ولنا لقاءا اخر مع العضوة المتميزة(زمزم)

أخـواتي الغاليـــات
عضوات منتدى شباب مودرن

عدنا مع أخت غاليــه على الجميــع
شهادتي فيها مجروحه
فمهما كتبت لن أوفيها حقهـا

ولنا لقاء الان
مع العضوة المتميزة

(زمزم)

ولنا لقاءا اخر مع العضوة المتميزة(زمزم) 107_1224902241

ولنا لقاءا اخر مع العضوة المتميزة(زمزم) W6w_200505201626245997a2369958

ولنا لقاءا اخر مع العضوة المتميزة(زمزم) 10

أول مرة دخلتي منتدي شباب مودرن كان إحساسك إيه وبصراحة ؟؟؟

ايه اكتر حاجة ممكن تنرفزك باعتبارك بنوتة؟

ماهي السلبيات الموجودة بالمنتدي في نظرك

ماهي النصائح التي تقدميها لاعضاء المنتدي

ما رأيك بالمواضيع التي تكتبها الاعضاء بالمنتدي

السلام عليكم اختي زمزم
هسالك اسئلة ويارب تكون خفيفة عليكي
ماسر اختيارك لهذا الاسم؟
موقف مضحك
موقف محرج
موقف محزن
موقف مفرح
ولنا عودة بعد الفاصل
السلام عليكم

قبل ان اجيب على الاسئلة احب ان اشكر اخى شقالة على لقائه الغالى وعلى مقدمته الرائعة وكلماته الاجمل وذلك ماتعودنا منه دائما من حسن خلق

واحب ان اعتذر عن غيابى الطويل بسبب الامتحانات

واحب ان اجيب

أول مرة دخلتي منتدي شباب مودرن كان إحساسك إيه وبصراحة

بصراحة كنت فرحانة جدا لانى لقيت فيه المنفذللتعبير عن رايى فى حاجات كتير وكنا فرصة كمان انى اكتب فيه واشوف رد فعل الاخرين على كتاباتى

ايه اكتر حاجة ممكن تنرفزك باعتبارك بنوتة؟

اكتر حاجة بتنرفزنى بجد لما اركب عربية والاقى حد بيدخن فيها ولا كان فى بشر جنبه اساسا

ماهي السلبيات الموجودة بالمنتدي في نظرك

ممكن وجود مشرفين لا يقومون بواجبهم بالردود على مساهمات الاعضاء احيانا

ماهي النصائح التي تقدميها لاعضاء المنتدي

ان كل عضو يتعامل مع التانى باحترام وحب كانه اخوه

ما رأيك بالمواضيع التي تكتبها الاعضاء بالمنتدي

بجد بلاقى مواضيع لمجموعة من الاعضاء اكثر من رائعة وبالاخص ما كتبوه بانفسهم

وفى النهية بحب اشكرك ايها الاخ الكريم

سارة كتبت

السلام عليكم اختي زمزم
هسالك اسئلة ويارب تكون خفيفة عليكي

وعليكم السلام ياسارة وشكرالمرورك الكريم واعتذر لك عن طول غيابى وعدم اجابتى على الاسئلة

واحب ان اجاوب

ماسر اختيارك لهذا الاسم؟

انا نفسى بجد اسافرمكة المكرمة وازور الكعبة واشرب من عين زمزم الكريمة علشان كده بحب الاسم ده

موقف مضحك

هوه موقف حصلى انا ومسافرة الجامعة هوه ضايقنى فى الاول بس انا كل ما افتكره اضحك وهوه انى كنت مسارفة فى يوم بعد اجازة عيد الاضحى انا واصحابى ومعانا شنط كتير فى القطر والدنيا زحمة جدا وعند قنا جينا ننزل طبعا اساسا مفيش مكان ننزل منه من الطرقة فنزلنا من فوق الكراسى اساسا وبعد كده رحنا علشان نجيب الشنط من المخزن راح بتاع الشنط قالنا انزلوا وانا هجيبهالكم وفعلا نزلنا وكل شنطنا جوه القطر وكويس اننا نزلن اساسا المهم قعدنا ننادى على الرجل ياعمو الشنط ياعمو الشنط لا فيه عمو ولا شنط اساسا والقطر بيتحرك والشنط كلها جوه القطروالكتب وكله ولا حاجة اساسا ما نا كنت معزلة بقى المهم القطر مشى بالسلامة والشنط جواه وانا واصحابى مش مصدقين ان الشنط جوه المهم قعدنا نعيط زى العيال لغاية ولاد الحلال جابهولنا من المحطة اللى بعديه

