أفكار للتحكم فى شات المنتدى (قوانين وضوابط لشات المنتدى)

انا مبسوطة اوى من مجال الكلام بين الاعضاء مع بعضهم على الموضوع ده وده يبعطينا
مجال الحرية فى الايام دى واكيد ده كويس طبعا لتفاهم العقليات ميرسي يااسلام اوى
انا اللى حابه انه يحصل يكون فين حزم فى الوقت للشات يعنى يكون فى وقت للفتح وقفل الشات
وياريت ميكنش فى وقت متاخر وياريت يكون فى تفاهم شوية بين الاعضاء اكتر من كدة وشكرا

بعد السلام والتحيه
نبتدى الكلام
اولا عاجبنى اوى طريقه مناقشه المشكله ولو انها مشكله احنا واخدين عليها يا اسلام من خلال مشاركتنا فى منتديات تانيه كتيرة والمفروض ان انتوا عاملين حسابكم لحدوث مثل هذه المشكلات
المهم يا ريت تتحل المشكله بسرعه ويرجع صندوق الدردشه باسلوب ديموقراطى حضارى من خلال " رجاحه العقل ووضوح الفكرة والمشاركه الفعاله "
ومتهيألى ده حيدى فرصه لنضوج افكارنا وزيادة خبرتنا وبلورة وتحديد ملامح شخصياتنا
واتمنى ليكم التوفيق والرأى السديد والله الموفق والسلام عليكم ورحمه الله وبركاته
ههههههه " متهيالى الجزء الاخير وسع منى شويه "

وعلى فكرة رأى الاخ رامى ومع احترامى الشديد لرأيه " وهو انا يبقى فيه يوم للانسات ويوم للشباب مش موافق عليه لانه المفروض بتحكمنا اخلاقنا مش القوانين اللى احنا بصدد اختيارها .
يعنى ببساطه ممكن اعمل ايميل جديد باسم بنت وادخل مع البنات فى الشات وهات راجل يعرف يفقسنى " وبكده يبقى فكرة يوم للانسات ويوم للشباب فكرة غير عمليه وغير فعاله
واعتقد ان الحل هو ان يبقى فيه وقت محدد لفتح الشات ولغلقه "
وبكده يبقى فيه فرصه للحوار وتبادل الافكار والخبرات الشخصيه .
وفى النهايه تحياتى ليكم جميعا
والسلام عليكم ورحمه الله وبركاته

كلام جميل يل ضى لكن كدة انتى اتهمتى كل اللى بيبعت رسائل خاصه
يعنى مثلا انا لو بعت رساله الى جلال يبقى انا قصدى خير ولو بعت رساله الى ضى يبقى قصدى أمممممممممممممممممم
هههههههههههههههه
مفتكرش ان ده هو قصدك . ؟

السلام عليكم بصراحة كلام ضي عجبني اوي
افتحو الشات من جديد بس يكون في ادب واحترام فيها مش واحد يدخل يغلس علي الناس اللي في الشات انا ملاحظة ان دخلو الاعضاء المنتدي قل شوية وبالنسبة للشباب واحنا عايزين واحد يكون بيقعد اطول وقت ممكن عشان لو حصل حاجة في الشات يوقول للمديرين
السلام عليكم ورحمة الله وبركاتة

السلام عليكم مرسى قوى يا اسلام على الاسلوب ده وانا شايفه انه يكون فى اشراف للشات وادارة ليه والشات كان كويس قوى الاول لكن الناس زادت قووووووى والغالب بقى بيدخل عشان يهرج وكمان لو واحد هرج واتعمله حذر بيدخل باسم تانى فياريت لو تعملوا حذر اى بى خالص او انه مش يدخل علبة الدردشة بالمرة وبجد شات المنتدى كان كويس قوى ومحترم بس فى الفترة الاخيرة حسيت انه بقى مش تمام وياريت يبقى فى مراقبه دايمه لانه ممكن احيانا حد يلبخ ومش يكون فى حد من الادارة ويجدد الكلام
فياريت ده بلاش ده راى تقبلوا مرورى

ضى القمر كتب:

اي واحد جديد داخل المنتدى شاف اسم بنت عجبه يبعتلها رسالة ممكن اخد ايميلك ونتعرف والكلام ده كله

ههههههههههههههه
على العموم ربنا يحميكم يا بنات وخلوا بالكم من روحكم واوعى حد يقلكم تعالوا معايا تروحوا معاه
هههههه

بصراحة انا معنديش الوقت الكافى عشان احكى فى الموضوع ده عشان المدارس وانتو عارفين بس بقولكم الشات يرجع زى الاول ويكون مفتوح علطول و منفصلش بين البنات والولاد لان الاستاذ محسن وضح الحتة دى واى مشكلة لازم نحلها بالعقل وليس بالحظر لان هذا الاسلوب يزيد العضو عنادا ومحدش يستخدم نفوذه ويحظر من غير ميفهم المشكلة لانى بصراحة لو حصلت معايا هاخش من اىمكان فى الدنيا وهارزل على الانسان اللى عملها فياريت المشرفين فى الشات ميضطروش الاعضاء لذلك وان بطالب بغلق الرسائل الخاصة لان فيها بلاوى لانها اكثر مشكلة من الشات اللى بيكون على مراى من الاعضاء لكن الرسائل الخاصة مفيش لوائح بتحكمها وانا عارف ان فى ناس كتير هترفض هذه الفكرة لانهم من عشاق الرسايل الخاصة عشان يعملوا ميحلو لهم فى الرسائل الخاصة اللى هى فيها بيتبادلوا الايميلات وهما معندهمش دم والناس اللى بتقول الشات يتقفل بمواعيد ويتفتح بمواعيد مينفعش الكلام ده لانه ولاحمام سباحة ولامدرسة ويللا هيصوا انا مش هاخش وانا عارف انا فى اعضاء هتفرح لما تقرا الخبر ده

السلام عليكم
والله كلو كلام زى العسل وممكن نساعد بعض على اتخاذ قرار فورى فى الموضوع دة
يريت كل واحد يقولو قانون للشات ونعمل علية اراء
مثلا مينفعش نعمل يوم للولاد ويوم للبنات
ولا نعمل مواعيد للشات
زى كدة يعنى