بعد طول غياب لقاء جديد اخر حاجة مع مديرنا الغالى المبدع اسلام نبيل

اولا شكرا يااسلام على انك قولت الحق وبالنسبة لمستر جيفارا انا مش هرد عليه لانه معندهوش روح المناقشة البناءة ولو اتكلمت معاه بالطريقة دى هيبقى خناق وده شىء انا ماقبلهوش لا للمنتدى ولا لنفسى واعتقد ان اسلام فهم انا كان قصدى ايه وبس اللى يهمنى هو المنتدى لانه عجبنى وعجبنى ناس كتير زى اسلام وسارة ومنى وهاشم وجيفارا رغم عدائى معاه وغيرهم كتييييييييير فاتمنى بعد كده ان ناخذ المناقشات بشكل احسن من كده وميكنش فى مشاحنات لان احنا داخلين المنتدى نستفيد ونقضى وقت كويس ولينا هدف للمنتدى انا مؤمنة بيه جدااااااااااااااااااااا فلو سمحت بلاش نضايق بعضينا بكلام مستفز ونفهم الكلام اللى بيتكتب ونحسن نوايانا وانا بشكر اسلام بجد لانه فهمنى وفهم كلامى معناه ايه وانى مغلطش فى حاجة عشان جيفارا يحاسبنى حساب الملكين وشكرررررررررررررررا

لاتعليق
عدنااااااااااااااااااااااااااااااااااا
اخى العزيز اسلام نبيل
كام سؤال كدة صغنانين على الماشى
عندما تضطر لمجالسة او الرد على شخص لا تحبه ولا تقبلة ماذا تفعل ..
*مالذي يشعرك بأكثر قدر من الحرج...؟
لو اعتبرنا المنتدى ده دولة وانت الرئيس...تشكل حكومة المنتدى ده من الاعضاء والمشرفين والادارة ازاى ؟
بس بلاش الاجابة الدبلوماسية لانى عارف اجابتك مسبقا

*عضو عاجبتك صورته الشخصيه وتوقيعه ؟

*مــاهــو الشــئ الذي ندمــت علــي عمـلــــه؟

*كـلمـــة تمنيـــــت ان تسـتطيـــع سحـبهــــا؟

*آخـــر شخـــص تتـــذكــــره قبـــل أن
تنـــــام؟

*جــريمــة تتمنـــي لـــو تستطيـــع ارتكابهــــا؟

*شـخــص تتمنــي الإنتقــام منـــه؟

*شــئ او عمــل لا تستطيــع مســامحته؟

*شــئ او شخــص غيــّر مجــري حياتـــك؟

*حلم لا تستطيـــع تحقيقه؟
اكثر شي عاجبك في نفسك؟
برأيك ماهي الدموع عندما تنهمر من الرجل ( هل هي عار عليه ام ماذا ؟؟؟)
*كلمة تود سماعها كل يوم؟
اسيبك ياباشا

منوررررررررررررررررررررر الكرسى يامديررررررررررررررررررر
سؤالى : من هم الاشخاص الذى ترغب ف صداقتهم ف المنتدى وتستغل منصبك كمدير وتذهب للتحدث معم ؟ معلش انا سالت اى سؤال لانى مش لاقيه اسئله .

جيفار من الشخصيات المحترمة جدا جداً يا عاشقة شاه روخان ويتقبل النقد ، ولكن الامر كله اختلاف في الفهم حول مقصد الكلام ، ومنتدى شباب مودرن لم يصبح في هذا الوضع المتميز إلا من خلال مجهودات كل الاعضاء وخصوصاً جيفارا سواء بمواضيعه أو تصاميمه ، وقلت من قبل لقد من الله علينا بجيفارا في الوقت المناسب بعد رحيل بهجوري من المنتدى لظروفه الخاصة ، ودائماً جيفارا كبير بأخلاقه وبتصرفاته ..

ومن يتعرف عليه على قرب يعرف أن جيفارا الانسان أجمل وأروع ..

وكما لا نقبل بأي سوء فهم تجاهك أختي الفاضلة ، لا نقبل أيضاً بأي تجني عليه فهو قامة من قامات المنتدى ويستحق منا كل الاشادة والاحترام ..

وكما قولت آنفاً "سحابة صيف وهتعدي " ...

[

جيفار النجم عودة حميدة هرد على اسئلتك بس هاخد سؤال دلوقتي على الماشي .. وبعدين هرد عليهم مرة واحدة ..