اموقف محرج

ابدا عادى كنت ماشية فى الشارع فرحانة بنفسى رحت زى الشاطرة وقعت فى حفرة صغيرة واتنيلت فى الارض والناس كلها وقفت فى الشارع تبص وانا اساسا قعدت اضحك على نفسى ولما قمت كانت كل هدومى بلون التراب وفضلت ماشية مسافة كبيرة بالمنظر ده لغاية ما وصلت السكن

موقف محزن
يوم وفاة عمى الله يرحمه لانه كان فى معزة والدى وبوفاته افتقدت الكثير

موقف مفرح

يوم نتيجة الثانوية العامة سنة تالتة مش تانية

وفى النهاية احب اشكرك يا صديقتى الغالية الجميلة

آآآآآآسف يا استاذة زمزم على التأخير في سؤال حضرتك..

ما هي طموحاتك لمنتدى شباب مودرن ؟؟

من هو شاعرك المفضل ؟؟

في وجهة نظرك أيهما يصلح للعب الكرة وهيبقى ليه مستقبل باهر .. السيف .. أم thekiller ؟؟ أنا من رأيي السيف لاعب حريف بالفطرة هموت

آآآآآآآآآخر سؤال .. ما رأيك في هذه الشخصيات بصرااااااااااااااااااااااحة ، وبلاش نفاق لو سمحت مش حلو

1... محمد صلاح

2... أحمد نبيل يونس فرح (أخويا بيكهام مودرن

)

3... محمود زكريا .

من غير نفاق لو سمحت

ولنا عووووووووووووودة

اهلا وسهلا بحضرتك عضوة متميزة حقا ومجهودك رائع فى المنتدى
متأسفة لتأخير اسئلتى

فى البداية
ما هى امنتياتك وهل تحققت ام لا ؟؟
اكتر شئ ندمتى عليه فى حياتك حتى الان ؟
كلمة شكر توجهيها لمين وليه؟ واحدة لحد فى المنتدى واخرى لأى انسان فى حياتك؟
اتمنى ألا اكون طولت عليكى

ردا على الاستاذ اسلام نبيل:احب اقوله ان مفيش داعى للاسف ولا حاجة واحب اشكرك بتشريفك ليا باسئلتك واحب اقولك

انى متوقعالك مستقبل انشاء الله فى الصحافة وثانيا احب احييك على فكرة المنتدى الجميل ده
واجاوب على اسئلتك

ما هي طموحاتك لمنتدى شباب مودرن ؟؟

انه يتطور اكتر من كده وان كل الاعضاء فيه يتسموا بالوفاق مع بعض وان الاعضاء تستفيد منه ويكون مجال للابداع مش للنقل وبس

من هو شاعرك المفضل ؟؟

انا بحب فاروق جويدة جدا وبحب اسير على طريقته كمان الاستاذ صلاح جاهين رباعياته كانت من روائع الاشعار

في وجهة نظرك أيهما يصلح للعب الكرة وهيبقى ليه مستقبل باهر .. السيف .. أم thekiller ؟؟ أنا من رأيي السيف لاعب حريف بالفطرة

انت عايز توقعنى فى شر اعمالى ولا ايه يااسلامthekiller طبعا الاصل واخوه الصغير ماشى على نهجه واذا كان انت ليك راى تانى ياعم انت حر انا اقدر اقول حاجة غير كده برضه وانا من هنا بنقل تحيتى للكيلر وبقوله وحشتنا وانت النجم القادم

آآآآآآآآآخر سؤال .. ما رأيك في هذه الشخصيات بصرااااااااااااااااااااااحة ، وبلاش نفاق لو سمحت

1... محمد صلاح
ده ده نسمة ده حتة سكرة يا اسلام انت بتتكلم ازاى ده الهوا اللى بيخنقنى قصدى اللى بتنفسه

مع ان انا ومحمد بنختلف فى حاجات كتير الا انى اعترف انه شبهى فى حاجات كتير بس هوه عصبى شوية لو يهدى نفسه يبقى سكر سكر ومش بهزر على فكرة
2... أحمد نبيل يونس فرح (أخويا )
احمد ده النسمة نمبر تو انت بتتكلم ازاى يعنى وبعدين الطيور على اشكالها تقع
3... محمود زكريا

هوه مش اخو جينا يبقى زيها والله هادى خالص وتبع الشلة بتاعتهم برضه ربنا يهديهم.

