يمكن الموضوع ده اتكلمت فيه عضوة قبل كده لكن انا هتناولة من زاوية تانية
انا هتكلم النهاردة عن موضوع مهم بجد وهو موضوع العنوسة وهل فى فعلا حاجة اسمها عنوسة ولا المجتمع هو اللى طلق الاسم ده ولكن لازم نعرف اولا ما معنى كلمة العنوسة فى وجهة نظر الكثير من
الناس العنوسة هى فى نظرهم ان الفتاة تعدى سن معينة وهى بدون زواج او على الاقل خطوبة وايام زمان كنت الفتاة التى تبلغ سن 25 بدون زواج يقال عليها عانس او بالبلدى بايرة
ولكن مع التقدم اللى حاصل فى مجتمعنا وارتفاع نسبة التعليم فى الفتيات ارتفعت معها تلك السن ايضا ولكن الى حد معين فمثلا دلوقتى اللى توصل لسن الثلاثين وبدون زواج يقولوا عليها عانس وبايرة
ومع انها ممكن تكون انسانة متعلمة تعليم عالى وعلى قدر كبير من الثقافة والاخلاق ولكن النصيب لسة ماجاش واذا حدث مثلا وان فى شاب اعجب بيها واراد الزواج منها واخبر اهله بسنها فان رد الكثير من
الاهالى يا ابنى البنات الصغيرين على قفا من يشيل وانت اللى يخليك تجوز البايرة دى وذلك دون مراعة انها انسانة كل ذنبها ان زواجها تاخر وليس لعيب فيها فاخلاقها وتعليمها لم يشفعا لها عندهم
ونسوا ان ابنتهم كانت من الممكن ان تكون فى نفس الوضع وان سن ابنهم مناسب لسن تلك الفتاة فهو ايضا كبير
والفتيات ترفض تلك النظرة اللتى ينظرها المجتمع الى الفتاة فهم قد حصروا اهميتها فقط فى الزواج وانها بدون الزواج فان لافائدة منها مع انها تكون مثقفة ونافعة فى مجتمعها ونحن بذلك لا ننكر اهمية الزواج
فى حياة الفتاة بل وان حلم كل فتاة هو الزواج والاستقرار والاطفال بل ونعتب على الذين رفضوا الزواج لفكرة انهم يريدون اكمال رسالة الماجستير مثل او اخذ الدكتوراه فهى من الممكن ان تفعل ذلك وهى
متزوجة لو اتفقت مع زوجها على ذلك من البداية وان اعرف الكثير من النساء الذين تخلوا عن حلم الاسرة والزواج من اجل مثلا ان يصبحوا دكاترة فى الجامعة وفى مكانة مرموقة ويتفرغوا لذلك
وهم الان نادمين كل الندم على ترك حلم الاسرة والاطفال من اجل ذلك ونراهم الان يبعثون الى الجرائد والصحف من اجل البحث عن زوج فى اعلانات الزواج بل ونراهم فى كثير من الاحيان ايضا
يذهبون الى الدجالين والمشعوذين من اجل الزواج بعد ان اكتشفوا ان ماهم فيه من مكانة لم يغنيهم ابدا عن الزواج والاستقرار
وانا فى النهاية ادعو من الله عزوجل ان يستر بنات المسلمين جميعا
وان الناس ترحم شوية الفتاة اللى سن الزواج بتاعها اتاخر مش لسبب فيهاا نما النصيب
وانا عايزة كله يقول ايه رايه وبسال الشبا ب ترضى انك تتجوز من واحدة فى التلاتين او قربت من السن ده وانت اكبر منها شوية او قدها
كلام من القلب
موضوع: العنوسة وهم ام حقيقة 
الخميس 28 أغسطس 2008, 4:29 pm
