بصراااااااحة ايه رأيك فى مودرن وفى الاعضاء

بصراحة ومن غير زعل

أتمنى أعرف رأيك فى منتدى شباب مودرن وفى الادارة والاعضاء

هل منتدى شباب مودرن منتدى ممل ؟؟؟ منتدى تافه ؟؟؟ منتدى بلا اعضاء؟؟

ما رأيك فى اسلام نبيل ؟؟ بهجورى ؟؟؟ الانسان ؟؟ محمد حمدان ؟؟ محمد جلال؟؟ الشبح ؟؟ شقالة بيه وكل اعضاء المنتدى

ما أهم عيوب المنتدى ؟؟

من أجل رقى المنتدى

انتقد

انتقد

ولا تخشى شيئا فالنقد هو أعظم أداة بناء عرفتها الانسانية كما قال الفيلسوف الالمانى (كانط)

منتدى بلا اعضاء

منتدى يحتوى على مواضيع قيمه لكن ما فائده الموضوع ان لم يستفاد منه الانسان

الاعضاء عندهم افكار لكن متعرفش هم ليه مبيدخلوش ويضيفوا هذه الافكار

اهم عيوب المنتدى اعضاءه واهم مميزاته رقى افكاره

اهم واول مشكله في اعضاء المنتدي وليس المنتدي ذاته
عدم المشاركة : راي - رد علي المواضيع
واشياء كثيرة

خدوا عينى شوفوا بيها

بصراااااااحة مشكلة قلة الاعضاء يتحمل مسئوليتها كل الاعضاء لاننا مبندعيش حد للمنتدى لو كل عضو دعى وااااااااااااااحد بس المنتدى هيتملى اعضاء وانا عن نفسى هدعو كل صديقاتى وياااااارب مودرن تتقدم للأمام دائما ..

الصراحة ياخوان اهم ما يعيب المنتدى
1قلة الاعضاء
2قلة المشاركات
اما بالنسبة للاعضاء فالموضوع دا سهل فمع الوقت حنلاقى المنتدى يوم عن يوم اعضائوا بتكتر
وغير كدة ما شاء الله المنتدى بدا يظهر فى نتائج بحوث جوجل ودا مؤشر جيد ان المنتدى
يوم عن يوم بيكبر وبتكتر اعضائوة
ناجى للنقطة التانية وان بعتبرها المشكلة الكبرى فى المنتدى وهى قلة المشاركات يعنى مثلا
موضوع منزلوا اى كان من الاعضاء تلاقى المشاهدة مثلا 9 مشاهدات وفى المقابل ممكن تلاقى
رد واحد او مافيش اصلا ومن هنا انا بدعو جميع اعضاء المنتدى انهم يكونوا ايجابيين ويشاركوا
حتى بكلمة او اى وجة من الوجوة المعبرة علشان تيدى المسكين الى كتب الموضوع وطلع عينوا فية
دفعة للامام وتخلية يكمل
ام بالنسبة للاعضاء فانا ما شاء الله شايف كام عضو فى المنتدى شعلة نشاط ويعنى على سبيل المثال لا الحصر
الاخ ابو عبدة ما شاء الله علية ممتعنا اليومين دول بكام موضوع هايلين بجد
والاخ العزيز الانسان ما شاء الله علية ديما متابع المواضيع اول باول
وحبيبى اسلام نبيل متالق دائما معنا وبمرورة الدائم
وطبعا الاخ الخلوق احمد بهجورى ولو انوا متغيب اليومين دول لظروفة الخاصة واحنا عازرينوا طبعا
والاخ myth متميز بمواضيعة الممتازة
والاخ شقاله بية الذى يمتعنا دائما بمواضيعة الثقافية والدينية
والاخ تامر الى انا شايف انوا نشيط جدا اليومين دول ونتمنى منة الاستمرارية
والاخ الفاضل سمسم89الى زاد نشاطوا اليومين دول بردوا
وهما دول الى لفتوا انتباهى بالنسبة للاولاد والى هما الى ظاهرين فى المنتدى
اما بالنسبة للبنات فانا بعيب عليهم قلة مشاركاتهم مع انوا عددهم مش قليل
يعنى اختنا المغتربة كانت شعلة نشاط استحقت عن جدارة لقب المشرفة المتميزة
واختنا نفرتارى متالقة دائما معنا
والوجة الجديد الاخت انوشة فى قمة نشاطها الفترة دى
والاخت الشقية نو ون دائما بمساهماتها الجميلة
معليش ياخوانا علشان الموضوع طول بس دول من وجة
نظرى المتواضعة الى انا شايفهم نشيطين او بالبلدى كدا شايلين المنتدى
وفى النهاية انا ارسل باقة ورد الى كل واحد منهم وبشكرهم على مجهوداتهم الوفيرة فى المنتدى

انا شايف المشكلة فى وجود اقسام مالهااااااااااش لازمة

وقلة الاعضاء

والمفروض ان مدير المنتدى يطبق برنامجه الانتخابى ويجيب اعضاء للمنتدى ويحل المشاكل ديه ..مش برده ده من امسئوليات المدير .. وفين مجلس الحكماء اللى يحاسب المدير بصراحة المنتدى عايز نظام ..