من غير نفاق لو سمحت

وبعدين يا اسلام انابنافق ازاى تقول كده ازى كل كلمة قولتها بالاخص فى الكيلر تتسم بالصدق الصراحة

وفى الاخر احب اشكرك واتمنالك الخير والتوفيق فى حياتك

ردا على الدكتورة منى انا احب اشكرها جدا لتشريفها باسئلتها لية وانا مع انى لم تتح لى الفرصة انى اكلمها كتير قبل كده الا ان ردودها ومواضيعها بتدل على انسانة طيبة ومحترمة
وانا احب اجاوب على اسالتها

اما هى امنتياتك وهل تحققت ام لا ؟؟
اول حاجة انى بتمنى من ربنا رضاه ليا
انا كانت لية امنية انى ادخل كلية الاعلام بس للاسف لم تتحقق لكن الحمد لله على كل شىء

تانى امنية ليا ليا انا فى انتظار انها تتحقق يارب تتحقق انشاء الله

ولما تتحقق هقولكم انشاء الله

وبتمنى ان ربنا يكرم اخويا محمد ويدخل الكلية اللى يتمناها

اكتر شئ ندمتى عليه فى حياتك حتى الان ؟

انى ممكن يكون وثقت باشخاص المفروض ماكنش انى اثق فيهم

كلمة شكر توجهيها لمين وليه؟ واحدة لحد فى المنتدى واخرى لأى انسان فى حياتك؟

انا ااحب اوجه كلمة شكر لك الاعضاء اللى كانوا بيقروا اشعارى ويشجعونى لانى بجد انا بتشجيعهم ليا بيقيت ببذل مجهود اكتر واحاول اطور نفسى اكتر بجد ربنا يخليهم

وكمان احب اشكر ماما وبابا اللى بجد تعبانين قوى علشانى ونفسى اكون حاجة كبيرة علشان خاطر افرحهم

انا اللى بشكرك على ردودك الجميلة وتفاعلك الرائع وعلى كل مواضيعك الجميلة
الف شكر لكى على هذه الكلمات الجميلة واتمنى ان اكون استحق ولو جزء بسيط منها
سعدت جدا بمعرفتى بيكى

زمزم هااانم والله يا جماعه زمزم دى اطيب انسانه فى الدنيا
وبجد زمزم دى حد مهم جداااااا فى حياتى ربنا يخليكى ليا يارب يا زمزم

بصى انا عايزاكى توصفى شخصيتك كده بكام كلمه
وايه اكتر حد بتحبيه فى الدنيا وايه اكتر حاجه بتخافى منها فى الحياه
وعايزاكى تقولى صفه حلوة وصفه وحشه فى
حنين
وجينا
وبورنج
بس كده متقلقيش رااجعه

يا اهلا وسهلا بالضيفة الغالية زمزم
يا اهلا بالابداع المتواصل والردود الرائعة والمقالب الغير متوقعة و الصراحة المتناهية
انتي في مأزق على فكرة يا زمزم لان اللقاء اللي قبلك كان مع زكير واستطاع زكير انه يكسر الرقم القياسي ويوصل لست صفحات من الردود وزكير وصل للحكاية دي لانه كان بيتحدى الاعضاء ان حد يعرف يسأله سؤال محرج بس محدش عرف يعملها
الاختبار الصعب اللي انتي فيه انك تكسري الرقم ده .. واول خطوة تعمليها انك تطلعي العضواللي في السجن وتخديه في صفك وهو حيعمل الباقي ...
اما اسئلتي ليكي :
1- هل لاحظتي انك ليكي كلمة دايما بتقوليها وسط الكلام (لازمة يعني)؟
2- ولو الاجابة نعم هل حد من اصحابك بيمسكها عليكي؟
3- ولو نعم يا ترى بتزعلي منهم ولا كل واحد عليه ذلة بيتمسك بيها؟
4- كان نفسك تدخلي كلية اعلام ليه (يعني ايه المستقبل اللي كنتي رسماه لنفسك)؟
5- سلام كبير شحط محط لاخونا اللي واحشنا كلنا وعايزين نشوفه كيلر باشا

