لقاء مع asmar

موضوع: لقاء مع asmar الخميس 30 أبريل 2009, 12:03 am

هو مشرف متألق له بصمات واضحة بالمنتدى
هو اساس مندى شباب مودرن وأحد دعائمها الاساسية
هو موجود معنا في كل زاوية من زواية المنتدى
هو نجم ياواد يانجم

لا مع من نجوم ياواد يانجم

شباب مودرن
قدم العديد
وساهم بالعديد
وشارك بالعديد
ضيفنا قدم للمنتدى جهود لا تنسى
مشرفنا المبدع الكبير asmar
تعجز الكلمات عن وصفه لانها قليلة في حقه...
لن أطيل عليكم.. وأترك لكم .. هذا الموضوع ..
للكشف عن الجانب الذي لا نعرفه عن ضيفنا الغالي
الذي يستحق بجدارة بأن يكون ضيفنا فى البيت بيتك

بداية ...عرفنا ببطاقتك الشخصية؟
ما هي هوايتك المفضلة بيكهام مودرن

؟
كيف تعرفت على منتدى شباب مودرن ؟
ماهي اكلتك المفضلة هممممم

؟
ما احب الالوان اليك ؟
من اقرب الاعضاء فى شباب مودرن

موضوع: رد: لقاء مع asmar الخميس 30 أبريل 2009, 6:52 pm

محمد جلال كتب:: هو مشرف متألق له بصمات واضحة بالمنتدى
هو اساس مندى شباب مودرن وأحد دعائمها الاساسية
هو موجود معنا في كل زاوية من زواية المنتدى
هو نجم لا مع من نجوم شباب مودرن
قدم العديد
وساهم بالعديد
وشارك بالعديد
ضيفنا قدم للمنتدى جهود لا تنسى
مشرفنا المبدع الكبير asmar
تعجز الكلمات عن وصفه لانها قليلة في حقه...
لن أطيل عليكم.. وأترك لكم .. هذا الموضوع ..
للكشف عن الجانب الذي لا نعرفه عن ضيفنا الغالي
الذي يستحق بجدارة بأن يكون ضيفنا فى البيت بيتك

اولا انا بشكرك على الكلام الجميل بل الرائع
كلامك خلانى اطير من الفرحه لانك مدحت كتير فيا
لدرجه انهم فى السيبر مسكونى لاحسن اتخبط فى المروحه
بجد انبسط كتير بكلامك الجميل ده
ده انته عسل المنتدى
بداية ...عرفنا ببطاقتك الشخصية؟

يحيى محمد عبد الصادق
مواليد محافظه اسوان
مركز كوم امبو
قريه اقليت
مواليد 6\7\1987
طالب
ذكر
عاذب
هههههههههه
ما هي هوايتك المفضلة ؟

عموما انا ليا هوايات كتير اوى ولكن فيهم الصعب تحقيقها وانا حقول ليكم بعض منها :
انا بحب الرسم عموما
ولكن بحب اصمم ازياء
وكانت عندى هوايه انى ارسم بالخرز على روسوماتى
هواياتى التانيه هى
كنت نفسى العب كره اليد ولكن ...........
كنت نفسى العب الكره الطايره ولكن .........
حاجات كتير ولكن ؟؟

كيف تعرفت على منتدى شباب مودرن ؟

عرفت المنتدى من زكير
ماهي اكلتك المفضلة ؟

ما احب الالوان اليك ؟
كان اللون الرومادى
ولكن حاليا مش بحبه كتير
من اقرب الاعضاء فى شباب مودرن
فى كتير اوى بحبهم فى المنتدى ولكن اقرب شخص ليا هو زكير لانه صاحبى من قبل المنتدى ولكن انا ليا اصدقاء كتير فى المنتدى مقربين الى قلبى

موضوع: رد: لقاء مع asmar الخميس 30 أبريل 2009, 7:17 pm

اهلين اهلين باسمر باشا لقاء مع asmar 186249

منور الكرسي مش حلو

هسالك كام سوال يارب يكونو خفاف عليك ابعد عنى

هتقولي رايك في الاعضاء اوك الروش

سمسم
محمد جلال
زكير
اسلام نبيل
احمد علي
عدوي(اسماعيل) لقاء مع asmar 67045

سارة
واخيرا تصف نفسك بكلمتين
ولنا عودة اخري بعد الفاصل الذي سيطيل مدتة
تشااااااو تشكر

موضوع: رد: لقاء مع asmar الخميس 30 أبريل 2009, 9:21 pm

Dr.sarah كتب:

اهلا بيكى يا ساره

منور الكرسي

منور صحيح طيب ما دومت هو منور اكيد مش حطلع من الكرسى ده علشان الدنيا ما تظلمش

هسالك كام سوال يارب يكونو خفاف عليك

استر يا ستار

هتقولي رايك في الاعضاء اوك

سمسم
سمسم شخص ردوده جميله جدا جدا ومواضيعو كمان جميله ولكن محيرنى فيه حاجه انو حاسس انو هو يعرفنى لان كل ما اكلمه يوقلى حنتقابل فى الواقع ده الشى الغريب الى مخلينى عايز اعرف هو مين بالضبط ولكن طريقته فى الكتايه جميله جدا جدا وحاجه اخر حاجه زى ما بيقول كده انسان كلامه محترم جدا
محمد جلال
اولا انا بعترز ليه لانى كنت غلطان فى شخصيته
هو انسان ردودو حلوه
ولكن فى ناس ردودها مش بتعبر عن شخصياتهم ولكن محمد جلال كشخصيه اجمل بمراحل من ردودو لانه انسان خلوق فعلا ويستاهل كل التقدير

زكير
طبعا كلام الدنيا كله مش حيقدر يقول ما بداخلى لاخى وصديقى وروحى زكير لانه من افضل اصدقائى
وكفايه انه لو مش موجود ما كانش اسمر بقى موجود فى المنتدى

اسلام نبيل
انسان من داخله نظيف مثقف جدا جدا جدا ....الخ
عاقل بيحب المنتدى جدا جدا ....الخ
انسان بيراعى كل الناس مجتهد واخلاقه عاليه جدا

احمد علي
احمد على انسان كويس ولكن مش عارف ليه حاسس انه بيكرهنى ايه السبب علشان عايز ابقى المدير

خايفنى اخد من الاداره علشان انا ولدم محترف كومبيوتر ومنتديات

انا ما اتعاملتش معاه كتير او ولكن هو انسان كويس وميزته بيحب المنتدى اوى اوى

عدوي(اسماعيل)
عدوك ايه بقى يا ساره حرام عليكى الولد طيب
انسان بجد اخلاقه جميله بيراعى الناس وصبور على الناس
الراجل بصراحه ما بيرفضليش طلب لانه بجد انسان كريم جدا جدا
وبتمنى انى اشوفه مره تانيه

