لقااااء مع المبدعه هنووووووود في البيت بيتك ......

بسم الله الرحمن الرحيم
السلام عليكم ورحمة الله وبركاته

فى الأول أحب أشكر اسماعيل على اختياره ليا وربنا يستر وتكون اسئلتكم كلكم حلوه وأعرف أرد عليها
وقبل ما أجاوب على الأسئله أحب اشكرك يا اسماعيل على كلامك الجميل واه فعلا انا ان شاء الله هكون اكبر دكتوره نفسانيه هههههههههههه واكيد انت هتكون اول مريض ابتدى بيه ههههههههههههههه



يلا نيتدى....................

1- ما هو رأيك في المنتدى والاعضاء بصفه عامه ؟؟

بص هو المنتدى عاجبنى جدا جدا وبجد اتعلمت منه حاجات كتير جدا والأقسام اللى فيه ممتازه خالص وطبعا الأداره اللى مسئوله عنه ..والحمد لله المنتدى فى تقدم مستمر وهايل وده بفضل الأعضاء طبعا

رأى فى الأعضاء بصفه عامه طبعا بجد الأعضاء كلهم محترمين خالص وذوق جدا والأهم من ده أن سبب استمرارى فى المنتدى ان اللى موجودين فيه لقيت منهم كل احترام وتقدير ولو مكنش كده طبعا مكونتش استمريت فى المنتدى

2 _ لو رجعتى بعمرك لورا ايه الى كنتى تتمنى تعمليه وتحققيه ؟؟؟

مش عارفه بصراحه بس اكيد فى حاجات كتير نفسى كنت اعملها انا كان نفسى ادخل معهد ايجوث بس للأسف محصلش نصيب ودخلت كلية طب نفسى ههههههههه



3_ما هو اكثر موقف حصلك واثر فيكى وغير من اتجاااااه حياتك ؟؟؟

بصراحه هو فى موقف حصل معايا ومش ممكن انساه خالص وده مش هينفع اقولوا لأنه شخصى بس المهم انه علمنى حاجات كتير جدا وغير من اتجاهى الحمد لله

4- اسمك اللذيذ ده الى فيه 7 واوات بناءا على ايه وليه العذاب ده مش كفايه واو واحده ده بقا من كتر حبك في اسمك ولا ايه؟؟؟

ههههههههههههههههه هو انا طبعا بحب اسمى جدا جدا وسر الواوات الكتير دى .... ان انا لما جيت اسجل فى المنتدى كنت بجرب بصراحه ا لمهم كتبت اسمى واتفلسفت وعملت واوات كتير ههههههههه
لدرجة انى لما جيت ادخل بعد كده بعد ما سجلت يعنى على طول نسيت انا كتبت كام واو بس ف استعنت باحد المشرفين كنت اعرفوا فدخل هو وشاف كام واو ولقاهم تسعه مش سبعه يا اسماعيل ركز ها بس ادى السر ف الواوات الكتير دى اللى كله بيستغرب منها

5_ اوصفي وصف ملخص موجز لشخصيتك الهاااايله ههههههههه؟؟؟؟؟؟
ههههههههههههههه اه هايله انت عندك مانع فى كده
شخصيتى سيمبل اوى
مش عصبيه
بحب الضحك والهزار انا اصحابى مسمينى انتكه هههههههه
بحب اسمع الاغانى ودى مشكله طبعا بس انا بحاول اخفف منها
مش بزعل من اى حد بعزوا خالص حتى لو عمل ايه انا بس بضايق فى وقتها بس مش بشيل من اى حد جوايا خالص
بحب اصحابى اوى اوى اوى



الحمد لله الاجابه تمت بنجاح
وانا سعيده جدا بالقاء ده وفى انتظار اسئلتكم

سلاااااااااااااااااام

واللة يا اسماعيل احسنت فى اختيارك للشخصية دية لان هنووووود فعلا اصبحت من الشخصيات البارزة

فى المنتدى لانى كل ما ادخل المنتدى لازم الاقى موضوع جديد يحمل اسم هنوووود وقامت بتنشيط

