعبــــــــــــت اقسم بالله انا كنت حاسس ان ده مش ماتش انه تدريب ماسخ للفريقين سواء منتخبنا العره او منتخب امريكا المحظوظ هتقولى دول بشر برضه وتعبو هقولك لا تعالى هنا واسمع النهارده ناس جديده بتلعب يعنى مش تعابنين ابوتريكه مش تبص ليه ابوتريكا صانع العاب يعنى يوزع الكره فى المكان الصح قولى بئا انهو مكان النهارده كان صح مفيش طبعا المكان الوحيد اللى كان صح وكان مالى مكانه حسنى عبدربه واحمد فتحى ربنا يشفبه الرجلين دول دمهم حامى بيحبو الكره بجد بيحبو مصر بجد حتى لو الماتش متباع وانا مش بشكك فى كده عشان مش نفتح مجالات بس بقول لو حتى متباع هما كان رافضين ده وكان الدم وحرقه الدم باينه عليهم ومعاهم الحضرى طبعا ده بالنسبه للتعب طيب وحسن شحاته فينه النهارده بيهبب ايه فين حمص فين سيد معوض بلاش زيدان عشان بيقولو مصاب بلاش دول فين اللعب بزمتك ودينك انت النهارده حسيت ان فيه ماتش كره قدم لفريقين فى بطوله العالم كله بيشوفها طيب اميركا فازت طب ده ليه بئا وزهما مكنوش بيلعبو اقولك واوعى تقولى حقهم لانهم لعبو او لانهم تعبو او لانهم بهدلونا لا اتحدى اى حد يقول كده لا والف لا دول فازو عشان لمؤاخذه كان بيلاعبو شويه حريم مش رجاله حتى الحريم احسن منهم دى لو اسمها ايه دى بتاعه مصر سحر الهوارى كانت راحت فى ماتش امريكا ده بفريق نسائى كانت فازت اللى حصل النهارده ده نصيبه بكل المقاييس مغلوبين 3 مقابل صفر ماشى مش بنلعب برضه ماشى شكلنا وحش اوى برضه ماشى نسينا الماتشين بتوعنا قدام البرازيل وايطاليا وادءنا القوى والرائع برضه ماااشى نجيب جووووون جون واحد والله جون واحد وربنا المعبود جون واحد يخلو عندهم دم ويجبو جون واحد مش طمعانين فى اكتر من كده جون واحد يابشر حتى ده مقدروش يعملوه شوفت المصيبه تصدق وتؤمن بالله قول لا اله الا الله سيدنا محمد رسول الله انا كنت بقول ومن وقت مافوزنا على ايطاليا احنا نوصل للدور التانى ونتنازل نقول تمام اوى كده وهنبئا كمصريين وكعرب وكقاره افريقيه منسجمين وفرحانين ومش عايزين اكتر من كده والله ماكنت هطمع فى البطوله وواله زى مابقولك اتمنيت بس نوصل للدور التانى على نفس المستوى اللى لعبنا بيه قدام احسن واقوى فريقين فى العالم وبعد كده نمشى نروح نرجع مصر نتنازل لاى فريق قوى او ضعيف هنلابه فى الدور التانى ونقوله هديه من مصر ليكم وسلامو عليكووووو وخلاص زهقت كلام وعارف طولت عليك بس عندى ياما ومخنوق بما فيه الكفايا وسلامو عليكوووووو

اولا عاوز احييك تحية جامدة على ردك على الموضوع

ثانيا:واللة انا عارف كل واحد جواة بركان غضب على المنتخب وعارف ان الواحد ممكن يطلع كلام وحش غصب عنة لان المنتخب فعلا حاجة تحرق الدم بس هوة وقت الهزيمة كدة لازم نزعل وننتقد ولكن بعدين بنرجع تانى بنشجع المنتخب لانة هوة اللى بيمثلنا قدام العالم كلة ومابقاش فى حاجة فى مصر كويسة غير المنتخب فهوة دة الحاجة الوحيدة اللى بتفرحنا وبتشيل الهم من علينا افتكر فرحتك بالمنتخب لما اخد كاس الامم الافريقية2006 وافتكر فرحتك لما اخد كاس الامم الافريقية فى 2008 وافتكر فرحتك لما فوزنا على ايطاليا وافتكر اداء المنتخب قدام البرازيل كلة دة فرح الشعب المصرى ونساة كل همومة اتغلبنا من امريكا واية يعنى اى فرقة معرضة للهزيمة هتقولى مستهترين هاقولك مفيش لعيب يتمنى ان فرقتة تخسر وهاقولك دول وراهم80 مليون مصرى مايقدروش يتهاونو او يتساهلو لعيبتنا رجالة بس فى مؤثرات بتاثر عليهم وبتخليهم مش مركزين والدنيا كلها مشاكل وغير دة كلة المسالة قضاء وقدر مش اكتر غصب عنك كنت هاتتغلب مكتوب للمنتخب كدة وما حش يقدر يغير القدر وان شاء اللة المنتخب يعوضنا عن الهزيمة دية تخيل نفسك لو كنت لاعب فى المنتخب اية شعورك دلوقتى بعد الهزيمة اكيد كل لعيب عاوز يقتل نفسة عشان خاطر الشعب اللى كان بيحيية واكيد كل واحد بيراجع نفسة دلوقتى وبيقول فى نفسة ياترى اية شعور الجماهير دلوقتى حس باللعيبة ومشاعرهم ولكل جواد كبوة ودى كبوة المنتخب المصرى وان شاء اللة هايخرج منها .

ارجو ان يكون كلامى اثر فيك يالف مسج وكل اللى قرؤ الرد دة

هتقلى المنتخب وحش
هقولك اة
هتقلى شحاتى يتشال
هقولك اة
هتقلى العيال دول ميلعبوش تانى
هقولك اة
طيب وبعدين هتجيب مين يصعد مصر لكاس العالم
مين هيلعب
مش دول الى فرحونا كاس الامم الافرقيا 2008
مش هما دول الى فرحونا
وهزمو بطلت العالم
ايطاليا
دحنا لمة فازت مصر عملنا افراح
ناجى دلواتى ونقول العجل وقع هاتو وادبحوة كبش فدا
لا والف لا
انا معاك اننا اتهزمنا
وعلى حسنا صعوض منتخب امريكة للدور الثانى
واى يعنى
يكفينا شرف المحاولة
لاكن نغلط فى منتخبنا بادارية ولعيبته ومدربية الفنين
لا والف لا
يجب ان نكون جمب محنت المنتخب
ومحنت الشعب المصرى والوطن العربى اجمع
ومع ذالك نلنا شرف المحاولة
امام البرازيل
والتغلب على اطاليا اقوة فريق فى العالم
والحمد لله على كل شئ
(يكفينا شرف المحاولة)
وكل تقديرى واحترامى لمنتخب مصر
لعيبة ومدربة ومدرين فنين

-
-
-
-
-
-

اخر الاخبار
المنتخب المصري ممتنع عن اللعب لحين اعتذار أديب
عندهم حق
لو هما كانو فازو
مش كانو هتيعملهم تماثيل
لاكن الان يطعنون فى شرفهم
انظر يا اعمى

اعتبر مدرب منتخب مصر شوقي غريب بان الأرهاق كان السبب في خسارة فريقه الثقيلة امام الولايات المتحدة بثلاثية نظيفة ما ادى الى خروجه من الدور الاول من بطولة كأس القارات

وفى الاخر هقول كلمة واحدة
(لا تعليق)
مصرى وافتخر
تحياتى للجميع
M!$HM!$H

شكرا لتفاعلكم مع الموضوع