لقاء مع اسلام نبيل

هلا هلا بالاستاذة wailo ..عضوة متألقة ..تحيااااااااتى لك

ايه كتر موقف محرج حصلك وكنت تتمنى انه مش يحصلك ؟؟؟؟؟؟؟؟؟
انا قولت حياااااتى كلها مواقف محرجه ... مرة كنت فى البلد من 3 سنين (قرية ادندان) ورحت الزرع مع ابن عمتى محمود وصممت ارجع البيت بالحمار لوحدى .. ابن عمتى قالى الحمار ده ممكن يرفسك لكن الشيطان كان اقوى منى وصممت على رأيى وركبت الحمار وطبعا رجلى مدلدلة من الحمار علشان انا طويييييييييييل وفى وسط الطريق الحمار وطى راسه اتزحلقت على رقبته ونزلت بالبردعة والحمار جرررررررررررى وانا جااااااارى وراه وفى ايدى البردعة وعماااااال اسال الناس فى الشارع شفتوا الحمار والناس يضحكوا (هو عملها معااااك) ... الحمد لله الحمار كان عارف البيت رحت لقيته مستنينى هناااااااااك .. من يومها قررت مركبش غير حصان وطاااااااالع ..

ايه اكتر حاجة شايفها من عيبوبك ونفسك تتخلص منها؟؟؟؟؟؟؟
التريقة والاستهزاء بالاخرين والتهريج ..

ايه الحلم المستحيل بالنسبالك؟؟؟؟؟؟؟؟؟؟

احلااامى كلها اعتقد انى قادر على تحقيقها حتى وان كانت بعيده عن ارض الواقع .. والمستحيل من احلامى ما خفقت فى تحقيقه فى الماضى مثل (دخول كلية الهندسة .. الالتحاق باثانوية العسكرية).

ايه اكتر صفة مش بتحبها فى معظم البنات واكتر واحده برضو مش بتحبها فى غالبية الولاد؟؟؟؟؟؟؟؟؟؟
اكتر صفة مبحبهاش فى البنات .... (الدلع الزياادة عن الزوم)
اكتر صفة مبحبهاش فى الولاد.... (التعصب فى كرة القدم)

شكرا وايلو على اسئلتك ..

حبيب قلبى اسماعيل ... شخصية محترمة ... وانا سعيد بتشريفك واسئلتك الجميلة أخى العزيز

ما هى اكتر مشكله او مصيبه لا قدرد الله مريت بيه ومش عايز تفتكرها ؟

فشلى فى الثانوية العامة.

وهل انت متشائم ام متفائل من المستقبل مع ذكر الاسباب؟

متفائل لاسباب عديدة :
1..أمامى مجالات وفرص عمل كثيره
2..اعمل فى المجال الذى احبه
3..لدى مواهب اتمنى استغلالها
4..انا بطبعى متفائل دااااائما

وما هى احسن نصيحه تقدمها لشباب بلدك وللمسلمين ؟

تاااابعوا برامج الدكتور ابراهيم الفقى ستنهضوا وتنهض امتكم ... واوصيكم بتقوى الله

تحياااااااااااتى لك حبيب قلبى الخديوى اسماعيل

المرحوم جهازك كان رحمنا منك اهلا وسهلا بأنوشة المزعجة

أولا :انت ليه بتحب تتريق على خلق الله وماتسيبش حد فى حاله؟؟!

داء بعيد عنك ..اتمنى التخلص منه لكن للأسف الشديد كل ما اقرر عدم التريقة والاستهزاء اشوف موقف يضحكنى ويجبرنى على المسخرة والتريقة .. ادعيلنا يا حاااجه بالهداية

ثانيا بقى:إيه اخبار رحلتك فى البحث عن الذات اللى بتعملها فى القاهرة؟؟

لا خااالص فركش انا هااجى اسوان اقعد جمب امى .. اشتغل فى مدرسة حكومى واقطف ملوخية فى حجرة المدرسين واشترى بطيخة وانا رااااااااجع البيت واقبض اخر الشهر 300 ملطوش واحكى بالليل فى النادى مع الشلة وان الله يحب المحسنين ..

مفيش احسن من صحااااااااارى

يااااااااااله طريقك اخضر اتكلى على الله ..

هلا هلا بحبيب قلبى الاستاذ محمد جلال ... اعز صديق عبر الانترنت ..الحمدلله الحمدلله اننى وجدت صديق مخلص مثل أخى محمد جلال فى زمن عز فيه الصديق الحقيقى ..

عاوزتقولى رايك فى الشخصيات دى؟؟

محمد عادل

شخصية محترمة ولكن اداريا عليه ملاحظات

الاسوانى

شخص فاضل ولكن لايستطيع التصرف فى الازمات الادارية واتخاذ قرارات حكيمة

بسمله
استاذة فاضلة ولها كل التقدير والاحترام

الشاعر

اجتمعت فيه كل صفات القبح

ملك

كاتبة متميزة اتمنى التحاقها بالمنتدى

ايسن

شخصية محترمة ولكن كتاباتها لم تترك انطباع لدى .

صناع الحياة

من أجمل الشخصيات التى يقابلها الانسان ..ايجابى لأبعد الحدود

ابوطه المصرى

ذو خلق .. متدين .. صديق وفى .. قلب حنون

الحسين احمد

سلفى متشدد (بس ظريف ومرح )

حمدى سليمان

نوبى متشدد .. لا اتفق معه فى كثير من ارائه ..

جلجل

شخصية ظريفة اتمنى ان ينضم لمنتدانا .. صاحب موضوع متميز (اسوان تتحدث عن نفسها).

رمضان

صديق ظريف ... بطل افلام الخيال العلمى والفانتازيا

هيروو

شخصية متقلبة المزاج .

