تحب تروح اسرائيل

زواج المصريين بالإسرائيليات يهدد أمن مصر القومي.. عدد المصريين الذين حصلوا على الجنسية الإسرائيلية أكثر من 220 ألفا

عنوان تقرير منشور في جريدة دنيا الوطن الفلسطينية

نوفمبر 2007

*******

التقديرات تشير إلى وجود 17 ألف مصري يعملون في إسرائيل 13% منهم يعملون
في الجيش الإسرائيلي. والتساؤل هنا لرئيس الوزراء: كيف يخدم المصريون في
الجيش الإسرائيلي، أيا كانت طبيعة عملهم في جيش العدو، ولمن سيكون ولاؤهم
وقت المواجهة لو حدث ووقعت حرب بيننا وبينهم؟

سؤال برلماني لعضو مجلس الشعب

صابر أبو الفتوح

*******

إلى رئيس الوزراء أقول.. إن من آثار اتفاقية السلام تيسير سفر الآلاف من
الشباب المصري إلى إسرائيل حيث يتزوجون من إسرائيليات تحت وقع الإغراء
ويحصلون على الجنسية الإسرائيلية وخلال بضع سنوات تضعف المشاعر الوطنية
لديهم ويصبح ولاؤهم لغير مصر مما يشكل خطرا يهدد الأمن القومي

سؤال برلماني لعضو مجلس الشعب

فريد إسماعيل

*******

الزواج من امرأة حاصلة على الجنسية الإسرائيلية حرام شرعاً، وإن كانت عربية مسيحية أو مسلمة

د.نصر فريد واصل

مفتي الجمهورية الأسبق

*******

الرابطة تفكر في تشكيل حزب سياسي، يخوض انتخابات الكنيست القادمة، يكون
هدفه استرداد الحقوق الضائعة لنحو 5 آلاف مصري، تزوجوا من حملة الجنسية
الإسرائيلية، ويعيشون في إسرائيل

شكري الشاذلي

أحد مؤسسي رابطة الجالية المصرية في إسرائيل

*******

العمالة المصرية في الخارج حولت إلى مصر أكثر من 5 مليارات دولار أمريكي
في عام 2006، وأكثر من 10 دول كانت مصادر هذا التحويل هي على الترتيب
السعودية- ليبيا- أمريكا- إيطاليا- كندا- الأراضي الفلسطينية المحتلة:
الضفة الغربية وغزة- عمان- إستراليا- إسرائيل- اليونان، حيث بلغت
التحويلات من السعودية 1.68 مليار دولار، ومن إسرائيل 48 مليون دولار

من تقرير حديث للبنك الدولي

صادر من مقره في واشنطن

*******

الأعداد المنشورة بشأن العمالة المصرية في إسرائيل، هي أعداد تراكمية،
بمعنى أنه كل عدة أشهر مثلاً تذهب مجموعة إلى إسرائيل بغرض الزيارة، ثم
تعود لمصر ثانية، ثم تذهب مجموعة أخرى، وهكذا، حتى وصل الإجمالي لما هو
معلن حالياً، وطوال مدة خدمتي في السفارة المصرية في تل أبيب، لم يتجاوز
عدد المصريين العاملين في إسرائيل بضعة آلاف، وغالباً ما ينتمي هؤلاء
الأفراد إلى الطبقات الدنيا من المجتمع المصري، ويلتحقون بأعمال متدنية في
إسرائيل، مثل عامل في مطعم أو مصنع، لأن الحكومة الإسرائيلية، لا تسمح لهم
بالالتحاق بمناصب رفيعة المستوى

محمد بسيوني

سفير مصر السابق في إسرائيل

*******

زي ما إنت شايف..

الموضوع مش عادي أبدا

صحيح فيه تضارب واضح في الأرقام والمعلومات وإن عدد المصريين العاملين في
إسرائيل يتراوح ما بين 17 ألفا ويصل إلى 220 ألفا – الرقم الذي اتفق عليه
الأغلبية هو 28 ألفا- بس الخبر والمعلومة الأكيدة

إن فيه آلاف المصريين بيشتغلوا في إسرائيل

وإن فيه آلاف المصريين تزوجوا من إسرائيليات

وإن فيه آلاف المصريين أخدوا الجنسية الإسرائيلية

تفتكر..

ده أمر عادي وطبيعي ولا يستحق أن نطرحه للنقاش أصلا

ولا ده موضوع -مرعب- لازم البلد كلها -ناس وحكومة- تقف على رجل عشان تعالجه

وبصفتك من الناس -سيبك من الحكومة- قل لنا

تفتكر إيه اللي يخلي واحد مصري يسافر يشتغل ويتجوز وياخد الجنسية الإسرائيلية؟

ظروف مصر اللي مش ولابد؟

*******

ماشي.. في دي عندك حقك.. ظروف البلد ممكن -خد بالك ممكن مش أكيد- تخلي كتير يفكر يسيبها ويهاجر..

بس يعني هي ضاقت بيك الدنيا كلها ومالقتش في وشك إلا..