عندما تضطر لمجالسة او الرد على شخص لا تحبه ولا تقبلة ماذا تفعل ..

بصراحة هناك بعض الاشخاص اتحاشي الحديث معهم او التواجد في مكان يجمعني بهم ، واذا اضطررت الى رؤيتهم او مجالستهم احاول بقدر الامكان الاختصار والحديث بقدر الحاجة ، والانسحاب مبكراً من المجلس ، اما في المنتديات فالامر يختلف ، فأنا اصول واجول بعيداً عن الاهتمام بتواجدهم في المنتدى او لا ..

فين الاجابات يا اسلام علي اسئلتي

آسف على التأخير في الرد يا دكتورة سارة ...

سامحينا المشاغل والزهايمر الواحد مبقاش يفتكر حاجه

ايه رايك في
اسلام نبيل لو تعرفة

انا لسه مفهمتش إسلام نبيل ، ساعات بشوفوا طيب جداً وعطوف وساعات شرير وبيستهبل لكن بحاول اخليه مثالي والمثالية شيء صعب ومستحيل لكن على الاقل يترك ذكرى طيبة بعد مماته ..

واكتر صفة بتحبها فية واكتر صفة بتكرهها فية

اكتر صفة بحبها فيه "روحه المرحة"

واكتر صفة بكرهها فيه " التريقة على الناس"

رأيي في هؤلاء ..

سارة

سارة ليها رونق وشخصية خاصة بها ، بالرغم من صغر سنها ، فالذي يشاهد أدائها في المنتدى يظن أنها قد تجاوزت الثلاثين عاماً ومثقلة بالتجارب والخبرة ، فنسأل الله أن يحفظها من كل سوء وأن تستمر هبته علينا بوجودها معنا في المنتدى وألا تنقطع عنا أبداً .. مهما كانت ظروف الحياة ..

روفان

قلم متميز وحس مرهف وفكر عالي .. ودائماً ما تنير لنا الدرب بمواضيع تستحق القراءة والاشادة .. فجزاها الله عنا كل خير ..

سما

فاكهة المنتدى مؤخراً ، فبعد انضمامها أصبحنا نستمتع بألعابها في قسم الترفيه وبردودها الرشيقة في كافة المواضيع فهنيئاً لنا انضمامها لاسرة مودرن ..

دينامو

دينامو هو رمز الاخلاص والعمل في صمت سواء أن تواجد الاعضاء ام لا .. قلب نابض لهذا المنتدى .. مواضيعه متميزة لا يعرف كلمة "تقليدي" .. واذا غاب عن المنتدى نشعر بفقدانه لانه ركيزة اساسية لا نستطيع التفريط فيه ..

اي خدمة يا دكتورة سارة اي سؤال تاني انا تحت امرك ..

واسف فعلا على التأخير

بسم الله الرحمن الرحيم والصلاة والسلام على اشرف المرسلين

احب فى البداية ان اشكر جيفارا باشا على الاستضافة لاسلام نبيل

لان فعلا الوحيد اللى بيعمل فى صمت وماحدش حاسس بية ودة طبعا لانة المدير فاى واحد هايشوف اللى

بيعملة اسلام نبيل دة فرض علية عشان هوة المدير فامحدش بيحس باللى بيعملة

مع انة اكتر شخصية مجتهدة وبتحاول ان المنتدى يكون احسن منتدى على مستوى المنتديات الاخرى

وطبعا برحب ترحيب كبير بالاستاذ اسلام نبيل باشا وبصراحة دى تعتبر مش استضافة دى تعتبر تدبيسة دة كمية

الاسئلة اللى اتسالت لاسلام نبيل فى الموضوع دة ممكن تتحط منهج يدرسوة فى الاعدادى هههههههههه

والقسم دة المفروض يتغير من اسم (البيت بيتك ) ويتسمى باسم (البيت بيت كرومبو)و كتر خيرك يا اسلام

نبيل

ومرعاة لكدة انا مش هاتعب اسلام نبيل باشا ومش هاوجه لية الا سؤال واحد

انت اية اللى خلاك تجاوب على الاسئلة دى كلها هههههههه؟؟؟؟

شكراااااااااااااااااا ليك ياااااسلام على ذوقك وباذن الله كلنا نعمل حاجة للمنتدى الجامد ده وربنا يعينا وعايزين حاجات حلوة عشان رمضااااااااااااان يامدير