المنتدى بصورة كبيرة بعد حالة الركود الطويلة اللى مر بيها المنتدى مع انى لسة ما اتعرفتش على

شخصية هنود ولكن بكل اختصار هية شخصية مجتهدة جدا جدا على العموم انا عندى كام سؤال كدة


يارب يكونو خفاف عليكى 




اولا:ازاى عرفتى المنتدى ومين اكتر شخصية من اصدقائك المتواجدين فى المنتدى كانت ديما بتدعوكى للتسجيل فى المنتدى؟







ثانيا:انا مش هاسالك واقولك اسمك الحقيقى اية ولكن ممكن تعرفينا بنفسك ؟







ثالثا:اية الاحلام اللى نفسك تحققيها فى المستقبل؟






رابعا : انتى يتحبى كليتك؟








خامسا:اية رايك فى المنتدى بوجة عام واكتر الشخصيات اللى انتى مرتبطة بيها فى المنتدى؟








وسادسا واخيرا:اكتر المواضيع اللى بتهتمى انك تجبيها للمنتدى يعنى مثلا بتهتمى بالمجال السياسى او الدينى او الفكاهة او غير ذلك؟


ارجو انى ما اكونش طولت عليكى

ارجو ان تقبلى هذة الهدية البسيطة الهدية بين القوسين ظللى ما بين الاقواس



(وردة حمـــــــــــــــــــــــــــــــــــــــــــــــــرة)

ههههههههههههههههه حبيبة قلبى وصديقتى وانتيمى هنووووووووووووود ياااااااه والله ليكى وحشة

ده على اساس انى مش بشوفك قال ماعلينا ندخل بقى عالاسئلة طبعا انتى عشان حبيبتى انا هكرمك وهسالك

كام سؤال كده عالماشى واكيد طبعا ياما ههريكى اسئلة هههههههههه

1-ايه اكتر حاجة ممكن تضايقك جدا وتخليكى مش قادرة تتحكمى فأعصابك؟

2-ياترى لو فى واحدة مضايقاكى فى حاجة من صحابك هتعملى ايه ساعتها؟وهل هتصارحيها باللى جواكى؟

3-انا عوزاكى تقوليلى كم تجربة حب مريتى بيها ولو مش فى ليه مش فى؟وايه احساسك اما اتخبطى ههههه اقصد اتخطبتى؟

4-ليه دايما فحياتنا بتكون فى ناس بتحب تجرح؟"ده طبعا سؤال جه فى الجون معاكى بما انك دكتورة نفسية ههههههههه"؟؟؟؟؟

5-عوزاكى تقوليلى ايه اكتر موقف حصل واقعدتى تضحكى ضحك هستيرى ومكنتيش قادرة تمسكى نفسك؟وكنتى مع مين؟

6-ايه احلامك لمستقبلك ؟ونفسك فإيه تعمليه؟وايه الحاجة اللى بتتمنيها؟

7-ايه اكتر موقف ضايقك جدامن صحابك؟وايه اكتر موقف ضايقك جدا من اى حد عموما؟

8-ياترى تقدرى تسامحى حد جرحك قبل كده؟وايه اكتر حاجة ممكن تخليكى تخسرى بيها شخص بتحبيه؟

9-عوزاكى تقوليلى ايه الحاجة اللى حصلت زمااااااااان وانتى صغيرة ولسة فاكراها لحد دلوقتى؟

10-ياترى انتى مضايقة منى دلوقتى عشان الاسئلة دى ههههههههه؟وليه؟

11-ايه رأيك فصحابك كلهم وشخصياتهم ؟وياريت عاوزين تحليل كل شخصية فيهم؟"بس مش لازم تحددى اسمائهم"؟

12-مين اكتر عضو بتحبى تردى على مواضيعه؟ومين العضو اللى يستحق التحية دائما؟

13-واخيييييييييييييييييييييرا............مارأيك فى هؤلاء الاعضاء:

حنين
الفتى الذهبى
مشمش
جيفارا
هنرى ومتعب
ضى القمر
dr.sara
هاشم هارون
الاستاذ.اسلام نبيل
واخييييييييييرا @أسوم@؟