طبعا يا عمده

بس انت مين قالك انى مدعتش اعضاء للمنتدى

حضرتك مش عضو نشيط يعنى علشان تقول قله اعضاء والمدير لازم يعمل كذا وكذا

ده طبعا بعد احترامى لكلام سيادتك

وانا ممكن اطرد اى عضو غير نشيط
بس ده مش هيبقى فى مصلحه المنتدى

وبعدين المنتدى ده بتاعنا كلنا الواحد لازم يطور من نفسه علشان المنتدى يتطور

والحمدلله احنا غيرنا شكل المنتدى ونزلنا المنتدى بتاعنا على الجوجل

وعندنا عضو وصل الى الف مساهمه

واللى عايز يا جماعه يتكلم

يقول كلام له اساس ويحدد اللى اتعمل واللى هو عايزه يتعمل

تحياتى لكل الاعضاء وكامل احترامى لكل رأى يفيدنى

[ندعوك للتسجيل في المنتدى أو التعريف بنفسك لمعاينة هذه الصورة]

والله ياجماعه كلامكم كله جميل فعلا
بس انا رأيي عكس رأيكم بصراحه..أنا شايف ان المنتدي ماشى بخطى ثابته فعلا للتقدم .
واحنا مش عايزين السرعه الجامده ده.بس اهم حاجه الاستفاده.يعنى يجب نشارك بمواضيع ونجد من يقرأها.مش اللى يخش للموضوع ويكتب رد ويطلع من غير حتى مايقرا الموضوع
يعنى اهم حاجه(( الايجابيه ))
وعندي شويه اقتراحات لازم كل الاعضاء تعملها زي
1-اهم حاجه اي عضو يشترك جديد معانا لازم نرحب به بطريقه جميله
2-اي عضو جديد كتب موضوع لازم لازم يكتب له رد لموضوعه واتمنى يكون رد جميل يسعده حتى يحس بأيجابيه المنتدي
3-(واضعى الموضوعات) من الاعضاء يجب مراعاه المواضيع التى يضعوها من خلوها من كلام بذئ والتأكد من *الروابط* وده ضروري جدا جدا جدا
4-على المشرفين فى المنتدي التأكد من المواضيع وكتابه ردود لاصحاب المواضيع فى كل قسم يشرف عليه
5-يجب على الاعضاء والمشرفين فى كتابه مواضيعهم ان يتأكدوا من جمال شكل الموضوع اللذي كتبه.بأن يضغط بعد كتابه الموضوع على كلمه استعراض او معاينه.لتأكد خلو الموضوع من احرف زائده وغيره من الاخطاء..حتى يستطيع قارئ الموضوع ان يستمتع بقرائه الموضوع بشكل جميل
6-يجب على الاعضاء اللذين يقوموا بنقل المواضيع من المنتديات الاخري ان لايكتبوا اسم المنتدي الاخر-حتى يكون لنا طابع خاص للمنتدي.وليس اشهار المنتديات الاخري.لان يوجد فى منتدانا من يقوم بنقل المواضيع لمنتداهم دون كتابه اسم منتدانا.فيجب ان نأخذ طابع خاص لمنتدانا
7-على المشرفين اللذين لهم الصلحيات ان ينقلوا المواضيع اللتى يقوم الاعضاء بوضعها فى غير مكانها واذا كان الموضوع مشوه او شكله وحش يدخل على الموضوع ويقوم بتغير شكله .ربما صاحب الموضوع لايعرف كيف يغيره
8- اخر اقتراح عندي ان اي عضو يحب يستفسر على اي شئ ان يقوم ببعت رساله خاصه للمديرين وباذن الله سوف يقوموا بتلبيه طلبك وحل اي مشكله بقدر المستطاع
-------------------------------------------------------------
معلش طولت عليكم بس حبيت اوضح الصوره للجميع وانا على درايا ان الكثير يعلم هذا الكلام .....اتمنى ان يكون هناك من يبحث عن استفاده

[ندعوك للتسجيل في المنتدى أو التعريف بنفسك لمعاينة هذه الصورة]

مشكور لمرورك اخى محمد

وان شاء الله للامام

المنتدى يحتاج الى مزيد من الجدية والاهتمام