سارة
روح المنتدى ساره
قلب المنتدى ساره
شقاوة المنتدى ساره
متدينه محترمه عقلها كبير بتحب كل الناس الا سمعه بس فيها عيب واحد بس بتزعل بسرعه وده يبقى اكيد هى انسانه حساسه جدا

واخيرا تصف نفسك بكلمتين
الاحساس والعصبيه
ولنا عودة اخري بعد الفاصل الذي سيطيل مدتة

اوكيه مستنيكى يا ساره
تشااااااو

موضوع: رد: لقاء مع asmar الخميس 30 أبريل 2009, 10:33 pm

السلاااام عليكوووووووووووو حبيب قلبي اسمرررررررر منور البيت بيتك ياجدع

ان شاء الله تكون بخير

انا مش هاتقل عليك كام سؤال كده على الماشي

1_ما رايك في في شباب اليوم اخلاقهوم تربيتهم لبسهم ؟؟؟؟؟؟؟

2_ انت مع شغل المراه ام لا مع التوضيح ؟؟

3_ ماموصفات شريكه حياتك ؟؟؟

4_ ما هو مثلك الاعلى في الدنيا؟؟

فااااصل ونوااااصل ولنا عوده

الفتى الذهبي

عموو اسماااااااعيل

موضوع: رد: لقاء مع asmar الجمعة 01 مايو 2009, 8:25 am

الفتى الذهبي كتب:: السلاااام عليكوووووووووووو حبيب قلبي اسمرررررررر منور البيت بيتك ياجدع
ده منور بس علشان انته مريت عليا يا سمعه بيه
ان شاء الله تكون بخير
الحمد لله بخير بس مش بشوفك ليا فتره
انا مش هاتقل عليك كام سؤال كده على الماشي
ولا يهمك انته تقول الى انته عايزه يا سمعه
1_ما رايك في في شباب اليوم اخلاقهوم تربيتهم لبسهم ؟؟؟؟؟؟؟
والله الشباب فى الزمن ده مختلفين تماما عن زمان بكتير وخصوصا دلوقتى الابن او البنت بيكون العامل الاساسى فى تربيتهم هى الام ولكن الام لوحدها لا تكفى لتربيه الاولاد ولكن الاب مشغول انشغالا تاما عن اولاده ما هو الا بنك بيدى فلوس وبس
علشان كده اغلب الشباب اليومين دول تافهين مش بيهتمو الا بمظهرهم وياريت مظهرهم كمان كول ولا حاجه حلوه ولكن تيشرتات بخرز بالوان اصلا مش للشباب خالص ده انا اختى تتكسف تلبسه يا شيخ
ولكن فى نفس الوقت فى شباب كويسين واخلاقهم عاليه ولكن الاقليه فى زمنا ده
وانا طبعا مش من الاقليه خالص انا من باقى الناس التفهه

والبن نفس الامر ما بتهتمش الا بمظهرها والميكب وياريت كمان بتلبس لبس يحسسنا انها بنت ولكن بتلبس لبس مشابه للولاد بالضبط والاغرب تلقى البنت لابسه لبس وفوقه طرحه ومش عارف ليه هى لابسه الطرحه لان مش لايقين على بعض خالص
ولكن فى بنات كتير اخلاقها عاليه جدا جدا
السبب فى كده هو الابتعاد عن الدين
وابتعاد الاب عن التربيه واهتمامه بالشغل اكتر من اولاده
لان الطفل من صغره بيكون محتاج للاب اكتر من الام ولكن الاب فين مش موجود فحيكون مع امه على طول وده مش كويس للطفل انه يتربى من طرف واحد بس وهى الام
وده راى انا
عندى كلام كتير ولكن مش بقدر اطلعه الكتابه

2_ انت مع شغل المراه ام لا مع التوضيح ؟؟
انا مش بحب شغل المراه الا فى حاله واحده بس لما تكون مراعيه ولادها وجوزها ولكن مش مراعاهم يبقى انا ضد شغلها
ياعنى لو هى بتشتغل فى شغلانه وبترجع بدرى وبتعمل كل حاجه لجوزها وولادها اكيد حكون موافق على الشغل ولكن لو بترجع متاخر وجوزها يتصل بيها يقول ليها انتى فين يا هانم تقول ليه معلش يا حبيبى اصل انا فى الشغل ابقى حضر للعيال دى تروح على بيت ابوها على طول
وكمان ممكن يتجوز عليها هههههه
على فكره انا اخواتى بيشتغلو ولكن بعد الجواز لاه
ولكن فى حالات المراه بتكون لاحتياج للشغل ودى حاله المفروض الواحد يتغاضى عنها
لكن المراه تشتغل قاضى لاه وزير لاه
شغله حلوه زيها كده شغلانه تكون اصلا مخلوقه للمراه مش للراجل وتيجى هى وتصدر وتشتغلها اومال احنا نشتغل ايه نكنس ونمسح ولا ايه

3_ ماموصفات شريكه حياتك ؟؟؟
اكيد لكل واحد مواصفات ولكن بتكون فى الخيال
انا عايزها تكون على قدر من الجمال عنيها ملونه وتكون زى المانكان كده ولا تخينه ولا رفيعه اوى ياعنى انا عايز حوريه
اما المواصفات الواقعيه عايزها تكون انسانه محترمه جدا وتكون متدرينه وبنت ناس كويسين واهم شى انى اكون بحبها لان الحب ده شى مهم جدا جدا
وطبعا ما تكونش طويله اوى لان انا مش طويل ههههههههه
وتكنو على قدر من الجمال
طبعا وماصفات تانيه كتير
عايزك بقى يا سمعه تدورى على العروسه دى مش انته الخاطبه

4_ ما هو مثلك الاعلى في الدنيا؟؟
بصراحه مش فاكر او مش عارف لما اعرف حقولك

فااااصل ونوااااصل ولنا عوده

وانا فى انتظار اسئلتك الجميله سمعه بيه

الفتى الذهبي

عموو اسماااااااعيل

موضوع: رد: لقاء مع asmar الجمعة 01 مايو 2009, 1:29 pm

السلام عليكم ورحمة الله وبركاته

اود ان ا شكر كل من ساهم
فى فكرة هذا الموضوع الجميل
ودى اول مرة اساهم معاكم فى الموضوع ويارب اكون ضيف خفيف

بدون مقدمات
لانة غنى عن التعريف

ASMAR
اتفضل يابشا

يلا

نبــــــــــدأ الاسئلـــــه

(عبث الطفولة)