كان نفسى اقوم معاكى بالواجب يا هنوووووود بس معلش بقى خيرها فغيرها ههههههههههه واهو كرمتك جدا فى الاسئلة


يارب تكون اسئلتى خفيفة عليكى وربنا يستر





ههههههههههههههه سلااااااااااااااااااااااااااااااام

السلام عليكم ورحمة الله وبركاته

بشكرك يا جيفارا جدا جدا على كلامك عنى وبجد كفايه عليا مشاركتك واهتمامك

ومش كده وبس كمان مكلف نفسك ومش داخل فاضى ليه التعب ده بس عربية بيبسى مره واحده ههههههههههههههه شكرا والله خالص ويا ريت الكل يتعلم منك ومحدش يدخل وايده فاضيه هههههههه

هااااااااااا يلا نبتدى.......

اكتر مبدأ بتؤمني بيه في حياتك .. ؟
مفيش حد يستاهل التضحيه

. ايه اكتر تصرف ممكن يدايقك من اللي قدامك .. ؟
ان اللى قدامى يستغفلنى ويرسم عليا الدور

. اصعب لحظه في حياتك .. ؟
يوم ما اتوفى شخص عزيز عليا خالص ربنا يرحمه

ماهي مشكلة العصر في نظرك
المشكله فى نظرى هى البطاله وعدم توفير فرص عمل للشباب

لو كان لديك فانوس سحري وقيل لك لديك امنيتان فقط مذا كنتي ستتمنين
هو انا نفسى فحاجه واحده بس ان يكون معايا فلووووووووووووس كتير واشحن الموبايل بيهم هههههههههه

ماهية الصفات التي تكرهينها في الرجل /وما هية الصفات التي تحبينها؟
الصفات اللى بكرها فيه :الكدب واللعب بالعواطف وده من وجهة نظرى انا ويا ريت كلامى ميزعلش حد
الصفات اللى بحبها:ان الرجل لما يحب واحده بجد بيخاف عليها خالص وبيكون حنين عليها وفوق ده كله الشهامه والكفاح

ساعطيك صفات وانت قوليلي من يستحقها:
العطوف:بابا طبعا
الحنون:اكيد ماما
نادر وجودو في هدا الزمان:الحب اللى بيكون بجد الحقيقى يعنى
المرح:أخويا
الغبى:لكل شخص ضيع حد بيحبه من ايده
وجودو زي عدمو:الحب الفاشل
الاناني:الشخص اللى مش بيحب غير نفسه بيرضى نفسه ومش مهم حد تانى
المخادع:بطل اى قصة حب فاشله
المستبد:ههههههههههه هو الصراحه مفيش حد اعرفوا وصل لدرجة انه يبقى مستبد
يعطي الكثير:القلب
المثقف:اى شخص بيستغل الفرص فى صالحه


لمن تقولي هذة الكلمات
مايشرفنيش اعرفك:لكل انسان كان يوم فى سبب جرحى
اكرهك :للى بيكرهنى
احترمك:لكل شخص انا بعزوا
احبك في الله:لكل أعضاء شباب مورن
ياريت لو عرفتك من زمان:المنتدى شباب مودرن

اشرحي لي هذه الكلمات من وجهة نظرك

الغدر: الغدر ده بيكون نهايه اى قصة حب فاشله لان بتكون نهايتها بسبب غدر الحبيب او الحبيبه

الخيانة:بتوجع خالص وبيتصف بيها شخص معندوش احساس ولا مشاعر وبيعانى من نفص

الائهانة:احساس صعب اوى ومؤلم لما يكون من اقرب الناس ليك شخص يكون هو كل حياتك فجأة ومن غير مقدمات يوجه اليك اسهم من الائهانه


النسيان:نعمه كبيره اوى من عند ربنا سبحانه وتعالى وده بيكون ضرورى ومهم فى بعض الحالات واحنا غالبا بننسلى اشخاص اتسببوا فى جرح كبير وعميق لينا