فعلا ياسيمااااااو اسلام يعتبر الجندى المجهول والمعروف مع بعض فى المنتدى وصاحب مبادىء وليه اهداف جميلة وسامية داخل وخارج المنتدى وانا بقى هاسئلك اسئلة ومعرفش اذا كانت اسئلت ولا لا
لو حد من الاعضاء انتقدك او انتقد حاجة فى المنتدى هيكون ايه رد فعلك؟
ايه اكتر الحاجات اللى بجد بتستفزك وبضايقك فى حياتك عامة وفى المنتدى؟
ايه اكتر صفة بتحبها فى البنت؟
هل عشان خاطر حضرتك المدير يبقى ليك الحق فى انك تجرح عضو من الاعضاء بكلامك او برد على موضوع او اللى ذلك؟ مع انى عارفة الاجابة على السؤال ده انك شخصية ذوق بس باردوا عايزة اعرف منك ايه مميزات شخصية المدير؟
ايه رأيك فى اعضاء المنتدى ككل وخاصة
سيماو
العقاد
عاشقة شاه روخ خان
كاابببببببببببببببو
هشم هارون هاشم
وياااارب متكنش اسئلتى تقيلى عليك ومش عايزاك تهرب منهااااااااااااااااااااااا وسلامى للكل

لو اعتبرنا المنتدى ده دولة وانت الرئيس...تشكل حكومة المنتدى ده من الاعضاء والمشرفين والادارة ازاى ؟
بس بلاش الاجابة الدبلوماسية لانى عارف اجابتك مسبقا

انا هقولك يا جيفارا باشا تشكيل الحكومة " من غير دبلوماسية" ..

رئيس الوزراء "منى"..

وزير الاعلام " جيفارا" ..

وزير الرياضة "الكوتش" ..

وزير السياحة "دينامو مودرن" ..

وزير التموين " سيماو" ..

وزير الري " كاببببببو"

وزير الصحة "رامي كلر"

وزير الصناعة "روميو مودرن"

وزير الكهرباء " عاشقة شاه روخان"

وزير الزراعة "روفان" ...

كفاية على كده

عضو عاجبتك صورته الشخصيه وتوقيعه ؟

هم عضوين بصراحة "جيفارا" و"دينامو مودرن" ..

مــاهــو الشــئ الذي ندمــت علــي عمـلــــه؟

التحاقي بكلية التربية ..

كـلمـــة تمنيـــــت ان تسـتطيـــع سحـبهــــا؟

كلمة "

آخـــر شخـــص تتـــذكــــره قبـــل أن تنـــــام؟

جدي يونس ..

جــريمــة تتمنـــي لـــو تستطيـــع ارتكابهــــا؟

الحمد لله لا يوجد

شـخــص تتمنــي الإنتقــام منـــه؟

لا يوجد أيضاً شخص أريد الانتقام منه ..

[شــئ او عمــل لا تستطيــع مســامحته؟

العمل الذي لن استطيع مسامحته "كتابة التنسيق في الثانوية العامة" واختيار كلية التربية

*شــئ او شخــص غيــّر مجــري حياتـــك؟

والدي ..

[*حلم لا تستطيـــع تحقيقه؟

الالتحاق بكلية الهندسة ..

[اكثر شي عاجبك في نفسك؟

الطموح

[برأيك ماهي الدموع عندما تنهمر من الرجل ( هل هي عار عليه ام ماذا ؟؟؟

دموع الرجل رمز للرحمة عندما تجتمع مع القوة .. فالذي لا يبكي لا يستحق لقب رجل ..

[*كلمة تود سماعها كل يوم؟

اتمنى ان يقول لي الناس كل يوم "ربنا يكرمك" ..

الف شكر يا جيفارا باشا على الاسئلة الجميلة دي ..

موضوع: كرسى الاعتراف الإثنين 12 يوليو 2010, 5:24 pm

اولا ازيك يا اسلام ياريت الاجابة بصراحة

- من أنت ؟ ومالذي تفعله هنا ؟؟

- لو قدر لك أن تدخل السجن فماهي القضية التي تتمنى ان تدخل بها إليه؟

- أنت مكلف بحذف حرفين من حروف اللغة العربية .. أيهما ستختار ولماذا ؟

- في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة ..؟

- أختر منصباً واتخذ قرارا !

- يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن ! ما تقول أنت ؟

- لماذا النسوة ... مدمنات ثرثرة ، هل هي طبيعة أم تمرد ؟

- لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟

- أختر خمسة أعضاء وامنحهم ألقاباً !

- لو كانت الأيام هي الناس ، فأي يوم من أيام الأسبوع ستختار ليكون صديقك ، وأيهم عدوك ، ولماذا؟

" عاشقة شاه روخان" نبض المنتدى وأنشط الأعضاء في الفترة الماضية لك مني خالص التحية والتقدير ..

ويشرفني الاجابة على أسئلتك المتميزة ..

لو حد من الاعضاء انتقدك او انتقد حاجة فى المنتدى هيكون ايه رد فعلك؟

النقد إما بناء يستند إلى حجج وأدلة وإما هدام لا سند له ولا غرض منه سوى الحقد الدفين وكره تقدم وتطور المنتدى ، وأنا اتمنى أن يقدم كل أعضاء المنتدى ومحبيه نقد بناء للمنتدى حتى نتبصر طريقنا وعيوبنا ونصلح منها ونجعل المنتدى في مصاف المنتديات المتميزة والمتألقة ..

ايه اكتر الحاجات اللى بجد بتستفزك وبضايقك فى حياتك عامة وفى المنتدى؟

التصنع والتكلف ،، فمثلا أجد شخص يتقمص دور " الرومانسي" وهو في شخصيته أبعد ما يكون عن الرومانسية والاخلاق الرفيعة ، وآخر يتكلف ويؤدي دور المثقف القارئ الموسوعي وهو لم يقرأ في حياته سوى الكتب المدرسية !!! فالأنسان الذي يحيا بطبيعته يعيش سواء في الحياة العامة أو المنتدى هو من يصير مقبولاً لدى الجميع ويحوذ إعجابي واحترامي ..

ايه اكتر صفة بتحبها فى البنت؟

"النظام"

هل عشان خاطر حضرتك المدير يبقى ليك الحق فى انك تجرح عضو من الاعضاء بكلامك او برد على موضوع او اللى ذلك؟ مع انى عارفة الاجابة على السؤال ده انك شخصية ذوق بس باردوا عايزة اعرف منك ايه مميزات شخصية المدير؟

لا يحق لي التهجم على الآخرين، او التطاول عليهم بصفتي مدير في هذا المنتدى ، فالمدير هو من يملك نفسه ساعة الغضب ويتعامل مع المواقف والازمات المختلفة بحكمة وبروية ،، لذا ولله الحمد كل من تقلد الادارة في منتدانا امتلك هذه الصفات بدءا من بهجوري وزكير ومحمد جلال ووصولاً إلى المبدع جيفارا والعبد لله .. ونأمل أن نسير على ذات النهج إلى أن نرى هذا المنتدى قد نال رضا واستحسان الجميع ..

ايه رأيك فى اعضاء المنتدى ككل وخاصة

أولا اعضاء المنتدى ككل في غاية الاحترام والادب ، وهذا ما يميز منتدانا عن منتديات محلية أخرى تعاقبت على شبكة الانترنت عقب ظهورنا ، محاولةً منهم في زعزعة مكانة "منتدى شباب مودرن" في قلوب مريديها ولكن اتضح للجميع أن منتدانا يمتلك كتيبة من المتميزين خلقياً وعلمياً ولم ينحدر في يوم من الايام لدرجة التحذير من الاشتراك فيه أو مقاطعته بعكس المنتديات الاخرى التي صاحبها سوء السمعة وانحدار المستوى ..

سيماو

كالبدر يظهر حيناً ويختفي حيناً آخر ، وفي فترات ظهوره يقدم لنا ما تجود به القرائح وتطرب له القلوب ، مبدع بمعنى الكلمة لا ينقصه سوى الاستمرارية في المنتدى ..

العقاد

بحاجه الى مزيد من البصمات والتألق ..

عاشقة شاه روخ خان

نبض المنتدى وأنشط الاعضاء في الفترة الماضية ، وأخشى أن تكون هذه الصحوة مؤقته ما تلبث أن تتركنا بعدها وتهجر المنتدى ..

هاشم هارون هاشم

أستاذ قدير في مجال التنمية البشرية والمواضيع الشبابية .. يعيبه الانقطاع الكثير عن المنتدى .. ونأمل معه أيضاً الاستمرارية ..

خالص الود والتحية أختي الفاضلة عاشقة شاه روخان ..