1- مكان الميلاد أين كان ؟

2- حياة الطفوله من كان المؤثر الأول بها ؟

3- موقف من الطفوله مازال في ذهنكـ؟

4- هل كان يوجد معامله مختلفه لاخواتك البنات عن الذكور ؟

5- اليوم الدراسي الأول هل تتذكر حالكـ فيه ؟

6- أصدقاء الطفوله هل مازلوا على تواصل ؟

7- عبث الطفوله كيف تصفه في بضع كلمات ؟

8- موقف غصب عليك والديك بفعله ؟

( بداية النضج )

في اي سن قمت بقيادة السيارة ؟ وماذا حدث في اول مرة قدتها ؟

غالباً مايكون الحب الأول في مرحلة المراهقه فكيف تصفه إن وجـــد ؟

هل كنت مثل شباب اليوم تتسلي وتعاكس حواء ؟

إلى ماذا كنت تطمح وهل وصلتِ لطموحكـ ؟

هل كتبت مذكراتك ؟

(نــضــج الـرجـولة)

1- كيف هي نظرتكـ للحياة اليوم ؟

2- كيف هي حياتكـ بعد الزواج وتحقيق حلم الأبوه ؟

3- هل وجدت حلاوة المسؤليه مابين واجباتكـ العملية والعائليه ؟

4- هل ستربي أبنائكـ بنفس أسلوب تربية والديكـ لكـ ؟

5- هل مازلت تحتفظ بمذكراتك ؟ وهل مازلت تكتبها ؟

(آدم وحواء )

1- المرأة ماذا يعني وجودها في حياتكـ اليوم ؟

2- من هي الشخصية النسائية التي تعجبك ؟ الرجالية ايضا ؟

3- من هو الرجل التي تود ان يكون قدوة كل رجال الارض ؟

4- بعد الأخلاق الحسنة ماأكثر مايلفت انتباهكـ في المرأة شكلاً ؟

5- ما رأيك بالمرأة التي اهتمامتها تشبه الي حد كبير اهتمامات الرجال ؟

6- بيت شعر تهديه لحواء ؟

7- كلمة توجهها الي حواء : الام - الاخت - الزوجة ؟

8-أسوء لحظات عشتها ؟

9- اجمل لحظات عشتها ؟

معلش انا طولت عليك
الفقير اللى الله

GUEVARA

موضوع: رد: لقاء مع asmar الجمعة 01 مايو 2009, 6:47 pm

أستاذ أسمر
منور البيت بيتك والله بدون اى مجاملة حضرتك شخصية محترمة جدا
واكيد كلنا هنستفيد من هذا الحوار وهنستفيد وجهة نظر جديرة بكل احترام وتقدير
نبدأ الاسئلة

انا تعجبت من سؤال حضرتك جاوبت عليه وهو من مثلك الاعلى وحضرتك قولت مفيش
أسمح لى اتدخل أكتر وسأل حضرتك هو ينفع الانسان يعيش بدون مثل اعلى اكبر فى كل شئ ويحاول الوصول اليه
وهنا أقصد اى مثل أعلى لا أعنى انه بالضرورة يكون شخص حى ...اتمنى ان ارى تعقيبب

تانى شئ
وصف عن رؤية حضرتك للمستقبل؟

لى عودة بإذن الله
واتمنى ألا اكون أزعجت حضرتك

موضوع: رد: لقاء مع asmar السبت 02 مايو 2009, 6:31 pm

السلام عليكم ورحمة الله وبركاته

اود ان ا شكر كل من ساهم
فى فكرة هذا الموضوع الجميل
ودى اول مرة اساهم معاكم فى الموضوع ويارب اكون ضيف خفيف

بدون مقدمات
لانة غنى عن التعريف

ASMAR
اتفضل يابشا

يلا

نبــــــــــدأ الاسئلـــــه

اولا انا بشكرك لمروك واهتمامك بيا
ومرورك بجد اسعدنى جدا

(عبث الطفولة)

1- مكان الميلاد أين كان ؟
اسوان مركز كوم امبو قريه اقليت

2- حياة الطفوله من كان المؤثر الأول بها ؟
والدتى واخواتى
3- موقف من الطفوله مازال في ذهنكـ؟

مواقف الطفوله كتير اوى ولكن فى مواقف طبعا كتيره جدا جدا
وانا عن نفسى مش بنساها خالص وعمرى ما حقدر انسى ايام عمرى
وفيهم مواقف صعبه ومواقف جميله
ححكليك على موقف بصراحه ياعنى هو يمكن يكون حلو ويمكن ما يكون حلو
مره كان معانا انا وابن عمى موتور لعبه عربيه وكنا زى ما تقول كده بنبتكر حاجات بيهم وكده ومره ما كان معانا حجر علشان نشغل الموتور روحنا قولنا نعمل ايه نحط اطراف الموتور فى كبس الكهرباء وياريت ما كنا فكرنا فى اننا نعمل كده
روحنا حطيناه فى الكوبس وسمعنا صوت انفجار من الكهرباء وكمان كوره من الناس فى وشى ووشه اتخضينا خضه ما يعلم بيها الا ربنا بجد دى عقدتنى شويه من الكهرباء مع انى انا دلوقتى تخصص كهرباء
ههههههههههههه

4- هل كان يوجد معامله مختلفه لاخواتك البنات عن الذكور ؟
ياعنى عادى ولكن انا ولد بعد 3 بنات واخويا الكبير ما كان موجود معى وقت طفولتى علشان كده انا كانت معاملتى مع اخواتى الينات غير الولاد لان كمان اخت فتره لحد ما اتولدو اخوانى الولاد الاصغر منى فعلشان كده انا لما بكون مدايق او حاجه بقول لاخواتى البنات لانى انا اتعودت عليهم اكتر وخصوصا اختى الكبيره والاصغر منها على طول

5- اليوم الدراسي الأول هل تتذكر حالكـ فيه ؟
بصراحه مش فاكره علشان اقولك

6- أصدقاء الطفوله هل مازلوا على تواصل ؟
اكيد طبعا والا انته بكده عايزنى اموت طبعا دم بيسرى فى عروقى لان اغلبهم اقاربى
واصدقائى قبل ما يكونو اقاربى

7- عبث الطفوله كيف تصفه في بضع كلمات ؟
الابتكار -الشقاوه -النقاء- الطيبه - العمل
8- موقف غصب عليك والديك بفعله ؟
كتير اوى ما تعدش لانى عندى كتير اوى
موقف ما انساه لما كنت فى يوم انا وابن عمى روحنا نعوم فى النيل احنا وصغيرين واتخرنا وراحو قلقو علينا اوى اوى وراحو بعتو لينا ناس يجيبونا وكده واخدنا علقه ما يحلم بيها اى واحد فيكم
هههههههههههههههههه