الندم:وبينتج عن الاحساس بالذنب وللأسف الندم احساس بيحس بيه الشخص فى وقت متاخر اوى بعد ما يكون عمل الغلط يرجع يندم ويقول ي ريت اللى جرا ما كان

الكره:احساس عادى جدا وبنشعر بيه بعد غضب شديد من اى شخص اساء الينا مثلا



شكرا ليك يا جيفارا مره تانى ويارب مكونش طولت عليكم فى الاجابه

وزى كل مره انا فى انتظار اسئلتكم

السلام عليكم

اولا احب احكي الاخت هنووووووووووووود وقول لها انها بجد من اكفاء الاعضاء وانشطهم
تانيا انا مش هطول عليكي
1_ايه رئيك في شخصيتيك؟
2_ايه لي في شخصيتيك نفسيك يتغير؟
3_لو كنتي مديره في مصلحه حكومية ايه القرارات التي سوف تاخذينها؟
4_عرفينا عن شخصيتك؟
5_ايه رئيك في اي شات ؟وشات مدرن علي الخصوص؟
6_ايه اكتر الالوان التي تحبيها؟

شكرا boodoعلى مشاركتك معانا

1_ايه رئيك في شخصيتيك؟
هى شخصيتى اوقات بتكون عجبانى واوقات تانى لأ


2_ايه لي في شخصيتيك نفسيك يتغير؟
مافيش حاجه نفسى أغيرها فى شخصيتى


3_لو كنتي مديره في مصلحه حكومية ايه القرارات التي سوف تاخذينها؟
هههههههههههههه ممنوع اصطحاب السنوتشات داخل مكان العمل
بص هو انا اول حاجه هعملها انى هنزل قرار بتعيين ابناء الموظفين واكيد هدى فرص عمل كتيره للشباب........واكيد هزود المرتبات للموظفين.

4_عرفينا عن شخصيتك؟
شخصيتى سيمبل اوى
مش عصبيه
بحب اسمع الاغانى ودى مشكله طبعا بس انا بحاول اخفف منها
مش بزعل من اى حد بعزوا خالص حتى لو عمل ايه انا بس بضايق فى وقتها بس مش بشيل من اى حد جوايا خالص


5_ايه رئيك في اي شات ؟وشات مدرن علي الخصوص؟
طبعا هو الشات غلط وده فى اغلب الاحيان يعنى على حسب الاستخدام
وبالنسبه لشات المنتدى اكيد كويس وده لوجود رقابه عليه يعنى اكيد محدش يقدر يتعدى حدودوا.

6_ايه اكتر الالوان التي تحبيها؟
الموووووووف او البنفسجى

شكرا boodoعلى الاسئله اللذيذه والبسيطه دى

ههههههههه
لا بجد سؤالين جامدين يا اسلامك باشا وبعد ماتردى يا هنود على اسئلة اسلام باشا فى لييا سؤالين ليكى
) مين ارخم عضو فى المنتدى وارخم عضوة فى المنتدى فى نظرك ومش عايز انك تقوليلى كلهم كويسين وكدة يعنى عايزين اسامى نيهاهاهاهاهاههههههههههههههه
2) اية الامنية اللى بتتمنيها لما بتخشى المنتدى يعنى مثلا بتقولى يارب فولانة تبئا قاعدة او يارب فولان او فلانة تكون رادا على موضوعى كدة يعنى ؟؟؟؟؟ بس شوفتى سؤالين هايفين
اى خدمة

السلام عليكم ورحمة الله وبركاته

اسلام حمدلله على السلامه ايه الغيبه دى كلها يارب تكون بخير

بشكرك لاشتراكك




1.. لو كنت مديرة للمنتدى ايه القرارات اللى هتخديها والافكار اللى هتنفذيها ؟؟
بصراحه انا مش شايفه المنتدى ناقصوا حاجه بس انا اكيد هتصرف زى اى مدير يعنى هحاول اقرب من الاعضاء خالص واكسب ثقتهم فيا واكون متبعاهم من خلال الردود على مواضيعهم وتشجيعهم
وعلى فكره انا مش لازم بما انى مديرة المنتدى اكون موجوده فيه باستمرار ممكن مثلا من وقت للتانى ادخل واشوف المنتدى ايه نظامه.

