هو انت تطول اساسا ؟؟؟؟

هو انت تطول اساسا ؟؟؟؟

عبارة تحمل بداخلها منتهى الانانية والغرور والتكبر والغطرسة

لما انسان يقول لغيره معلش انا مش عايز اعرفك ولا اكلمك تاني

نلاقي الرد سريع وجاهز هو انت تطول اساسا

لما انسان يقول لغيره انا مش عايز اشتغل معاك

نلاقي التاني يرد هو انت تطول اساسا

لما انسان يقول لغيره معلش انا مش عايز اسافر معاك

بردو نلاقي نفس الرد الجاهز

مع العلم ان دي حرية شخصية اي واحد من حقه

يرفض انه مش يكلم الانسان ده او مش يشتغل معاه

او مش يسافروا سوا او مش يتعامل معاه

لكن رد الفعل بيكون غريب جدا

هو انت تطول اساسا

طيب ده على اساس ايه يعني انك احسن منه وهو ادنى منك

ما كلنا واحد ومفيش فرق بينا الا بالتقوى فقط

ياترى هل انت من مستخدمي هذه العبارة ؟؟؟

ليه بنجرح غيرنا بيها لانها صعبة بجد وخصوصا لو اتقالت بجدية ؟؟؟

هل دي انانية ام احساس بالنقص ؟؟؟

فاصبر على كيد الحسود فان صبرك قاتله فالنار تأكل نفسها ان لم تجد ما تأكله

قال سبحانه وتعالى
{ إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم
يوم تشهد عليهم ألسنتهم وأيديهم وأرجلهم بما كانوا يعملون
يومئذ يوفيهم الله دينهم الحق ويعلمون أن الله هو الحق المبين }
صدق الله العظيم

وقال صلى الله عليه وسلم:
لا تؤذوا عباد الله ولا تعيروهم ولا تطلبوا عوراتهم
فإنه من طلب عورة أخيه المسلم طلب الله عورته حتى يفضحه فى بيته
صدق رسول الله

اولا انا مش من مستخدمى هذه الكلمه..... لكن يا خويا يا جيفارا انا هقولك على حاجه الكلمه ما بتجيش غير رد فعل ... وكل فعل له رد فعل مساو له فى المقدار ومضاد له فالاتجاه .... يعنى ات اكيد رفضك بيكون بطريقه متعاليه شويه ... علشان كده بيردوا عليك الرد ده....

بس مهما كان المبرر
مش المفروض نرد الاساءه بالاساءه
ارى ان الرد بهذه الصوره أحساس بالنقص فيحاول تعويض هذا
بإظهار انه الافضل

احنا مش عايشين فى عالم مثالى . وكل الناس بترد الاساءه بالاساءه... يعنى احنا لازم نغير من انفسنا الاول حتى نجبر الغير على ان يكون مثلنا الروش