شكراااااااااااااااااااااا اسلام على ردك على اسئلتى

السلام عليكم ورحمه الله وبركاته

اولا.. ازيك يا اسلام اخبارك ايه يارب تكون بخير

وبجد بما انك في البيت بيتك يبقي لازم اقولك حقيقه انك مدير منتدي

مبدع ورائع فعلا وانا متاكده انك لما تبقي مدير في عملك ان شاء الله هتبقي بنفس التميز والتالق وربنا يكرمك يارب

ثانيا .. اسئلتي ليك

هل من وجهه نظرك ان الاسماء المستعارة في اي منتدي بتشكل شئ مهم بمعني ان لو حد نزل باسم مستعار هل ممكن انك
تتعرف علي شخصيته من خلال الاسم؟

هل انت انسان معاتب يعني بتعاتب غيرك ولا بتفضل تكتم ؟

لما يجيلك خبر سعيد جدا مين اول واحد تقوله علي الخبر ده ؟

ما هو مقياس نجاحك ؟ بمعني انك بتقيس النجاح بايه؟

عاده في المجتمع سيئه نفسك تتخلص منها ؟

لو قدامك مشكله كبيرة طريقه حلك ليها ازاي ؟

الدنيا بتعني ليك ايه ؟

لو ابحرت في سفينه ذكرياتك تحب تفتكر فيها وترمي ايه في البحر ؟ لو خصوصيات يبقي سماح السؤال ده ؟

كفايه كده بقي طولت عليك

وسلام عليكم

ايه يا استاذ اسلام فين الاجابه على الاسئله ولا انت خايف تجاوب واللى خايف يروح واللى خايف يروح

المدير هرب ياجماعه

يا نهااااااااااار أسود كل دي اجابات وبتقولو المدير هرب

انا بس باخد نفسي شوية علشان اقدر ارد على بقية الاسئلة

لا مفيش أخد نفس
يلا حضرتك جاوب علشان نسأل تانى
احنا ورانا حاجه

لالالالالالالالالالالالالالالا بصراحه عندك حق يا منى انا عمرى ما شفت مدير بيهرب فينك يامدير

تحياتي لكل أعضاء منتدى شباب مودرن ...

وعودة للاجابة على كل التساؤلات الجميلة ...

وأبدأ بالاجابة عن تساؤلات الدلوعة ..

[- من أنت ؟ ومالذي تفعله هنا ؟؟

أنا "إسلام نبيل" وذكرت في سؤال سابق بطاقتي للتعريف بهويتي .. وما أفعله هنا المشاركة والتعبير عن نفسي وذاتي .. من خلال نافذة منتدى شباب مودرن ...

- لو قدر لك أن تدخل السجن فماهي القضية التي تتمنى ان تدخل بها إليه؟

أكيد طبعاً قضية متعلقة بالرأي ..

- أنت مكلف بحذف حرفين من حروف اللغة العربية .. أيهما ستختار ولماذا ؟

اممممممم بصراحة سؤال صعب .. ولكن لو قدر لي سأحذف حرف الشين والراء .. "شر" حتى ينتهى الشر من قاموسنا اللغوي ..

- في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة ..؟

سأضع القنبلة في " النادي الاهلي طبعاً

وسأضع الوردة في "مكتبة سوزان مبارك " ..

- أختر منصباً واتخذ قرارا !

"رئيس اتحاد الكرة المصري " وقراري حرمان الاهلي من التعاقدات لمدة 20 عاماً واكتفائهم بتصعيد الناشئين .. وابقى قابلني لو خد بطولة

- يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن ! ما تقول أنت ؟

اقول "حسبنا الله ونعم الوكيل" ..

- لماذا النسوة ... مدمنات ثرثرة ، هل هي طبيعة أم تمرد ؟

طبيعة طبعاً

- لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟

سأصطحب "محمد جلال" وهضيعه فترة كده وهرجعه تاني

- أختر خمسة أعضاء وامنحهم ألقاباً !

منى " روح المنتدى " ..

جيفارا "إبداع بلا حدود " ..

روميو مودرن " الولد الشقي " ..

دكتورة سارة "حكيمة المنتدى" ..

دينامو مودرن " نبض المنتدى " ..

- لو كانت الأيام هي الناس ، فأي يوم من أيام الأسبوع ستختار ليكون صديقك ، وأيهم عدوك ، ولماذا؟

انا بحب يوم " الاثنين" لاني بحس انه رمز تجديد النشاط في منتصف الاسبوع ..