منورة اليت بيك يا زمزم،،،
عـرفـت بأخـلاقـهـا وتـواضـعـهـا وبسـعيـهـا لـزرع الإبتـسـامـة علـى محـيـا الأخـريــن
ولـديهـا نـشـاط وحـيـويـة وتفـانـي فـي إتـقـان الـعـمــل جـعـلـهـا مـن الـمـمـيــزات.
(مـا شـاء الله تـبــارك الله)

سأطـرح عليـكِ اسئلـة سـهـلة بحب اسئلها لضيوف البيت بيتك علشان الاعضاء يتعرفه على شخصيتك اكتر لا تتـجـاوز الثـلاثيـن>راحت فيها
كـل ما عليـك هـو الإجـابـة باحـدى الإجـابـات التاليـة:
دائمـًا ،أحيانـًا ،نـادرًا ،أبـدًا
الأسئلة
1-هـل تخشيـن الغربـاء والأماكـن المزدحمـة ؟
2-هـل تشعريـن بالقلـق أثنـاء الحديـث مـع شخـص أكبـر منـك ؟
3-هـل تعرقيـن وترتعشيـن عندما تتحدثيـن مع الجنس الآخر ؟
4-هـل أنت دائمـًا فـي احتيـاج لشخـص يسانـدك ؟
5-هـل تخافيـن من تناول الطعام والشراب أمام الآخرين ؟
6-هـل تشعريـن بالتعاسـة ؟
7-هـل ينتابـك الحـزن والخـوف أثنـاء الحفـلات ؟
8-هـل لديـك بعـض المخـاوف غيـر العاديـة ؟
9-هـل لديـك قلـق مستـمـر ؟
10-هـل تخافيـن مـن النـوم لـوحـدك ؟
11-هـل تستطيعيـن التعبـيـر عـن مشاعرك في أي وقت ؟
12-هـل أنتِ محبوبـة مـن الآخريـن ؟
13-هـل تشعريـن بالنـدم عندمـا تكونيـن فـي عزلـة عـن الآخريـن؟
14-هـل تخافيـن علـى مشاعـر الآخريـن ؟
15-هـل أنتِ كثيـرة التـردد فـي اتخـاذ القـرارات الخاصـة بـك ؟
16-هـل تستطيعيـن الحديث مـع الجنـس الآخـر ؟
17-عندما يوجه لـك سؤال مفاجئ هـل تستطيعيـن الإجابة ؟
18-هـل تهتميـن بمشاعـر الآخريـن علـى حسـاب نفسـك ؟
19-هـل تخافيـن مـن سخريـة الآخريـن ؟
20-هـل يخدعـك المظهـر الخارجـي للنـاس ؟
21-هـل ينتابـك بعـض الضيـق ولا تستطيعيـن أن تعبريـن عنـه لأي شخـص آخـر ؟
22-هـل تفضليـن مشاهـدة التلفزيـون عـن الجلـوس مـع الغربـاء ؟
23-هـل تعانيـن مـن الخـجـل ؟
24-هـل ينتابـك مخـاوف عندمـا لا تجـديـن شخـص مـا بجـوارك ؟
25-هـل تحبيـن العـمـل مـع النـاس فـي ازدحـام ؟
26-هـل تشعريـن أنـك تافهـة وليـس لـك دور فـي الحـيـاة ؟
27-هـل تتمنيـن أن تكونـي غيـر ذلـك ؟
28-هـل تكتبيـن مشاعـرك عـلـى ورق ؟
29-هـل تشعريـن بالوحـدة والقـلـق عندمـا تـودعـك صديقـة ؟
30-هـل تفكريـن وتخافيـن على أحبابـك مـن أن يحـدث لهـم مكـروه ؟