الكتمله عن قريب باذن الله

موضوع: رد: لقاء مع asmar السبت 02 مايو 2009, 6:46 pm

( بداية النضج )

في اي سن قمت بقيادة السيارة ؟ وماذا حدث في اول مرة قدتها ؟

انا ما سوقتش عربيه قبل كده
بس سوقت عربيه بحمار معلش فى اللفظ
ما حدث شى عادى

غالباً مايكون الحب الأول في مرحلة المراهقه فكيف تصفه إن وجـــد ؟
حب المراهقه بيكون نزوه وبيروح لحالها لان لما بيكبرو بيحسو بالحب الحقيقى بجد
ولكن فى حب بيدوم لما بيكون فى وقت المراهقه
ولكن انا بصراحه ما جربتهوش

هل كنت مثل شباب اليوم تتسلي وتعاكس حواء ؟

فتره الثانوى لاه خالص بالعكس ما كنتش بحب كده خالص
وبدايق لما امشى مع حد يعاكس واحده
فتره المعهد كذلك ولكن فى اوقات كنت بحب اديق مش اكتر ولكن فكره المعاكسه دى مش بحبها لانها بتبقى مش ظريفه اصلا

إلى ماذا كنت تطمح وهل وصلتِ لطموحكـ ؟
كنت بتمنى ابقى مصمم ازياء
ولكن مش قادر احقق حلمى لان ما نمتهوش بالعلم
وكان نفسى ابقى مهندس مبتكر ولكن ربنا لم يكرمنى
بس الحمد لله على كل شى
انا دلوقتى فى كليه ياعنى زى ما تقول كده شبه مهندس بس شكله ده عقاب من ربنا لانى مقصر فى حق ربنا ودينى

هل كتبت مذكراتك ؟
ايوه كتبت مذكرات ولكن اغلب الناس اتريقت عليها لما شافوها ولكن كانو بيشوفوها بالصدفه
والوقت الى انا كتبت فيه المذكرات دى كان وقت المعهد لان حسيت ان لى حياه جديد فى الوقت ده اتعرفت على ناس عمرى ما حنساهم لانهم احب لى من نفسى وبتمنى افدى اى حد فيهم بروحى ومش كلام
هما من احببت

موضوع: رد: لقاء مع asmar السبت 02 مايو 2009, 6:56 pm

(نــضــج الـرجـولة)

1- كيف هي نظرتكـ للحياة اليوم ؟
الحياه اليوم هى معاك فلوس تدوس
معاك واسطه تنفذ فى الحديد
ولا معاك واسطه ولا فلوس يبقى حتتعب كتير فى حياتك لامه تشتغل وانته متغرب وطبعا المتغرب بيطلع عين اهلو علشان القرش
اليوم هو حياه الفلوس

2- كيف هي حياتكـ بعد الزواج وتحقيق حلم الأبوه ؟
بصراحه خايف اوى من اليوم ده لانى لحد دلوقتى مش حاسس نفسى الانسان الناضج او انى متخيل نفسى الاب الناضج القادر على التربيه وكده لانى ناوى اعلم اولادى باسلوب جميل جدا وبتمناه
ولكن حلمى عند الجواز هو اسعاد اولادى ومراتى لانهم حيبقى حياتى
وححس ما كان يحس بيه ابى وامى
واهو حاجه حعلمها ليهم هو عدم العند لانى عنيد جدا

3- هل وجدت حلاوة المسؤليه مابين واجباتكـ العملية والعائليه ؟
ياعنى انا حسيت بكده وقت الثانويه العامه لانى اشتغلت ودرست وحسيت بمسؤليه اهلى كانت ازاى

4- هل ستربي أبنائكـ بنفس أسلوب تربية والديكـ لكـ ؟
اهلى علمونى اشياء جميله كتير ولكن فى سلبى فى نفس الوقت انا حاخد الحلو والسلبى طبعا لاه لانى حربيهم تربيه اجمل بكتر من الى اتربيت بيه ولكن اهم شى التقاليد لانها اهم شى بيحكم الانسان

5- هل مازلت تحتفظ بمذكراتك ؟ وهل مازلت تكتبها ؟
انا محتفظ بيها ولكن مش بكتبها دلوقتى بصراحه

موضوع: رد: لقاء مع asmar السبت 02 مايو 2009, 7:11 pm

أستاذ أسمر
منور البيت بيتك والله بدون اى مجاملة حضرتك شخصية محترمة جدا
واكيد كلنا هنستفيد من هذا الحوار وهنستفيد وجهة نظر جديرة بكل احترام وتقدير
نبدأ الاسئلة

اشكرك على الكلام الجميل ده وياريت اكون عند حسن ظنك بى
ولكن انا معلوماتى يادوبك على قدى كده
بس يارب تفيدك
انا تعجبت من سؤال حضرتك جاوبت عليه وهو من مثلك الاعلى وحضرتك قولت مفيش
أسمح لى اتدخل أكتر وسأل حضرتك هو ينفع الانسان يعيش بدون مثل اعلى اكبر فى كل شئ ويحاول الوصول اليه
وهنا أقصد اى مثل أعلى لا أعنى انه بالضرورة يكون شخص حى ...اتمنى ان ارى تعقيبب

انا توقعت انسان معين مش اى حاجه وانا ما اظنش انى انا عندى مثل اعلى كشخصيه وكده
ولكن حلم اسعى واره اكيد انا ليا احلام كتير وبتمناه وانا من الناس الى بتحلم احلام اليقظه علشان اعيش حياتى علشان انا ممكن بكون فى وقت متاكد من انى مش حقدر احقق الحلم ده ولكن ببقى عندى امل ولو حتى احقق جزء من الحلم ده
والناس المقريبن ليا بيقول ليا ما تعش وتحلم كتير علشان ما تصدمش ولكن انا بقول ليهم لازم احلم حتى لو مش حقدر احقق حلمى
انا نفسى كنت ابقى مصمم ازياء كنت ممكن اقدر اعمل كده ولكن انا فى داخلى شى بيمنعنى
ولكن حلمت فى نفس الوقت بانى اكون مهندس صحيح ربنا ما كرمنى بيها ولكن انا عندى امل انى اكون حاجه واثبت للناس الى يعرفو اسمر انسان ما يقدر يعمل حاجه انه انسان قدر يحقق الى هما ما قدروش يحققوه علشان كده انا عندى امل انى حقدر احقق الى انا عايزه مهما كان العوائق ولكن بدون اى طرق فيها هلاك لنفسى او لاى حد انا بحبه
لانى لو مش عايز نفسى اكيد فى ناس عايزينى ولو هما مش عايزينى انا مفروض عليهم

