جروب (لا للحب على الانترنت )..هام للفتيات

إليكم هذا الجروب الظريف الذى يهدف الى توعية البنات من الغراميات الزائفة عبر شبكة الانترنت ..والموضوع الرئيسى للجروب :

الحب على الانترنت سهل اوىىىىى وجميل جداااااااا
بس يا ترى هو حب بجد
طبعا بين الاتنين اللى بيحبوا مقتنعين تماما انه حب وخاصة البنت
لكن يا ترى لووقفوا ثوانى مع نفسهم وفكروا ايه اخرة الحب ده
او البنت مجرد انها تطلب من الولد يتقدملها الولد طبعا يا حبيبتى حاتقدملك .... لكن
بسررررررعه بتلاقى المعامله بتتغير
بعد ماكان بيقعد 10 ساعات على الانترنت مستنيها وبيكلمها بقى بيقعد ساعه واحده ثم بدأ يختفى بعض الايام

الحقيقه ده ماسموش حب
ده مجرد تعود من البنت
هى اتعودت تكلم شخص ما على الانترنت حست انه كويس ومتقارب معاها
شعور التعود عندها اختلط بالنسبالها مع الشعور بالحب فمبقتش عارفه تفرق بينهم

والولد بصراحه بيكون حريف بيختار اجمل الكلمات فى البدايه لحد ما يوقع البنت ويخليها تستناه يدخل بفارغ الصبر لانها اتعودت تسمع منه اجمل كلام
على فكره فى نفس الوقت اكييد هو برضه بيكلم واحده تانيه وتالته ورابعه غيرك
ماهو بيعتبركم كلكم من ممتلكاته الشخصيه وبيستمتع بده
شويه شويه لما يتاكد ان البنت خلاص اتعلقت بيه واتعودت عليه يبدأ يتغير شويه
بيبدأ يفرض شروطه عليه اعملى ده وماتعمليش ده وممكن كمان يهزقها والبنت بتنفذ لانها اتعودت عليه وخايفه تخسره

وهو عايش بين ممتلكاته من البنات

بالنسبه للولد دول ممتلكات اتعود هوكمان على وجودهم حواليه

وبالنسبه للبنت تعود باحساس الحب

الحل لكل البنت حاجه بسيطه جدا سهل اوى تعملها لو عايزه تتحرر من الاحساس بالذل والخضوع ده

تعمل عليه بلوك ودليت وتمتنع نهائيا عن انها ترد على اى رساله منه لو بعتلها

الولد بيكون هو كمان اتعود على بعض الممتلكات من البنات ولكل بنت ميزه معينه

لو عايزه تاثرى فيه امسحى الميزه دى من عنده
ايوه انتى بالنسباله مجرد املاك لها ميزه معينه مش اكتر من كده
بس بصراحه هو بيدور عليكى كام يوم وبيتعب شويه لكن بسرعه بينساكى لانه للاسف بيلاقى واحده غيرك بتحل مكانك وبتديله نفس ميزاتك
وبيقدر يوقعها بسرعه لانه خلاص احترف الموضوع

لا لحب الانترنت فهو ليس حب ولكن عاده وتعود

رابط الجروب


[ندعوك للتسجيل في المنتدى أو التعريف بنفسك لمعاينة هذا الرابط]