زهقنا . وملينا . واتخنقنا اولع فى نفسى واخلص

زهقنا وملينا واتخنقنا
ده حال كل شاب وبنت في مصر دلوقتي
تقدر تقلي ايه خدنا من كدب الحكومه علينا ليل ونهار الاجابه واضحه وصريحه طبعا ولا حاجه
المشكله اللي بجد زهقتني وخنقتني لما احنا جعانين وكحيانين ( كحيان في اللغه الشعبيه علي ما اعتقد معناها بنكح تراب من كتر الفقر )
ايه لازمه التصريحات الغريبه اللي بنسمعها كل يوم في التلفزيون والجرايد ان معدل التضخم تمام والزياده في امان وان البنك المصري هو البنك الوحيد اللي متاثرش بالازمه العالميه وان اقتصاد مصر بخير .
هو فعلا بخير بس مش لينا اخويا الصغير بقاله يومين قارفني عايز شيكولاته بيسمع عنها في التلفزيون ولما رحت اشتريها لقيتها ب 14 جنيه 99قرش يسلام علي زمه الضمير ( قال يعني حيرجعولي القرش ده ) واشتريتهاله هههههههه
نرجع لموضوعنا فعلا في فلوس في مصر وخير كتير امال يعني النيل العظيم اللي بيجري ده ميته بتروح فين ولا الخضره اللي بنشوفها والمعادن اللي بنسمع عنها بتروح فينا ياخونا احنا لازم نعرف الحقيقه لازم نعرف راسنا من رجلينا
احنا كويسين ولا لا هل العيب فينا ولا فين .
انا زهقت
زهقت فعلا من اعلانات التلفزيون المستفزه
زهقت اني افضل احلم احلم بعربيه طولها 10 متر وفيلا وليه ميكنش عندي مركب وكام بنت جميله كده ( معلش بقى يا حبيبتي ما احلام بقه بس انتي الحقيقه كلها ) ما اهي اعلانات قرفانه بيها التلفزيونات
مش عارف ليه ميفكروش يعملوا قناه للاغنياء بس يعلنوا فيها عن الكلام ده ويسيبونا في حالنا
زهقت من الكدب اللي ملونا بيه زهقت من تزييف الحقايق
زهقت من اني حاسس ان بكره اوحش من النهارده مع اني بحاول بكل الطرق اني اخليه اجمل .
قالوا نوفر في النور طفيت الانوار اللي في البيت نوفر في ميه بستحمى مره كل اسبوع نوفر في البنزين الحمد لله معنديش عربيه وعلي ما اعتقد اني مش حجيبها في القريب العاجل يمكن لما يعملوا عربيه بتشتغل بالهوا ولا بالتراب يمكن اشتريها
طب اوفر في ايه تاني ابطل اكل عشان بكره يبقي اجمل وفرنا كل حاجه عشان هما الناس اللي فوق يعيشوا ويتبسطوا واحنا نشد الحزام نشد الحزام لحد ما خلاص الحزام قفل علي بطننا
انا بجد اسف جدا علي كلامي ده
بس ده مش يأس دي حقيقه
حقيقه ولازم نناقشها ونكملها مع بعض الي لقاء اخر مع كتابات شاب عامل كويس ا

أنت تريد وأنا أريد والله يفعل مايريد" "
مشكور علي كلماتك أخي
ساندو
بس عالرغم من كدة اية اللى بيصبرنا
على البهدلة دة مصر
بحبها
بحبك يا مصر رغم قرفنا
بنحبك يابلدي
رغم كل مخاوفنا
رغم التعب واليأس
رغم كل قرفنابنحبك
رغم الفساد
رغم الكساد
رغم البطالة
اللي بتنهش في العباد
بنحبك يابلدي
رغم كل مخاوفنا
بنحبك رغم الهموم
رغم الديون
رغم أيدين الظلم اللي بتخنق أحلمنا
بنحبك يابلدي رغم كل مخاوفنا
بنحبك رغم الضياع
رغم الجياع
رغم أنياب الفساد اللي نهشت أجسدنا
بنحبك يابلدي
رغم كل مخاوفنا
بنحبك رغم السدود
رغم القيود
رغم رياح الذل اللي بتكسر مجادفنا
بنحبك يابلدي
رغم كل مخاوفنامخاوف من اللي جاي بكره
وبكره جاي والا هنكون ذكري
ذكري لشعب أنكسر
لشعب أنتحر
لشعب من جواه أنفجر
بنحبك يابلدي رغم قرفنا
رغم قرفناكلنا بنحب مصر
ذي ما حبوا العراق
كلنا بنحبها
الحرامي بيحب مصر
الفاسد برده بيحبها
المفسد بيحب مصر
حتي وهو بيسرق أهلها
اللي بينهب شعبها هو كمان بيحبها
اللي عري لحمهابيحبهاا
للي شفط دمها بيحبها
واللي مصمص عضمهاهو كمان بيحبها
اللي ما أختشي ولا أستحي هو كمان بيحبها
كل أيد بتهد في البلد كل ضمير مات
كلهم بيهتفوا بحبها شببها ضايع ...صايع على أرضها
ما كلنا أهو بنحبها
أرفع عيني لرب السما
وبقلب كله غضب بصرخ الله يخرب بيت اللي ما يحبها
الله يخرب بيت كل شافط دمها
الله يخرب بيت كل اللي بيرقص على قبرها
ياربي العظيم
أقول أيه مبقاش لينا مكان على أرضها
ما كلنا هنهج منها
وأحنا بنصرخ بنحبها بنحبها
مع محبتي

جيفارا اللي هيموت وهو بيحبها
تقبل مرورى