تانى شئ
وصف عن رؤية حضرتك للمستقبل؟
المستقبل حيبقى عالم الكسل كل شى حيبقى الكترونى الواحد حيكون على السرير وبيمشى بلد كامله لوحده بجهاز صغير
وعلى فكره الامراض كلها جات من الكسل شوفو ناس زمان كانو بيشتغلو ويتعبو وكده وما كانو بيمرضو بالامراض مثل الثمنه والسكر والكلام ده كلو علشان كانو بيحرقو كل حاجه فى الشغل ولكن دلوقتى الغساله الفول اوتوماتيك ايه حاجه اخر راحه
وبعدين المستقبل حيكون مثل اليوم عالم المال والواسطه ويمكن يكون عالم الابحاث والعلم ولكن مش عندنا احنا احنا حنشترى وبس
لى عودة بإذن الله
واتمنى ألا اكون أزعجت حضرتك

بالعكس انا فرحت جدا جدا بمروك
واتمنى منك تكرار الاسئله الحلوه دى
وشكرا لاهتمامك

موضوع: رد: لقاء مع asmar الأحد 03 مايو 2009, 8:50 pm

أستاذ أسمر
فى البداية بشكر حضرتك على ردك المتميز
والحقيقة ردود حضرتك جميلة جعلتنى اريد ان أسأل مرة اخرى كى نستفيد جميعا من وجهة نظر حضرتك

الاسئلة

ما هو اكثر شئ يحزن حضرتك واكثر شئ يسعد حضرتك؟
موقف حدث لحضرتك لن تنساه؟
كلمة شكر لمين وليه؟
رأى حضرتك فى كلا من
new boy
الاستاذ شقالة بيه
الاستاذ اسلام
حنين
ضى
الاستاذ أسمر
وصاحبة الأسئلة هذه

الف شكر لسعة صدر حضرتك

موضوع: رد: لقاء مع asmar الخميس 07 مايو 2009, 7:28 am

اولا انا بعتذر لانى اتاخرت فى الرد ولكن والله ظروف الامتحانات وكمان انا فى مره رديت ولكن لما عملت المساهمه لقيت نفسى مش داخل المنتدى وراحت كل الاجابه الى تعبت فيها انا اسف بجد يا جماعه وليكى يا منى
أستاذ أسمر
فى البداية بشكر حضرتك على ردك المتميز
والحقيقة ردود حضرتك جميلة جعلتنى اريد ان أسأل مرة اخرى كى نستفيد جميعا من وجهة نظر حضرتك
اولا انا بشكرك على كلامك الاكثر من رائع لانه بجد كلامك ده فرحنى اوى اوى وحسيت انو الكلام ده اصلا مش ليا انا
هههههههههههه
بجد شكرا ليك ما كنتش اعرف ان كلامى ممكن حد يستفاد منه شكلك كده بتبكشى عليا
الاسئلة
ما هو اكثر شئ يحزن حضرتك ؟
اكتر حاجه تحزنى هى الفراق لما افارق حد انا بحبه بجد وبكل صدق وبراءه بحس روحى طلعت منى لما يقولى سلام بحزن لدرجه ممكن عنيا تدمع ولدرجه انى ممكن اقعد بالايام زعلان على الفراق ده وكل ما افتكر الموقف ازعل اوى واقول فى نفسى يارتنى كنت معاه دلوقتى
ومثلا دلوقتى زى انا فى الكليه مش بذاكر ؟ مع انى انا فى اخر سنه ليا فى الكليه
مش بذاكر علشان فكره انى ما اشوفش اصحابى بعد ما نتخرج بتخلينى فى حاله صعبه جدا وبخاف اوى وعلشان كده انا مش بقدر اذاكر
وبزعل اوى لما حد يكون واخد عنى فكره غلط هى مش فيا وخصوصا لو هو انسان عزيز عليا

واكثر شئ يسعد حضرتك؟

لما اقابل شخص انا مستنيه بفارق الصبر زى اصحابى مثلا

موقف حدث لحضرتك لن تنساه؟
المواقف كتير اوى طبعا ولكن الموقف الصعب جدا جدا بس يمكن انا ما نسيتهوش ولكن انتو فكرتونى بيه وكانى عايشه دلوقتى
الموقف هو انا مره كنت معرض للقتل بالسكينه من واحد كنت خايف على مصلحته ولكن انا عارف ان ده مش بارادته ولكن ربنا انقذنى من الموت وربنا سترها الحمد لله
كلمة شكر لمين وليه؟
لاخويا لانه متحملنى لحد دلوقتى مصاريف وكل حاجه
ولاصحابى لانى اتعلمت منهم حاجات جميله كتير اوى
ولكن واحد ساعد فى نجاحى
رأى حضرتك فى كلا من
new boy
انسان كتير محترم وحساس كتير لانه دائما الانسان الحساس بيكبى ولكن مش دموع بيبكى من داخله ياعنى من قلبه والانسان ده بيبقى مش عايز حد يشيل همه وهو ده النيو بوى
وهو انسان طيب اوى وعصبى شويه ولما بيكون مدايق بيبان عليه اوى
الاستاذ شقالة بيه
الاستاذ شغاله بيه بصراحه ردودو روعه جدا جدا والناس كلهم بيشكرو فيه وانا من ضمنهم صحيح انا ما اتكلمتش معاه الا مره واحده بس فى الشات ولكن من كلامى معاه هو انسان كويس خالص واجتماعى جدا وانسان مثقف اوى
الاستاذ اسلام
شخصيه محترمه جدا مثقف جدا جدا لما بيرد على المواضيع بصراحه ردودو جميله جدا انسان اجتماعى جدا ومصلح اجتماعى بين الاعضاء ومش بيرفض اى طلب لاى حد
وهو بيحب المنتدى جدا جدا
حنين
شخصيه جميله جدا صريحه فى كلامها كلامها بيدل على احترامها وصدقها فى الكلام مش من الناس الى بيزعلو بسرعه ياعنى عندها صبر وهى طبيبه اوى وانسانه حاسسها كتير عارفه الحياه ماشيه ازاى
ضى
عقلها كبير جدا ولكن فى اوقات بيبقى عقلها على قد سنها ومحترمه جدا طبعا وبتتحمل الهزار بس عندها الظن شويه ياعنى مش بتسدق كل الناس بسهوله
الاستاذ أسمر
اسمر ؟
يا شيخه قصدك عليا انا ده انا واد ايه تعالو شوفو بقى اسمر ده ايه؟
انا بقى شخصيه ما عنديش خبره كتير بالحياه
انا ليا زى ما تقولو كده
حساس جدا وعصبى اوى وخجول جدا
واوقات بكون انسان اجتماعى جدا وده فى الكليه بتاعتى او فى المعهد الى انا كنت فيه لانى لما بدخل الكليه او المعهد بحط مشاكلى وهمومى عند باب الكيه وبدخل الكليه مبسوط والى بيخلينى اجتماعى فى الاماكن دى لان اصحابى عرفو يحيى وبس ما عرفوش هو ابن مين ولا ايه المشاكل الى معاه عرفو شخصيه يحيى وبس
واوقات مش ببقى اجتماعى وده مع الناس الى ما اعرفهم كويس او وخصواصا مع بعض قريابى الىما يعرفونيش كويس وده سببلى مشالك كتير لان فى ناس بيقول عليا متكبر لانى مش بكلمهم الا الاجابه على قد السؤال

