الــكــوســة في بلادنا

للكوسه فى بلادى شئون

بتخلي المسنود فرعون

يتفرعن فين مهما يكون

وتخلي الجاهل أستاذ

والأعرج لاعب جمباز

وتخلي الأحول هداف

والكوره الآوت ف الجون

للكوسه ف بلادي شئون

لو تعرف واحد ف الشرطه

راح تخرج من أجدع ورطه

والراجل اللي انت ظلمته

تلاقيه متلقح مسجون

أو تعرف شخصيه كبيره

شغاله ف البنك مديره

راح تاخد من غير ضمانات

كام قرض بمليون مليون

وهروبك طبعا مضمون

ويا عيني لو تعرف نايب

ف المجلس مش نايب خايب

راح تبني أبراج وهميه

أوراقها مظبوطه أكيد

وفلوس الناس المهريه

حتجيلك م الجيب للإيد

بعديها تروح المستشفى

وتقيد نفسك مجنون

أحكامك تسقط ف ساعتها

بعديها ترجع موزون

ويا عيني لو تعرف شيخ

فجنابك طاهر علطول

وصيامك طبعا مقبول

وإذا فرضا حبيت تتجوز

تتجوز من غير مأذون

وإذا ساكن ف عماره جديده

وحبيبك راجل مسئول

فسيادتك من غير ما تقول

يركب لك فورا تليفون

ولو انت عندك عربيه

ونمرها سوده بنسرين

حتعدي أجدعها كمين

وحتكسر أوضحها إشاره

ماهو نمرك سوده جباره

ولا تعرف أيتها قانون

ولو انت بتعرف فرّان

أو واحد بياع جرنان

راح تاخد طلبك وحتمشي

من غير ولا دوشه ولا دور

والناس الغلبانه حتاخد

طلباتها بعدك وتغور

ماهو كله غيرك بيهون

ولو انت زميل الحلاق

راح تحلق اولها زبون

وإذا كنت بتعرف دكتور

حتعيش متطمن مسرور

وحتسلك ف لجان الشفوي

ومجال تعيينك موفور

وحتطلع فالتليفزيون

بالبدله وفيها الببيون

تتكلم وبكل بساطه

عن شرف المهنه المدفون

[ندعوك للتسجيل في المنتدى أو التعريف بنفسك لمعاينة هذه الصورة]

صحيح والله الكوسه موجوده في بلادنا
بس نعمل ايه ده شي طبيعي بالنسبه لبلادنا ولازم نتعود عليه

لا من ناحية الكوسة فالكوسة كتير بس احنا اتعودنا عليها خلاص وخصوصا في الشعب المصري يلا ربنا يصلح الحال مشكورة علي هذا الموضوع المتميز

ميرسي علي المرور

صحيح الكوسه فى بلدنا
شكرا ليكى ستروم

والله الكلام مظبوط ميه في الميه

اكيد كلنا عانينا من الكوسه الى في بلدنا والمحسوبيات والوسايط

لدرجه ان الواحد دايما بيسمع جمله شهيره على هذ الموضوع

لو ان نهر النيل كله صلصله مش يكفي الكوسه الى في مصر

وربنا يصلح الحااااااااااااال

حلو قوى كلامك ده وكله صح

ايتها العضوة الرائعة تحيتى ليكى

وربنا مع الغلبان هو اقوى من اى واسطة

موضوع رائع بصرحة

الله ينور عليكى يا ستورم.. موضوع رائع
وياريت تقبلى منى الهدية البسيطة دى عن نفس موضوعك

السيد عبد العاطى البروقراطى

السيد عبد العاطى البيرو قراطى ،
من ( بيروقراط ) مركز مش فاكر ايه ،
كل بلدهم بهوات سبحان العاطى ،
الكاتب بيه و مدير المصلحه بيه ،
و السيد عبد العاطى البيروقراطى
راجل دوغرى ، فاهم إيه اللى عليه ...
راجل يعرف أمتى ينخنخ ويطاطى
و كمان يعرف امتى يدلدل رجليه .
ييجى المكتب ، بدرى بمواعيد ظباطى ،
و الساعة اتنين و لا ورقة تكون فى ايديه .
فنان فى الشغل ، وفنه أرستقراطى ،
الفن فقط للفن ، بتضحكوا ليه ؟
لا تقوللى مصالح شعب و لا كلام و اطى ،
الهدف السامى علاوة تلاته جنيه .
و السيد عبد العاطى البيروقراطى
( السد العالى ) ف نظره .. اسمه دوسيه !
صلاح جاهين

ههههههههههههه

اسرع حاجة بتتزرع فى البلد دى

موضوع جميل تقبلى مرورى