ياسر رشاد

فنان متميز .. عاشق للمنتديات .. اتمنى انضمامه للمنتدى

كلمات الى توجها الى ؟؟

الشيخ ايهاب

ربنا يهديك وتبطل تمشى فى سكة اللى يروح ميرجعش

اسامه جلال

اخر الرجال المحترمين واتمنى ان تسرع بالزواج ..

ابو بكر
اتمنى انضمامك بقوة للمنتدى والاشراف على ساحة التكنولوجيا ..

عادل عبود

انضمامك لحزب الغد وهم كبييييييير اتمنى ان تعود لرشدك .. والعودة لاحضان الحزب الوطنى حفظه الله ..

ايه رايك فى الادفاوية ؟؟

اجدع ناااااااااس ولاسيما ادفو البندر (محمد جلال , اشرف عامر, ابوبكر, الحسين احمد , اسامة جلال, ....)


هل سبق ان اتحظرت فى منتديات اخرى لخلاف فكرى ؟؟

نعم .. تم حظرى من منتدى شباب اسوان لمدة اسبوع تضامنا مع اخ فاضل حظرته الادارة فكان لزاما على الدفاع عنه والتصدى لديكتاتورية الادارة .

احكيلنا عن موقف من المواقف فى المنتديات الشرفت بالاشرف فيها؟

بصراااااحة لا توجد مواقف فى الاشراف تستحق ان تذكر

تحيااااااااااااااتى لك يا ابو جلال

آآآآآآآسف على تأخرى فى الرد على أسئلتك أنوشة هانم بسبب انشغالى فى التحضير لرحلة العودة الى اسواااااان ..

امتى آخر مرة ضحكت فيها من القلب ؟؟

بصراااااااحة كل يوم بضحك من القلب واخر مرة ضحكت فيها من القلب من يومين

وفين؟؟

فى المكتب فى العجوزة

وإزاى؟؟

كده ههههههههههههههههه هههههههههههههههههههه ههههههههههههههههههههه


وليه؟؟

جالنا مخترع لغسالة بتنشر الغسيل لوحدها اللى ضحكنى مش الاختراع لالا المخترع كان شبه الغسالة وكل ما يتكلم اودى وشى الناحية التانية مش قادر امسك نفسى من الضحك وراح مدير الموقع نزل صورته فى الموقع وكل ما افتح الموقع اضحك ومعرفش اشتغل للأسف الشديد التريقة عمرها ما هتسبنى


مين هما اكتر تلات أعضاء بتحب تقرا ردودهم على المواضيع اللى فى المنتدى

بصرااااااااحة :
1... بعشق البحر
2... رامى كلر
3... أنوشة

ومحمد حمدان فى الزمالك

ارحموا من فى الارض يرحمكم من فى السمااااااااااااااااء

1-مين هما اكتر تلات أعضاء بتحب تتكلم معاها فى الشات

1..محمد جلال

2.. بهجورى

3.. محمد حمدان

1-رايك فى الكتّاب دول"أنيس منصور،محمود السعدنى، يوسف السباعى ، عبد الوهاب مطاوع"

أنيس منصور ... مثقف بلا حدود.

محمود السعدنى ... كاتب ساخر من طراز فريد.

يوسف السباعى ... أديب متمكن من أدواته .

عبد الوهاب مطاوع ... قلم رشيق يحلل القضايا والاحداث بطريقة فذة .

2- شخصيات عامة"محمد منير ، عمرو أديب ، حمدى قنديل ، ابراهيم عيسى ، "

محمد منير ... فنان حقيقى وفى نفس الوقت حرااااااااااااامى كبير

عمرو أديب .. خفيف الدم علشان زملكاوى

حمدى قنديل .. مذيع سياسى ولكن لا يصل الى مرتبة محمود فوزى .

ابراهيم عيسى ... يقرأ التاريخ جيدا ولكن ليست لديه رؤية اصلاحية ( النقد من أجل النقد)

أحمد على -بهجورى قبل النيولوك

شخصية لذيذة ... عصبى فى أحيان كثيرة

بعشق البحر

عايش فيها دور مصطفى كامل وبيتكلم كتير فى السياسة ... انا بحذره

أنوشة

مزعجة بلا حدود ولكن لها مستقبل باهر فى الكتابة الساخرة بس تبطل الرخامة على الناس

محمد حمدان

متميز فى اختيار مواضيعه ... متألق دائما ... شخصية محترمة

كيلر

شخصية متناقضة (ظريف ورخم فى نفس الوقت ) (عصبى وطيب فى نفس الوقت ) (أليف وشرس فى نفس الوقت ) ربناااااا يبعدنا عنه

يوجينا

غلباااااااااانة ياريت تشوفوها بحاااااجه

جنة بجد

أديبة وااااااعدة وتستحق وسام على تحملها للقاتل المجرم

إسلام نبيل

راجل غلبان بيحب القراءة والضحك ... ربنا يزيده فرفشة

تعبت كفااااااااااااااية

اهلا اهلا بالدكتورة ايه ..

الوقف المخيف المضحك

مرة وانا صغير كنت فى القاهرة وكان فى العمارة واحد عنده كلب شكله مرعب (وخصوصا وشه كان مخيف ) وكنت أول ما اشوف الكلب نازل ادخل جوه فى البيت ... وفى مرة كنت طالع من البيت لابس شبشب وكان فيه ميه فى الارض فتزحلقت وانا نايم على الارض لقيت الكلب فوق وشى كان لسه نازل من فوق .. رحت غمضت عينى واقعدت اصوووووووت .. والناااس اتلمت وكان منظرى باااااااااايخ .. الحمد لله طلعت سليم