وصاحبة الأسئلة هذه
منى هى شاعره المنتدى هى انسانه محترمه جدا جدا وكفايه انها بتقولى حضرتك
وشكلها انسانه حساسه ما دومت هى شاعره مع انك مش بتدخلى الشات ولكن كل الناس بتحترمك وانا مش حقولك اولهم علشان حكون كذاب عليكى ولكن انا من ضمنهم
بجد شكلك انسانه رقيقه ورمانسيه وده من شعرك
وعاير اعرف من الاعضاء مش راى صح ولا ايه ؟
اكيد طبعا الكل حيقول صح لانك انسان عزيزه عند الكل
الف شكر لسعة صدر حضرتك
ده انا الى المفروض اشكرك على الاسئله الجمليه دى يا استاذه منى
وياريت الاجابه تكون عجبتك

موضوع: رد: لقاء مع asmar الخميس 07 مايو 2009, 7:01 pm

حبيب قلبي "أسمر" العسل .. كنت أتمنى أن أتولى أنا تقديمك في البيت بيتك ومدح أخلاقك وحبك وحماسك للمنتدى ولكن للاسف الشديد سبقني أخي العزيز "محمد جلال" .. بيعيط وزعلان

ولي تعقيب على شخصيتك قبل توجيه الأسئلة ..

اسمر من وجهة نظري شخصية حساسة لأبعد الحدود .. نشيط جدا جدا في المنتدى ومؤمن بفكرته وقيمته وهذا ما يميزه عن باقي الأعضاء .. مبدع في تصاميم الازياء وينتظره مستقبل باهر .. هادئ الطباع وينفعل عندما يرى الأخطاء ويحاول معالجتها .. مشرف جاد في مهامه وكنت مسئولا عن اختياره في الاشراف حتى أرفع الحرج عن زكير نظراً للصداقة التي تجمعهما .. وحتى لا يتهم أحد المنتدى "بالمحاباة والتحيز" فالذي يعمل ويكد في المنتدى يحصل على المنصب والتشجيع المناسب والذي يسيء لنفسه وللاخرين ننبذه ونخرجه من منظومة المنتدى ..

واسمح لي بتوجيه بعض الاسئلة لك أخي الحبيب أسمر :

1.. ما هي طموحاتك المستقبلية للمنتدى؟؟

2.. ماذا يمثل لك "الحب" بمفهومه الواسع "حب الوالدين .. حب الوطن .. حب الشاب للفتاة والزواج .. الخ"

3.. ما هي سلبيات المنتدى؟؟ وما هي ايجابيات المنتدى؟؟

4.. عندما تشعر بالحزن ما هو المكان الذي تلجأ إليه للراحة النفسية ؟؟ ومن هو الشخص الذي تلجأ إليه ليعطيك النصيحة ويخرجك من أحزانك ؟؟

5.. اذكر اسم استاذ أثر في شخصيتك في أي مرحلة من مراحل التعليم واذكر موقف من مواقفه الايجابية معك؟؟

فاصل ونواصل .. في انتظار اجاباتك ..

لك مني أرق التحايا أخي الحبيب أسمر ..

موضوع: رد: لقاء مع asmar الجمعة 08 مايو 2009, 5:33 am

حبيب قلبي "أسمر" العسل .. كنت أتمنى أن أتولى أنا تقديمك في البيت بيتك ومدح أخلاقك وحبك وحماسك للمنتدى ولكن للاسف الشديد سبقني أخي العزيز "محمد جلال" ..

ولي تعقيب على شخصيتك قبل توجيه الأسئلة ..

اسمر من وجهة نظري شخصية حساسة لأبعد الحدود .. نشيط جدا جدا في المنتدى ومؤمن بفكرته وقيمته وهذا ما يميزه عن باقي الأعضاء .. مبدع في تصاميم الازياء وينتظره مستقبل باهر .. هادئ الطباع وينفعل عندما يرى الأخطاء ويحاول معالجتها .. مشرف جاد في مهامه وكنت مسئولا عن اختياره في الاشراف حتى أرفع الحرج عن زكير نظراً للصداقة التي تجمعهما .. وحتى لا يتهم أحد المنتدى "بالمحاباة والتحيز" فالذي يعمل ويكد في المنتدى يحصل على المنصب والتشجيع المناسب والذي يسيء لنفسه وللاخرين ننبذه ونخرجه من منظومة المنتدى ..
اولا احب اشكرك يا اسلام باشا على الكلام الجميل ده لانه بجد اخجلنى كتير وفرحنى اكتر والله ما توقعتش ان انا اكون مهم وانسان كويس للدرجه دى اشكرك من صميم قلبى والله
واسمح لي بتوجيه بعض الاسئلة لك أخي الحبيب أسمر :

انته تدخل من غير ما تقول تسمحلى والكلام ده ده البيت بيتك يا باشا

1.. ما هي طموحاتك المستقبلية للمنتدى؟؟
طموحاتى انى ابقى انسان الناس كلها معترفه بقدراتى او اغلبهم طبعا ونفسى ابقى مشهور جدا وعايز ابقى مصمم ازياء ولكن عالمى ......
وطبعا ده صعب شويه
نفسى ابقى مهندس ولكن باذن الله ححققه صحيح كليتى مش هندسه ولكن لو تعبت فى الدورات حبقى مساوى للمهندس

2.. ماذا يمثل لك "الحب" بمفهومه الواسع "حب الوالدين .. حب الوطن .. حب الشاب للفتاة والزواج .. الخ"