وبكره يوم " الاحد" بحس انه يوم غلس

ثااااااااااانكس دلوعة على الاسئلة الجميلة .. ومنورة دايماً المنتدى ..

هلا هلا هلا بستورم العائدة لمنتدانا بعد طوووووووول غياب ..

وإذا ذكرت ستورم يذكر الرقي والتميز ، وكم هي أيام جميلة التي شهدت تجمع نخبة من الأعضاء المتميزين في منتدانا أمثال "ستورم ، حنين ، رامي كلر ، قطرة الندى ، الكوتش ، محمد حمدان ،، وغيرهم "" فنسأل الله أن يعودوا لنا مرة أخرى لنواصل الصحوة الابداعية وتسطير كلمات راقية على صفحات الانترنت ..

ويشرفني الرد على اسئلتك المتميزة ولك مني خالص التحية والتقدير ...

هل من وجهه نظرك ان الاسماء المستعارة في اي منتدي بتشكل شئ مهم بمعني ان لو حد نزل باسم مستعار هل ممكن انك
[تتعرف علي شخصيته من خلال الاسم؟

أكيد طبعا ان الاسم المستعار بيعبر عن شخصية صاحبه ،، فمثلا هناك الكثير من أعضاء المنتدى تماثل اسمائهم المستعارة شخصياتهم على سبيل المثال لا الحصر :

.. "دينامو مودرن " وبالرغم من اختياري له هذا اللقب ولكني وجدته في منتهى النشاط والحيوية في حياته الشخصية ..

"روميو مودرن" هو فعلا رومانسي وشخصية جميلة لها نصيب كبير من اسمه المستعار ..

"جيفارا" ثائر على التقليدية والروتينية في حياته الخاصة ويحب ان يضع بصمته في الحياة ويكره دور " الكومبارس" ..

هل انت انسان معاتب يعني بتعاتب غيرك ولا بتفضل تكتم ؟

لا بعاتب وبصارح من اهتم بصداقته ..

[لما يجيلك خبر سعيد جدا مين اول واحد تقوله علي الخبر ده ؟

صديقي "جلال" "محمد جلال" ..

[ما هو مقياس نجاحك ؟ بمعني انك بتقيس النجاح بايه؟

مقياس النجاح هو رضا نفسي ، فمتى وجدت أنني راضي عن هذا العمل اعتبر نفسي قد حققت نجاحاً حتى وإن لم يلق صدى لدى الاخرين ..

[عاده في المجتمع سيئه نفسك تتخلص منها ؟

عادة " التعصب الكروي" ..

[لو قدامك مشكله كبيرة طريقه حلك ليها ازاي ؟

الاستعانة بخبرات ومشورة من أثق فيهم ،، فمثلا ألجأ لرأي أصدقائي أمثال أخي الحبيب "محمد جلال" ، ورأي المشايخ أمثال الشيخ الجليل " محمد توفيق" ، ورأي المستنيرين مثل أخي العزيز " مصطفى عبد الفتاح" ..إلخ

الدنيا بتعني ليك ايه ؟

امتحان للاخرة إما النجاح وإما الفشل ..

لو ابحرت في سفينه ذكرياتك تحب تفتكر فيها وترمي ايه في البحر ؟ لو خصوصيات يبقي سماح السؤال ده ؟

لا خصوصيات ولا حاجه .. احب طبعا افتكر ذكرياتي في القرية مع جدي واولاد عمومتي ..

وارمي في البحر ذكرياتي في الثانوية العامة ..

نورتي المنتدى والموضوع يا ستورم .. وخالص التحية والتقدير

ماااااااااااااااااااااشى ياااسلام مدير على رااسنا من فووق بس عند الاهلى واستب ياااااريس والاهلى فووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووق الجميييييع واللى يخاااااااااااااااااف يروح يااااااازملكاوية ياااااحاقدين على احلى نادى وهو نادى القرن النادى الاهلى وبحبك ياااااااااااااااااااااااااااااااااهلى وبكرهك ياااااااااازمالك
بعد طول غياب لقاء جديد اخر حاجة مع مديرنا الغالى المبدع اسلام نبيل - صفحة 2 888365

بعد طول غياب لقاء جديد اخر حاجة مع مديرنا الغالى المبدع اسلام نبيل - صفحة 2 888365

ماشاء الله اخى اسلام كتبت فابدعت