خـذي وقـتـك وأجيـبـي علـى أقـل مـن راحتـك،
ملاحظـة:
ولا بـد أن تكـون اجـابـاتـك صحيـحـة لنتـعـرف علـى شخصيـتـك أكثـر

لـي عـودة أخـرى بـإذن الله وسيـكـون مـعـي أسئلـة جـديـدة..
،،

حنين الغالية عليا ونور عينيا كتبت

زمزم هااانم والله يا جماعه زمزم دى اطيب انسانه فى الدنيا
وبجد زمزم دى حد مهم جداااااا فى حياتى ربنا يخليكى ليا يارب يا زمزم

وبجد انتى اللى ربنا يخليكى ليا يا حنين

وانا هجاوب على اسئلتك يا صديقتى الغالية

بصى انا عايزاكى توصفى شخصيتك كده بكام كلمه

ساعات فرحانة قوى وساعات حزينة قوى
وايه اكتر حد بتحبيه فى الدنيا وايه اكتر حاجه بتخافى منها فى الحياه

اكتر حد بحبه فى الدنيا ماما

واكتر حاجة بخاف منها فراق اللى بحبهم

وعايزاكى تقولى صفه حلوة وصفه وحشه فى
حنين ااطيب حد ممكن تقابله وواوحش حاجة فيها بتفترى عليا وتضربنى علشان انا غلبانة ورقيقة

جينا دى حساسة بشكل ورقيقةبشكل دى صديقة الطفولة واوحش حاجة فيها خجلها يعنى مش بتندمج مع اى حد بسرعة

اما بورينج بقى فهى راسية جدا وتحسها كده بتفكر كويس قبل ماتعمل اى حاجة والحاجة الوحشة اللى فيها انها ساعات بتطنش ومش بتسال بس برضه اللى فى القلب فى القلب

ودول هما اصحابى اللى بجد ربنا مايبعدهم عنى انا بحبهم قوى والله

الدكتو رامى كتب

يا اهلا وسهلا بالضيفة الغالية زمزم
يا اهلا بالابداع المتواصل والردود الرائعة والمقالب الغير متوقعة و الصراحة المتناهية

بجد شكرا على المقدمة الجميلة دى واللى اعتز بيها واحب اقول ان حضرتك من اكتر الاعضاء اللى ليهم تاثير فى المنتدى واللى انا بقدرهم جدا وبعزهم

ثانيا انا هدخل السجن واشوف مين العضو المسجون ولو لقيت انه يستاهل يطلع هطلعه انا مش بحب الكوسة ولا الوسايط ها

احب اجاوب على اسئلتك

هل لاحظتي انك ليكي كلمة دايما بتقوليها وسط الكلام (لازمة يعني)؟

متهيالى ماليش بس زماااااااااااان وانا فى ثانوى على اساس انى كبيرة يعنى كنت بقول لاصحابى كلمة هغزك ومعناها بالغة العربية الفصحى هضربك بالسكينة شفته ازاى انا وصلت لقمة من الرقى فى الفاظى وفضلت كل مضايق من حد اقولهاله لغاية ماصحابى بقوا يقولوها زيى شفته ازاى تاثيرى سىء على اصحابى

كان نفسك تدخلي كلية اعلام ليه (يعني ايه المستقبل اللي كنتي رسماه لنفسك)؟

كان نفسى انى اطلع صحافية اكتب قصص واشعار او اكتب فى مواضيع تهم الشباب ولغاية دلوقتى ما بطلتش تفكير فى الامنية دى يمكن تتحقق

وبكده اكون جاوبت على اسئلة حضرتك واحب اشكرك على تشريفك ليا باسئلتك واتمنى ليك انك تبقى دكتور كبير انشاء الله ودلوقتى اسيبك واروح السجن اشوف مين الاخ المسجون

اختي زمزم انا هسالك اسئله ارجو اني متقلش عليكي

ما هو طموحك المستقبلي وما هدفك في الحياة؟

ما هى ذكرياتك ؟كم مرة أحببتي فيها بصدق؟؟؟

هل الدموع في الحب ضعف ام قوة؟؟؟

ولكي خالص تحياتي

[الاستاذ محمد جلا ل كتب
منورة اليت بيك يا زمزم،،،
عـرفـت بأخـلاقـهـا وتـواضـعـهـا وبسـعيـهـا لـزرع الإبتـسـامـة علـى محـيـا الأخـريــن
ولـديهـا نـشـاط وحـيـويـة وتفـانـي فـي إتـقـان الـعـمــل جـعـلـهـا مـن الـمـمـيــزات.
(مـا شـاء الله تـبــارك الله)