3.. ما هي سلبيات المنتدى؟؟
السلبيات هى ان فى اعضاء كتير بيقولو ان المنتدى فيه كوسه وكده لانهم ما يعرفوش ليه رقيتو فلان وما رقيتهوش هو وكده فالمفروض الى يرقى اى عضو لاى درجه يقول هو رقاه ليه فى المنتدى فى التواصل بين الاعضاء فى الترحيب والاهداءات
وكده ياعنى دى اول حاجه
تانى حاجه فى تقصير من انكم تشوفو مساهمات الاعضاء لان فى مساهمات بتبقى فيها تجريح للاعضاء وخصوصا لو كان موضوع مهم او موضوع حساس ده من وجهه نظرى
لوحه الاشراف ليها فتره مش متغيره وده تقصير منكم والاعضاء ملاحظين ده
والحاجه الى مدايقانى صح بس بدون زعل كل ما نتكب موضوع علشان يزيد من تفاعل الاعضاء والناس تقول تمام وكده وانتو تقولو الموضوع حلو احنا نا حنطبقه وكده ما نلقاش تطبيق زى موضوع المسابقه الى انا قولت عليه ولا ايه

وما هي ايجابيات المنتدى؟؟
اولا الحب فى المنتدى متوافر كتير انا بحب المنتدى لانه جمعنى بناس كويسين اوى وانا بحبهم اوى
والحاجه التانيه فى تفاعل فى المنتدى كتير اوى
بتحاولو تحلو مشاكل الاعضاء فيل اجراء اى حاجه تضرهم وده حلو جدا
واحلى حاجه بالنسبالى فى المنتدى هى انى كسبت اصدقاء كتير اوى اوى وده الى عاجبنى فى المنتدى ومخلينى ما اقدر استغنى عنه

4.. عندما تشعر بالحزن ما هو المكان الذي تلجأ إليه للراحة النفسية ؟؟
مفيش مكان معين ولكن بحاول انى اقعد لوحدى علشان لما بكون مدايق مش بتحمل كلام حد وبتنرفز وببقى عصبى جدا وبكون لو انا حساس بكون اكتر من كده بمراحل باخد كل حاجه بحاساسيه جامده لما اكون حزين واغلبيا بقعد فى الاوضه لوحدى او قدام التلفزيون بسما اكلمش حد

ومن هو الشخص الذي تلجأ إليه ليعطيك النصيحة ويخرجك من أحزانك ؟؟
ناس مش كتير ولكن فى مرات اخويا لما بكون حزين بتعرف على طول وبتسالنى اوقات بقول ليها واوقات ما ينفعش انى اقول ليها لان فى حاجات ما ينفع تتقال لواحده
فى ابن عمى لما بكون حزين وبروح عنده ببقى خارج عن احزانى
وصاحبنى بتاعيبن المعهد لما بشوفهم صحيح بكون مدايق ولكن بحب اقعد معاهم لانهم بينسونى همومى

5.. اذكر اسم استاذ أثر في شخصيتك في أي مرحلة من مراحل التعليم واذكر موقف من مواقفه الايجابية معك؟؟

والله ما فاكر ولكن اول ما افتكر ابقى اقول ليك اوكيه

فاصل ونواصل .. في انتظار اجاباتك ..
وانا ياريت اكون عند حسن ظنك فى الاجابه وتكون اجابتى عجبتك

لك مني أرق التحايا أخي الحبيب أسمر ..
وانا سعيد جدا جدا بمرورك واتمنى المزيد لا تخاف حجاوب هههههههههه

موضوع: رد: لقاء مع asmar الجمعة 08 مايو 2009, 11:21 am

السلام عليكم تشكر

انا قولت منور قبل كدة مش سيرة يعني دايخ

ولا تزعل منور (طبعا لا) فرحان

رجعتلك بعد فاطل طال مدتة لقاء مع asmar 925197

امتي بتحس اانك مش انت واحد تاني متعرفهوش؟ دايخ

مين اكتر واحد في المنتدي حاسس انة شخصية كويسة؟ ياواد يانجم

مين اكتر واحد حاسس ان ردودة جميلة؟
مين اكتر واحد حاسس ان دمة خفيف؟
ايه الشي اللي بيريح اعصابك؟
لو قولتلك هنروح رحلة برية هتاخد مين معاك من المنتدي ومين من خارجةوالرجلة دي راحة فين؟
لو اديتك ثلاث هدايا هتديهم لمين؟
كفاية كدة عشان متزهقش مني

موضوع: رد: لقاء مع asmar السبت 09 مايو 2009, 4:09 pm

السلام عليكم
انا قولت منور قبل كدة مش سيرة يعني
ولا تزعل منور (طبعا لا)
ليه هو انا لمه فلورسنت ولا ايه

رجعتلك بعد فاطل طال مدتة
طيب حشوف اسئلتك دى

امتي بتحس اانك مش انت واحد تاني متعرفهوش؟
لما اكون مدايق جدا جدا وحد عصبنى بتقلب شخص تانى

مين اكتر واحد في المنتدي حاسس انة شخصية كويسة؟

اغلب الناس الى فى المنتدى كويسين

مين اكتر واحد حاسس ان ردودة جميلة؟

شغاله بيه _اسلام نبيل _سمسم

مين اكتر واحد حاسس ان دمة خفيف؟
المنتدى مليان بالناس الى دمها خفيف اوى وزى السكر منهم سمعه وضى وحنين وساره وناس كتير اوى صحيح نسيت لوف ماسج ابو الضحك والخفه

ايه الشي اللي بيريح اعصابك؟
لما اعيط بس مش بقدر اعيط بس ده كان زمان دلوقتى من الصعب انى اعيط

لو قولتلك هنروح رحلة برية هتاخد مين معاك من المنتدي ومين من خارجةوالرجلة دي راحة فين؟
اخد معى ناس كتير اوى ولكن من جوه المنتدى سمسم سمعه وهيما وساره وضى وحنين ومنى وناس كتير اوى لانى بجد عايز المنتدى كله معى فى الرحله دى
ولكن من بره المنتدى زكير وابو عبده مايث واصحابى بتاعين المعهد الرحله لامه الاسكندريه لامه جزيره فى اسوان

لو اديتك ثلاث هدايا هتديهم لمين؟
هديه لزكير
هديه لابو عبده
هديه لصاحبه الاسئله

كفاية كدة عشان متزهقش مني

مش حزهق منك خالص
ههههههههههههههههههه
انتى بس اسئلى وانا تحت امرك
وتورتي يا ساره بوجودك عندى فى بيتى

موضوع: رد: لقاء مع asmar الأحد 10 مايو 2009, 9:07 am

ا

السلاااااااااام علييييييكم اسمر بيه

عامل ايه جيت اغلس عليك بشويه اسئله يلا اتجدعن ورد عليااااااااااا

1_لو كنت في مظاهره ما هى العباره التى تهتف بها ولمن تهتف ؟؟

2_ما هو الموقف التى تضبط فيه نفسك بالتناقض ؟؟

3_هل تحكم على البتت بمجرد ان تنظر الى ملابسها ؟؟وما هى نظرتك للبنت ذات الملابس الخارجه عن الادب؟؟

