(لو زهقت من دنيتك ادخل هنا )

لو انت زهقان من دنيتك وخلاص مش طايق العيش والعيشة واللى عايشينها ؟
لو حماتك ولا مراتك طلعوا عينك وعين اللى خلفوك وخلاص مش قادر عليهم ؟
لو عايز خلاص تنتحر بس مستحرم تعملها وخايف تموت كافر ؟

تعالى هنا وانا اقولك ازاى تخلص من دنيتك وتكون كمان شهيد مش كافر؟

اخترلك حاجة من الحاجات دى :

1:- قف فى ميدان عام وقل رأيك بمنتهى الصراحة فى الحكومة والنظام والفساد ( وأدى ذقنى لو طلع عليك نهار . )

2:- قف فى طابور عيش واعمل نفسك فهلوى وحاول تتخطى اللى قدامك ( باقى الطابور هايكلوك قبل الخبز احيانا )

3 :- روح مستشفى من مستشفيات الحكومة علشان تعمل عملية جراحية ( بس بشرط اكتب وصيتك قبل الذهاب )

4:- روح مستشفى استثمارى لنفس الغرض ( هايفضوا بطنك من اللى فيها مثل الكلاوى والقلب والكبد والقوانص كمان )

5:- اركب اتوبيس نقل عام او ميكروباس ( بس بشرط يكونوا هايعدوا على ترعة او شريط قطار )

6:- زعل مراتك وارفض طلبها انها تصيف السنة دى ( بس بشرط يكون عندك ساطور محترم واكياس سودة )

7:- اعمل نفسك رايح تحج ولا تعمل عمرة واركب عبارة ( بس بشرط تكون عبارة السلام 500 بتاعة ممدوح اسماعيل )

8:- اقعد امام التليفزيون واتفرج على تصريحات الوزرا والمسئولين وعلى برامج الاطفال والاعلانات ( بس الموضوع دة ممكن يطول معاك شوية لأنك هايجيلك شلل الاول قبل ما تجيلك نقطة )

9:- اعمل نفسك وطنى وروح بلغ عن مخالفة او سرقة او فساد ( بس بشرط يكون اللى هاتبلغ عنة مسنود من فوق )

10:- اعمل نفسك فييس واعزم مراتك وعيالك على عشوة فى مطعم مشهور وانت مفلس ( بس اوعى تنسى تسرب الولية والعيال قبل ما تيجى فاتورة الحساب )

واخيرا ان ما نفعش معاك حاجة من دول انصحك بقى وامرك لله ان تنضم الى جمعية( أمرنا لله)واللى هاعلن عنها قريب بعد ما أشوف تفاعلكم وردودكم ....ونشوف هانكمل فيها والا لأ؟؟؟؟؟؟ وانسى الدنيا والفلوس ( بس بشرط القميص الاصفر علينا والطاسة اللى هاتلبسها على دماغك عليك انت ) مين هايعلن انضمامه؟؟؟؟

اولا بحيك على الموضوع بتاعك
بس على فكرة انا مش دخلت هنا علشان زهقان من حياتى ولا حاجة
لا انا الحمد للة مبسوط كدة ومبسوط لانى مش انا عندى كل حاجة بس
مبسوط بحياتى لانى بتبع نظرية
( بص لنص الكباية المليان مش تبص للنص الفاضى )
يعنى انا ممكن مش اكون غنى بس ان الحمد للة بتمتع بصحة جيدة
ممكن اكون برجل واحدة بس عندى ايدين وبسمع وبشوف وبتكلم
مع انى الحمد للة سليم معافا
ممكن مراتى مطلعة عينى بس عندى اولاد زى العسل
مع انى مش متجوز وهكذا فبتالى ان مش زهقان من حياتى
لانى الحمد للة راضى كل الرضا
ســــــــــــــــــــــــــــــانو

شكرا على اطلاعك لموضوعى وانا جبت الموضوع دية على سبيل الضحك يعنى مفيش واحد عاقل هايعمل اللى انا كتابتة دية الا اذا زهق من حياتة فعلا وشكرا على مرورك