إسرائيل؟

إسرائيل.. ياجدع

يعني ممكن فعلا تعملها وتروح تشتغل هناك في فرن ولا في مطعم ولا عامل بناء ولا حتى أستاذ في الجامعة ولا عالم كيميائي؟

هتقول لنا طب ماهم بييجوا عندنا في سيناء وبنشتغل معاهم هناك وبنقدم لهم خدمات

ماشي مش هنختلف.. بس خد بالك هم اللي بييجوا مش إنت اللي بتروح.. ولأن فيه اتفاقية سلام فلازم تتعامل معاهم لو جم.. بس ما تروحش

وهو يعني لو رحت هناك واشتغلت

هتقدر تكسر الحاجز النفسي الكبير اللي جواك تجاه إسرائيل وهتتعامل طبيعي
جدا طالما إن العالم كله مفتوح على بعضه فماجتش يعني على إسرائيل اللي
إحنا.. لو كانت ناسي أفكرك.. ده إنت اللي بتقول مش إحنا.. عاملين معاها
اتفاقية سلام من ييجي 30 سنة؟

ولا أصلا مافيش حاجة اسمها حاجز نفسي ناحية إسرائيل، ده حتى اللغة الشبابية الجديدة بتقول بيس يامان

ولا مستحيل تروح إسرائيل ولو على جثتك

لأن الاسم نفسه -إسرائيل- معناه عندك كل معاني الكراهية والخيانة والقتل؟

*******

إيه رأيك؟

تروح تعمل مهمتك في تل أبيب

ولا أهو ده اللي مش ممكن أبدا؟

ولو كنت من اللي راحوا واشتغلوا هناك فعلا

فإزاي الحال دلوقتي

الحياة أحسن وأفضل فعلا

متكيف تمام على الوضع؟

أهلك شايفين إن الأمر طبيعي

وإنك خير مافعلت إنك سافرت تشتغل في إسرائيل

لأنك من يوميها والفلوس بتجري في إيدك؟

ولا متضايق وعمرك ما هتكررها تاني؟

_________________

.

انا حبيت اجيبلكم الموضوع ده عشان بججد مستغربه ازاى فى ناس كده بالذمه دول مصرين انا مش فاهمه ازاى يعنى عايشين معاهم فى بلد واحد وكمان بيشتغلو مع بعض هم مش حاسين انى دول اللى بيقتلو اطفالنا ويعذبو شبابنا ومشردين اهالى كتير ومضيعين ومبهدلين وطن بحاله بعد كل اللى بنشوفو ده من جرائم دول رايحين يشتغلو ويعيشو هناك

غياب الوازع الديني بالإضافة للأوضاع الاقتصادية الصعبة يؤدي لهذه الهجرة المقيتة الى بلاد الصهاينة ، فنأمل أن تسعى وسائل الاعلام لتوعية الشباب بمخاطر هذه الهجرة وتحذيرهم من الوقوع فى براثنها ..

جزاك الله خيرا يا ريهام على طرحك لهذا الموضوع الجاد..

والله انا كمان رايى من راي اسلام
من حيث غياب الوازع الدينى عن المواطنين والازمه الاقتصاديه الطاحنه فى البلاد
هذا وبالاضافه ايضا الى ضعف الشعور الوطنى لدى المواطن المصرى العادى
شكرا ياستاذه ريهام على موضوعك الجميل
لما له من اهميه كبيره

مشكوووورة ياريهام على الموضوع الاكثر من رااائع

هيه فعلا مشكلة كبيرة
سفر الشباب خارج مصر
واصرارهم الشديد لذلك
بس بصراحة هما لو لقيوا فى بلدهم
الفرصة ...بيتهيالى مكانوش يفكروا فى السفر اصلاااااا
انا مش بدافع عنهم
اينعم..فيه كتير منهم ما يستاهلش انه يكوون مصرى
بس فيه برضه شباب غلبااان
مش عااارف يعمل ايه
اتمنى ان المشكله تتحل باسرع وقت

ااااسفة على الاطالة تقبلى مرورى

ده عشان مافيش احساس بالمسئولية
من قبل الشباب
لأن لو قلبهم على اخوانا الفلسطنين مكنش حصل كل ده
مشكورة حنين على الموضوع المميز ده

مش متخيلة ازاي يعيشو في وسط ناس خونة بطبعهم وازاي واحد تسمح له نفسه يديه اسمه لواحدة يهودية وازاي اهليهم بيجي لهم قلب يبعتو اولادهم هناك ديه عملية انتحارية موكدة دول بيضربنا علي الحدود ويقولو ويقولو معلش رصاصة خطا اللي مافيه رصاصة بيفتحو بيها دماغ بعض خطا كل اخطاءهم بتكون ناحية المصريين دول ايه قلوبهم حجر بس غريبة مسالة انه حرام انهم يتجوز يهود دول مش كتابيات والله اعلم علي فكرة انا مش موئدة فكرة الزواج بس اللي اعرفه ان الكتابيات يجوز الزواج منهن والله ورسوله اعلم