4_ بماذا تنصح شباب وبنات اليوم ؟؟؟

5_ ما رئيك في في مصر حكومه وشعب ؟؟؟؟؟؟؟

وفي النهاااااااايه سعدنا بلقائك اسمر بيه وربنا يكرمك ويوفقك في حياااتك ان شاء الله

الفتي الذهبي

عموووو اسمااااااااعيل

موضوع: رد: لقاء مع asmar الأحد 10 مايو 2009, 8:29 pm

السلاااااااااام علييييييكم اسمر بيه
وعليكم السلام
عامل ايه جيت اغلس عليك بشويه اسئله يلا اتجدعن ورد عليااااااااااا
انا الحمد لله بخير

1_لو كنت في مظاهره ما هى العباره التى تهتف بها ولمن تهتف ؟؟

الله اكبر _حرام عليكم _تحيا مصر

2_ما هو الموقف التى تضبط فيه نفسك بالتناقض ؟؟

الماوقف كتير اوى لما الواحد بيقول كلام ويعمل عكسه
اه انا بتمنى انى اكون مصمم ازياء وبقول للناس كده ولكن فى نفس الوقت بحس انى متناقض لانى مش عايز ابقى مصمم لحاجات كده
وفى مواقف كتير بحس انى متناقض
زى مثلا لما اكون عندى قرار ولقيت حد عنده قرار تانى بكون معاه فى القرار خجلا فده بيحسسنى بانى متناقض

3_هل تحكم على البتت بمجرد ان تنظر الى ملابسها ؟؟

مش اى بنت بتحكم عليها من طريقه لبسها لان فى بنات بيكون لبسهم ياعنى مش للدرجه ولكن البنت بتكون محترمه وكويسه ولكن بيكون فيها عيب اللبس وبس

وما هى نظرتك للبنت ذات الملابس الخارجه عن الادب؟؟

ياعنى بتصعب عليا وبشفع عليها فى نفس الوقت وكمان بحتقرها لانها اظهرت مفاتنها الى هى من المفروض ما تفرطش فيها لاى حد الا للى هو حيكون حلالها ولكن هى بتكون عرضه للنظر من كل الشباب وكمان لما الواحد بيكون عايز بتقدم لواحده بتكون هى اخر واحده يفكر فيها لانها مش محتفظه بالى ربنا مدهولها وكشفته لكل الناس مش لحلالها وبس
وبعدين فى مثل بيقولك شرف البنت زى عود الكبريت وهى عرضت الكبيرت للنار يعنى خلاص حته صغيره والنار تهب فى العود وتبقى انسان احقر واحقر
وبعدين الانسانه الى هى بيكون شكلها طبيعى بتكون احلى بمراحل من الانسانه الى هى بتتمكيج لان المكياج صحيح بيظهر البنت جميله ولكنه بيضيع جمالها بسرعه لان اغلب ادوات التجميل بتبوظ الوجهه مع الوقت وبتبقى من غير ادوات التجميل بشعه جدا
صحيح حلالها ياعنى جوزها الى ربنا رايده ليها

4_ بماذا تنصح شباب وبنات اليوم ؟؟؟

انا بنصحهم وبنصح نفسى معاهم طاعه الله ورسوله والصلاه لان من غيرهم ربنا عمره ما حيكرمنا وفى الاول والاخر بقول لكل من عمل ذنب ربنا غفور رحيم

5_ ما رئيك في في مصر حكومه وشعب ؟؟؟؟؟؟؟

اولا انا بحب بلدى جدا جدا مع انى زمان كنت بكرها اوى الحكومه اولا يمكن تكون صعبه ولكن كفايه الاحساس بالامان فيها كفايه انو الرئيس مش مخلينا عرضه لنهش اعراضنا صحيح يمكن نكون مظلومين وفينا الى هما جيعانين ولكن مش عرضه للاحتلال من بلد اخر زى اى بلد طمعانه فينا بس اكيد فى البلد عيوب وفى الرئيس عيوب ولكن يكفى اننا احرار مش زى فلسطين ولا العراق ولا اى بلد تانيه
وبعدين الشعب هو الى عامل فى نفسه كده لو كل واحد اتقى ضميره فى شغله وفى اولاده وفى كل حاجه هو بيعملها ما كانش بقى فى حاجه اسمها الرشاوى والكلام ده كان كل واحد حب التانى وكان حال بلدنا اتعدل احنا السبب فى ان بلدنا تبقى كده روح اى مكان لازم علشان تمشى ورقك تديهم فلوس والناس الىبتاخد الفلوس دول ايه مش بشر زينا من الشعب ولا ايه
يبقى العيب مننا احنا الشعب
وفي النهاااااااايه سعدنا بلقائك اسمر بيه وربنا يكرمك ويوفقك في حياااتك ان شاء الله
امين
وانا سعيد جدا لانك مريت عليا وبتمنى اشوفك مره تانيه

اسمر

موضوع: رد: لقاء مع asmar الإثنين 11 مايو 2009, 2:07 pm

مرحبا
يمكن انا دخولي قليل كتير عالمنتدى
وما تعاملت مع الاعضاء كتير
لأني مشغولة بدراستي
بس
اسمر من افضل الاعضاءاللي لقيتهم بالمنتدى وتعاملت معهم بكل صراحة وشفافية
وصرنا اصحاب كويسين كتير
انا مو حابة اسأل لاني الشباب ما قصروا بالأسئلة وانا كل شي بدي اعرفه عرفته منك وسئلتك كل شي زمان
انا حبيت اعطي رأيي فيك
الله يحفظك ويكرمك ويحميك من كل شر
ويحميك لشبابك
مع تحياتي للجميع
ميرا

موضوع: رد: لقاء مع asmar الإثنين 11 مايو 2009, 2:12 pm

انا متشكر جدا جدا ليكى والله ولكلام الجميل ده
يا ميرا
وبجد اخجلتنى بكلامك الحلو ده
وبعدين انتى صحيح ليكى فى المنتدىقليل ولكن الى اعرفه عنك كتير وانتى فعلا اخت وصديقه عزيزه عليا وانا بشكرك جدا

موضوع: رد: لقاء مع asmar الإثنين 11 مايو 2009, 2:17 pm

لا شكر على واجب يحيى
وهاد الواقع والله
وانت والله اخ وصديق غالي كتير

موضوع: رد: لقاء مع asmar الإثنين 11 مايو 2009, 3:03 pm

هلا والله باسمر

موضوع: رد: لقاء مع asmar الإثنين 11 مايو 2009, 3:07 pm

الله يخليكى بس فين اسئلتكم ولا انتو بتدخلو تسلمو وبس
ههههههههههه