ادعوكم : كفانا نقلا ولنبدع قليلا

اولا ازيكم يا اخواتى الكرام بجد وحشتونى انا بقالى كتير مكتبتش حاجة بخط ايدى لكن انا كان نفسى اقولكم حاجة نفسى

اشوفها كتير فى منتدانا طبعا انا هكلكم بالعامية كفاية العنوان الغريب ده اللى بالغة العربية المهم انا بجد نفسى اقرا ابداعات

الاعضاء نفسهم يعنى مش نقلنها من حتة تانى انا اعرف ناس كتير هنا فى المنتدى بجد ليهم اراء جميلة فليه يعنى ميكتبوش

انشاء الله حتى موضوع واحد يكون من ابداعك انت فى اى قسم يمكن تكون حاسس ان كتابتك مش هيكون ليها قيمة لكن يمكن

يكون العكس طيب ماتجرب كفاية نقل بقى وحاول انت وفاضى فى اى وقت واكتب حاجة اى حاجة يا سيدى بتفكر فيها حاجة

نفسك تقولها حاجة عجباك حاجة مش عجباك موضوع شاغل بالك والناس اللى بتعرف تالف قصص انا واثقة ان فى ناس

كتير فى المنتدى عندهم الموهبة دى طيب ليه تستخسرها معلش تعالى على نفسك شوية واتعب واكتبلنا حاجة من دماغك بجد

انا واثقة انها هتكون حلوة قوى والناس اللى بتكتب خواطر انا واثقة ان فى ناس كتير كاتبة فى اجنداتها كلام اهو كلام

بييجى فى بالنا ممكن تحس انه مالوش قيمة صدقنى والله مش انت اللى حسه هيكون حلو قوى لو عندك ياريت متبخلش

بيه علينا يعنى ياريت نبطل شوية past و copy دول ونحاول نورى بعض احنا بنفكر ازاى ايه اللى شغلنا احنا نفسنا

نعمل ايه عايزين ايه يعنى دماغنا دى فيها ايه اى حاجة منكم ؟؟؟؟؟؟ ايوه اى حاجة مش دماغك احنا عايزين نعرف فى دماغك ايه مش لازم نعمل عملية يعنى ونفتحها عشان نعرف

ياريت تورينا نفسك عن طريق قلمك انا واثقة ان كلنا جوانا حاجات جميلة ياريت نطلعها ونكتبها المفروض المنتدى ده

ملتقى فكرى لمجموعة من الناس مش مجلة حائط قص ولزق بجد ياريت تتفاعلوا وتنفذوا واشوف لكل عضو فينا اى مشاركة من ابداعه
بس كده طولت عليكم ياريت بقى حد يعبرنى ويقولى رايه لا وينفذ كمان

كلامك دلوقتى جاء فى الصميم
وكلامك جميل جدا اغلب الناس الى فى المنتدى بيعملو كوبى بست دلوقتى ياريت عايزين مواضيع يكون الناس هما الى كاتبنها مش ناقلنها
انا بنقل مواضيع ولكن قليله جدا وانا من الناس الى مواضعهم فى المنتدى قليله لانى مش بحب انقل مواضسع كتير الا الى يعجبنى وبس
وانا فى مواضيع كتير عاملها انا الى كاتبها بصوابعى والله
صحيح هى مش مبدعه ولا حاجه وهو كلام وخلاص بس المهم الى عندى انى بطلع كلام من دماغى انا مش اصطناعى من كلام الناس التانيه
وشكرا بجد زمزم على الموضوع الرائع ده