اخجلتنى ايها المدير الهمام بمقدمتك الجميلة وارجو ان اكون استحقها وانا بشكرك لتشريفك ليا باسئلتك اللى احب اجاوب عليه

اهـل تخشيـن الغربـاء والأماكـن المزدحمـة ؟ ابدا
هـل تشعريـن بالقلـق أثنـاء الحديـث مـع شخـص أكبـر منـك ؟ ابدا
هـل تعرقيـن وترتعشيـن عندما تتحدثيـن مع الجنس الآخر ؟احيانا
أنت دائمـًا فـي احتيـاج لشخـص يسانـدك ؟دائما
هـل تخافيـن من تناول الطعام والشراب أمام الآخرين ؟ ابدا
هـل تشعريـن بالتعاسـة؟ا حيانا
هـل ينتابـك الحـزن والخـوف أثنـاء الحفـلات ؟ ابدا
هـل لديـك بعـض المخـاوف غيـر العاديـة ؟ احيانا
هـل لديـك قلـق مستـمـر ؟ دائما
هـل تخافيـن مـن النـوم لـوحـدك ؟ احيانا
هـل تستطيعيـن التعبـيـر عـن مشاعرك في أي وقت ؟ احيانا
هـل أنتِ محبوبـة مـن الآخريـن؟ مقدرش احدد الاخرين هما اللى المفروض يقولوا بس انا بدعى ربنا دايما انى يحبب اللى بيحبهم فيا
هـل تشعريـن بالنـدم عندمـا تكونيـن فـي عزلـة عـن الآخريـن؟ دائما
هـل تخافيـن علـى مشاعـر الآخريـن ؟ دائما
هـل أنتِ كثيـرة التـردد فـي اتخـاذ القـرارات الخاصـة بـك ؟ عيبى انى بقرر بسرعة
هـل تستطيعيـن الحديث مـع الجنـس الآخـر ؟ احيانا عندما تدعى الحاجة
عندما يوجه لـك سؤال مفاجئ هـل تستطيعيـن الإجابة ؟ احيانا
هـل تهتميـن بمشاعـر الآخريـن علـى حسـاب نفسـك ؟ احيانا
هـل تخافيـن مـن سخريـة الآخريـن ؟ نادرا
هـل يخدعـك المظهـر الخارجـي للنـاس ؟ ابد
اهـل ينتابـك بعـض الضيـق ولا تستطيعيـن أن تعبريـن عنـه لأي شخـص آخـر ؟ احيانا
هـل تفضليـن مشاهـدة التلفزيـون عـن الجلـوس مـع الغربـاء ؟ احيانا
هـل تعانيـن مـن الخـجـل ؟ احيانا
هـل ينتابـك مخـاوف عندمـا لا تجـديـن شخـص مـا بجـوارك ؟ دائما انا احتاج لاحد بجوارى لكن الحمد لله اجد دائما من هو بجوارى
هـل تحبيـن العـمـل مـع النـاس فـي ازدحـام ؟ احيانا
هل تشعريـن أنـك تافهـة وليـس لـك دور فـي الحـيـاة ؟ ابدا
هـل تتمنيـن أن تكونـي غيـر ذلـك ؟ كل انسان يتمنى ان يصبح افضل مماهو عليه
هـل تكتبيـن مشاعـرك عـلـى ورق ؟ دائما ده انا تخصص ورق اساسا
هـل تشعريـن بالوحـدة والقـلـق عندمـا تـودعـك صديقـة ؟ دائما
هـل تفكريـن وتخافيـن على أحبابـك مـن أن يحـدث لهـم مكـروه؟ دائما

ودى كانت اجابتى ياريت اكون وفيت فى الاجابة وانا بشكرك على اسئلتك الجميلة دى واتمنالك الخير ولتوفيق

ستورم كتبت

اختي زمزم انا هسالك اسئله ارجو اني متقلش عليكي

والله يا ستورم انتى نورتينى شرفتينى لقائى بتواجدك فيه وعايزة اقولك انك بجد من الاعضاء الجمال اللى فى المنتدى ده

