عيوب البنات(خدو بالكو يا شباب)

بسم الله الرحمن الرحيم

قبل اى ضرباو كلام ( انا مش بتكلم على كل البنات طبعا )..انا بكمل على موضوع اتنشر فيه 7 عيوب للبنات ومن بنت زيكم يعنى لما البنت تقول 7 يبقى الشباب يتبحبحو شوية عشان احنا شباب جدعان والكرم عندنا صفة اساسية والى يحب يضيف يتفضل ده اوبن بوفيه

نبتدى فى اول صفة

1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)

2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)

3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول

4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو
كنت فى قفص الاسد دلوقتى على الاقل ممكن يتفاهم معاك عنها

مع تحياتي
الروش

MyTh

ايه ياعم مايس ده ليه كده ياعم كاره البنات قوي كده هم عملولك حاجه وله ايه هو مفيش بنات كويسه خالص يعنى وله ايه
مش حلو

ah hoa kan fee we 5ales

هههههههههه موضوع لذيذ بس على فكره اوك البنت فيها ست عيوب بس كمان فيها ستين ميزه وما اعتقدش ان الراجل يقدر يعيش من غير البنت لان البنت هى امك واختك ومراتك وتعرف بجد قيمتها لما تتغرب من غير واحده تخدمك_(امك او اختك او مراتك) الشقه تلاقيها مكركبه غير ان مفيش اكل.........الخ طبعا عارفين الباقى بس فى النهايه الموضوع لذلذ عيوب البنات(خدو بالكو يا شباب) 67045

مش بقلك عايز تتضرب دايخ

بس عنك حق
وفينا بردو صفات حلوة يعنى زى
بنحب بجد
ودى كفايه انتو بقى بتعرفو تحبوا بجد اشك فحاجه زى دى

المهم ان الموضوع صح وعجبكم
مش كده برده
ولو علي الحب فدي تفاوت بين الرجال وبعضها

زي ما في بنات بتحب تلعب بمشاعر الشباب

صحيح البنات فيهم عيوب
بس فيها مميزات اكتر من العيوب
بكتيييييييررر تشكر

على العموم شكرا على الموضوع
الجميل

اتمني ذلك ياواد يانجم

والله استاذ يا عضو يا متالق

يارب دايما متالق

السلام عليكم اولا مرسى على الموضوع هو لذيذ بس على فكرة لو اترد على الموضوع ده بموضوع مماثل عن عيوب الولاد اللى طبعا لا حصر لها بس العيوب اللى انت قولتها موجودة بنسب ضئيلة جدا فى قلة مش حتى بعض البنات وعموما مرسى قوى على الموضوع
مش عارف اقولك ايه

شكرا للضافه الجميله دي منك
واتمني ان اري ردودك يا نجم

احنا منقدرش نعيش مين غير البنات لانهم هم زهره الحياه

تسلم على الموضوع اللطيف ده بس على فكرة مش معنى ان البنات تتفرج على مصارعة او تعرف اسماء المصارعين تبقى عنيفة مش شررط خاالص وهو فعلا فى بنات كتير بتتفرجعلى مصارعة انا كمان احيانا بتفرج عليها وبعدين بلاااش الهجوم ده على البنات مش حلو

موضوع لذيذ يا ميث بس ابقى خلي بالك لأنك بتهاجم البنات كتير اليومين دول و شكلك حتغتال قريب
ميرسي على مجهودك

ربنا يستر
الايام اللي جايه
بس المهم ان الموضوع لاغايه دلوقتي محدش كدبني فيه

يعني ياواد يانجم