أنا بشكرك على هذا الموضوع الرائع
ولكن ليا تعقيب صغيرو كبير وهو لقد إعطاء الله لكل انسان موهبة متميز عن غيرة فيها
فامثلا انسان عندما يكتب يبدع ولكن هناك سوال
من اين اتى بهذا الابداع ؟
اعتقد انة ليس من فراغ ولكن عن طريق قرائتة لعدة مواضيع سواء كتب او تصفح الانترنت كونت عندة فكرة ومن هنا ولد الإبداع
هههههههه والله دى مالفها مش نقل
وبالنسبة لو وجدنا أثناء تصفحنا معلومة مفيدة ذات قيمة هل ابخل عليكم ولا انزلها
المشكلة مش فى النقل
المشكلة أن هل الناقل متفهم وعارف ما يحتوية الموضوع حتى يرد على الأعضاء فيه
فلا ينقل لمجرد النقل أو لمجرد أن طريقة العرض أعجبته
فية نقطةتانية
اية الحاجة اللى تحفزك على الابداع
اذا كان الرورد كدة
مشكووووووووووووووووو عال موضوع
تسلممممممممممم أيدك ياجميل
موضوع غاية فى الروعة
مبدع
عظيم
أخجلتم توضعنا
خطير
مصيبة
برجاء تنظيم الموضوع الاكتر شوية
ههههههههههههههههههههه
الخ الخ الخ لخ
فا العبد لله يقعد تلات أربع ساعات واتعب فى الكتابة وبعدها
لوجوهات وصور جاهزة انتا كدة وتسلم ايدك وغيرة....
ويكون الموضوع الغرض من المناقشة
ياعنى تقول رايك لالالالا ازاى ياعم
انا عندى خلق اكتب
مش دة هو اللى بيحصل برضو
اكيد طبعا ان الرودود اللي بعد لما بتعملى موضوع
لما حد بيناقشك فيها الواحد بيفرح وبتزيد مداركه
اختى العزيزة زمزم أنا بقترح اقتراح يمكن حاتضحكى وتترقى بس دة المفروض
عوزيني نعمل حاجة اسمها كادر المنتديات
تعليم من أول وجديد
في الرورد وإنزال المواضيع
المهم في النهاية بجد بجد ايحيكى على الموضوع الممتاز
ابدعتى
وانأ أسف أنى صدعتك وصدعت أعضاء مودون
لكن والله
أنى أحبكم فالله
جيفارا

سرنى مروركم كثيرا اخوتى الكرام واراءكم تثبت ان فى المنتدى من هوه مبدع حقيقة ياريت كل الاعضاء يعملوا زيكم كده ويناقشوا

الاعضاء فى مواضيعهم مش ردود سد خانة وخلاص زى ما استاذ جيفارا قال وعلى فكرة اقتراحك جميل جدا وياريت يتنفذ

تحيتى ليك يا اسمر انت وجيفار دمتم مبدعين

[ندعوك للتسجيل في المنتدى أو التعريف بنفسك لمعاينة هذه الصورة]
زمزم
[ندعوك للتسجيل في المنتدى أو التعريف بنفسك لمعاينة هذه الصورة]

دعوة جميلة جداً جداً يا "زمزم" .. والكتابة فن لا يتقنه إلا قارئ نهم .. يطلع على شتى صنوف المعرفة ويكتسب العبارات والالفاظ الجزلة .. ومن ثم يخرجها لنا في ترتيب وتناسق جديد لمعنى جديد يشكل اضافة للقارئ .. فالموضوع :

1.. لغة 2 .. مضمون ..

قد يمتلك البعض "المضمون" ولكنه لا يستطيع تطويع اللغة والتعبير عن مكنون نفسه .. بينما لا يحدث العكس ..

وتيسيراً للتعبير نستخدم العامية حتى نصل إلى المضمون .. فمن شق عليه استخدام الفصحى فليلجأ للعامية حتى يقدم لنا رسالته المنشودة .. أما هواة الاستسهال واختيار النصوص المنقولة فهم الخاسرون لأنهم حرموا من متعة الكتابة "وإن كانت عامية" وأصبحوا في عداد مجهولي الهوية لدينا لأننا عجزنا عن تفهم حقيقة ذواتهم وكيفية تفكيرهم .. فهم الخاسرون ونحن الرابحون !!

آمل أن يتم تفعيل هذه الدعوة قريباً حتى ننهض بمنتدانا وبنوعية المادة المقدمة ..

موضوعك فى غاية الاهمية زمزم واتمنى من جميع الاعضاء عدم التكاسل فى كتاباتهم بنفسهم
واعجبنى اسلوبك كمان واقعى جدا وانا شايفة ان الكتابة فيها متعه برضه من انك تنقل وخلاص
وكفايه ان الاحساس بيوصل اسرع......يعنى بنحس كده بالواقعية اكتر
شكرا كتييييييييييير ليكى ودائما الى الامام متألقة

طول عمري بقول عليكي عقليه فازه

موضوع جمل جدا يازمزم ونتمنى من الجميع الكتابه والابداع بالافكار الى في مخهم واى معلومات عندهم

مشكووووره

اخوكى عمووووووو اسماااااعيل