واحب انى اجاوب على اسالتك
ما هى ذكرياتك؟

ذكرياتى الجميلة اغلبيتهافى المدرسة الثانوى انا واصحابى والطرد اللى كنا بنتطرده من الفصل بسبب رغيى الكتير ربنا يهدينى والله
ما هو طموحك المستقبلى؟

طموحى المستقبلى نفسى افرح بنفسى يا حبيبتى واشوفلى حاجة مكتوبة فى جرنان ولا مجلة اهىاهى

وهدفى فى الحياة اولا ربنا يرضى عليا ويكرمنى ويرزقنى ويرضى عنى ماما وبابا

وبعد كده انى اكون بيت واسرة يكونوا كل حياتى

؟كم مرة أحببتي فيها بصدق؟؟؟
والله يا ستورم يا حبيبتى انا بحب ماما واحب بابا واحب الوطن

هل الدموع في الحب ضعف ام قوة؟؟؟

الدموع دى احساس واعتقد انها فى الحب دليل على الصدق فى المشاعر لكن هم حاجة يكون الانسان اللى قدامك يستحق ده

ياريت يكون وفيت فى اجابتى عليكى ايتها العضوة الغالية ويارب تتحققى كل اللى تتمنيه

اهلا يازمزم نورتى البيت بيتك
-------------------
وليا الشرف انى القى عليكى كام سؤال وانا عارف انك عانيتى على الرد على الاسئله الابديه اللى اتقالت ديه
خصوصا اسئله جلال المفتري..
====================
ماعلينا السؤال الاول..سؤال سهل عشان نسخن كده
..ايه اكتر فيلم عربى حبتيه وعجبك جدا؟؟
ثانيا: ايه اكتر شخصيه بتشغل تفكيرك دائما؟؟سؤال محرج
ثالثا:سؤال مهم جدا يعب على ذكائك اذا رديتى عليه ولو مردتديش يبقى طبعا...احم احم
والسؤال سهل عشان اريح شويه دماغك ومتفكريش كتير احسن من اسئله جلال الغريبه ديه
السؤال بيقول
ايه رأيك فى اللى بيحصل فى ماهيه الشكيود ومدي تأثيره بالسلب او بالايجاب على النحنوذ
بعد ان اعلن عرف علماء الهرتكه الشكيود بأنه سوايغ من شهرامون الفهريت وانه يتقوس قليلا بفعل
الهيكذان؟؟
ها ايه ردك فى الموضوع ده

استاذ احمد على كتب

اهلا يازمزم نورتى البيت بيتك
-------------------
وليا الشرف انى القى عليكى كام سؤال وانا عارف انك عانيتى على الرد على الاسئله الابديه اللى اتقالت ديه
خصوصا اسئله جلال المفتري
والله يا استاذ احمد الشرف ليا انا بتواجدك فى لقائى وسعيدة باسئلتك ليا لانك من الاعضاء اللى بقدرهم فى المنتدى ده واحب انى اجوب على اسئلتك

ايه اكتر فيلم عربى حبتيه وعجبك جدا؟؟
مش عارفة بصراحة مفيش فيلم معين يعنى بس فيلم الجزيرة بتاع احمد السقا عجبنة قوى وكنت متحمسة قوى فيه انى بشوف عربيات الشرطة هية وبتتقلب تحس انى فرحانة فيهم اساسا
ايه اكتر شخصيه بتشغل تفكيرك دائما؟؟سؤال محرج
الشخصية اللى بجد بتشغل تفكيرى هية الشخصية الحنونة والقوية فى نفس الوقت
ايه رأيك فى اللى بيحصل فى ماهيه الشكيود ومدي تأثيره بالسلب او بالايجاب على النحنوذ
بعد ان اعلن عرف علماء الهرتكه الشكيود بأنه سوايغ من شهرامون الفهريت وانه يتقوس قليلا بفعل
الهيكذان؟؟
والله اعتقد ان الشكيود يميز بالتبلور والتفلطح عن النحنوذ لانه عبارة عن تركز لا متناهى من الكيود واليود واعتقد انه لا يتقوس فقط بل ينحد بتاثير الفهريت المحيوذ وشكرا سيدى المواطن شفت بقى الشطارة احنا كنا بنلعب ولا بنلعب فى الثانوية العامة