2.. فيه ناس كتيرة بتقول منتدى شباب مودرن مالوش لازمة وبتاع ناس فاضية تردى عليهم وتقوليلهم ايه ؟؟
انا اكيد مش معاهم فى رايهم ده لان انا بجد اتعلمت كتير من المنتدى واكتسبت خبره فى حاجات كتير وفوق ده كله كسبت صداقة اعضاء كتير محترمين
واكيد الناس اللى بيقولوا كده قصدهم على الشات بتاع المنتدى وبرضوا انا مش معاهم لان مش معنى ان انا ادخل المنتدى انى لازم ادخل شات لأ اكيد فى حاجات كتير غير الشات فى المنتدى واحلى حاجه فى الشات انه عليه رقابه

شكرا روميو على اهتمامك ومشاركتك الموضوع


) مين ارخم عضو فى المنتدى وارخم عضوة فى المنتدى فى نظرك ومش عايز انك تقوليلى كلهم كويسين وكدة يعنى عايزين اسامى نيهاهاهاهاهاههههههههههههههه
هو انا الصراحه من ناحية الاعضاء اللى اتعملت معاهم لغاية دلوقتى مفيش اى حد رخم


2) اية الامنية اللى بتتمنيها لما بتخشى المنتدى يعنى مثلا بتقولى يارب فولانة تبئا قاعدة او يارب فولان او فلانة تكون رادا على موضوعى كدة يعنى ؟؟؟؟؟
هو انا اكيد اول حاجه بتمناها لما ادخل المنتدى ان الاقى موضوع جديد حد منزلوا ده بيفرحنى خالص عشان بكده المنتدى هيكون فى تقدم مستمر..وبالنسبه للاعضاء اللى بيكونوا موجودين بصراحه مش بيفرق معايا لان انا بعز وبحترم كل الاعضاء ....ومن ناحية مواضيعى اكيد بتمنى ان الاقى رد فيها عشان ده بيدفعنى للامام


شكرا روميو

1. ما هي هوايتك المفضلة ؟


2. ما هي أكلتك المفضلة ؟


3. لو معاكى
مسدس مافيهوش غير طلقه واحده تقتل بيها مين ؟ وليه؟


4. ازااااااى تقضى يومك ؟ ومن هما اكتر
ناس بتعقدي معاهم ؟


5. -هل انتى مستعدة انك فى يوم من
الايام تضحى عشان اللى بتحبيه؟؟؟؟؟


6. ايه هو
اكبر سبب ممكن تخسري حبيبك عشانه؟؟؟؟؟

السلام عليكم



1. ما هي هوايتك المفضلة ؟
هوايتى النت

2. ما هي أكلتك المفضلة ؟
البطاطس المحمره والمكرونه بالباشمل


3. لو معاكى
مسدس مافيهوش غير طلقه واحده تقتل بيها مين ؟ وليه؟
اكيد محدش عشان مفيش حد كرهتوا لدرجة انى اقتله

4. ازااااااى تقضى يومك ؟ ومن هما اكتر
ناس بتعقدي معاهم ؟
عادى بقوم من النوم على النت على طول واكيد على المنتدى مباشرة وبعد كده ممكن اتفرج على التليفزيون واحيانا بخرج مع اصحابى

اكترناس بكون معاهم اصحابى طبعا


5. -هل انتى مستعدة انك فى يوم من
الايام تضحى عشان اللى بتحبيه؟؟؟؟؟

اه طبعا مستعده بس لو هو يستاهل التضحيه دى


6. ايه هو
اكبر سبب ممكن تخسري حبيبك عشانه؟؟؟؟؟
اكبر سبب ممكن يكون انى اكتشف ان هو بيلعب بمشاعرى او ابتدى يتغير من ناحيتى واهم حاجه طبعا ممكن اسيبه عشانها انه يحب حد تانى غيرى

شكرا هاشم على اسئلتك البسيطه دى وشكرا على مرورك