وفى الاخرانا بجد احب اشكرك واتمنالك كل االخير فى حياتك وان ربنا يكرمك

[color=green]
اهلا بيكى زمزم فى البيت بيتك
انا هسالك سؤال واحد بس بعد ازنك يعنى
السؤال
هو انتى ليه بتدخلى المنتدى مخفيه
[/color]

king doms كتب

اهلا بيكى زمزم فى البيت بيتك
انا هسالك سؤال واحد بس بعد ازنك يعنى
السؤال
هو انتى ليه بتدخلى المنتدى مخفيه

اولا انا سعيدة بتواجد حضرتك فى لقائى ثانيا والله انا معرفتش انى بدخل المنتدى مخفية غير من قريب وده من غير قصدى والله والسبب انى قبل كده اتحظرت من المنتدى عن طريق الخطا واعتقد لما حد بيتحذر ويرجعوه بيكون مخفى ولا زم هوه يغير الحالة دى عن طريق البيانات الشخصية بتاعته وانا مكنتش اعرف كده لكن انا دلوقتى غيرته ومتهيالى انا كده بقيت ظاهرة ولا ايه لسة مختفية برضه بس وهوه ده السبب لكن والله بدون قصد منى

وفى الاخر انا بشكرك على سؤالك ليا وبتمنالك التوفيق فى حياتك

اهلا بيكى زمزم فى البيت بيتك وانا مستنى القاء ده من زمان
انا هسالك كام سؤال كده لولبى
انتى ليه دخلتى منتدى شباب مودرن
مين اهم عضو بالنسبه ليكى فى المنتدى
مين اسوء عضو هنا فى المنتدى بالنسبه ليكى
وايه كان شعورك لم لقيتى نفسك فى لوحه شرف المنتدى بس ده مش غريب عليكى انتى على طول فى لوحه الشرف
بس كده كفايه مش هطول عليكى

new boy كتب

اهلا بيكى زمزم فى البيت بيتك وانا مستنى القاء ده من زمان

والله ده نورك انت يا زميل الدراسة وانا سعيدة بتواجدك فى لقائى واحب انى اجوب على اسئلتك

انتى ليه دخلتى منتدى شباب مودرن

والله انا لقيت انها فرصة انى اكتب فيها واشوف ردود الناس على كتاباتى وانا بجد لقيت فيه تشجيع كبير واستفدت منه جدا وكانت فرصة كمان لعرض اشعارى فيه وكمان لقيت فرصة فيه انى اتعرف على ناس اكتر

مين اهم عضو بالنسبه ليكى فى المنتدى

والله فى اعضاء كتير مهمة بالنسبة لى فى المنتدى منهم اصحابى حنين وجينا

امين اسوء عضو هنا فى المنتدى بالنسبه ليكى

والله مش نفاق بس فعلا انا بعز كل اعضاء المنتدى ومفيش حد فيهم سىء بالنسبة لى

وايه كان شعورك لم لقيتى نفسك فى لوحه شرف المنتدى بس ده مش غريب عليكى انتى على طول فى لوحه الشرف

والله فرحت قوى حسيت انى عملت حاجة فى المنتدى وان ليا تاثير فيه

وفى النهاية كلامى انا بشكرك على اسئلتك وبتمنالك التوفيق فى حياتك

السلام عليكم ورحمه الله

نوره البيت بيتك يا زمزم

انا عندي ليكي كام سؤال كده

بصي ياستي ايه رايك في المنتدي والمنتدي ده بيمثلك ايه في حياتك او ايه في برنامج اليومي بتاعك

ايه افضل قسم بتحبي تشوفيه اول ما تفتحي المنتدي طبعا ده بعيد عن الدردشه

هل حصل معاكي البتاع ده الي بيسموه الحب هل تفضلين الزواج عن قصه حب كده ول جوازه بشروط معينه هااا جوبي

هل انتي راضيه عن نفسك وبتحبي الدراسه بتعتك ول لا

اكتفي بهذا القدر من الاسئله يارب تكون خفيفه عليكي

وشكر لحضرتك