مبروك يا معلم ...... ابنك بقى صايع

السلام عليكم
على فكرة انا عارفة انى بنت وناس هتقول إزاى المفروض ده موضوع للصبيان بس...
بس انا ليا رأى فى موضوع الصياعه ده وكويس يا جيفارا إنك فتحت موضوع زى ده
ماعلينا انا بقى من رأيى ...
إن الصياعه هيا انك تكون عارف كل حاجة سواء كانت وحشة ااو لأ..وماتعملش الغلط يعنى بمعنى آخر
إن الشاب او البنت يكونو عارفين إن ده غلط لكن مش يعملوه...
هتقولولى طيب إزاى دى تبقى صياعه....
هقولكم إزاى..يعنى لفظ صايع ده مش بقى زى الأول او زمان ده اما كانو يقولولك فلان بقى صايع
دى كانت الدنيا بتقوم وتقعد ولحد اما الشخص ده يتعلم الأدب
وزى مانت ماقلت فالأول يا جيفارا كان الأب قلبه يقف وتحصله حاجة.....هههههههه
لكن دلوقتى خلاص بقى يتقال على أى سلوك مايعجبش الناس...ان ده صايع او دى صايعه

ويكون السبب حاجة تافهة إنه يتقال عليه او عليها
وده كان رأيى وبكل صراحة......وشكرا كتيير ليك يا جيفارا على مساهمتك بموضوع زى ده
والصايع بقى اللى مايعملش اى حاجة غلط ومايحطش نفسه فى موقف شائك

هههههههههه الله يخليك يا جيفارا طول عمرى بقول عليك انك كريم

وانت كريم بأخلاقك ومواضيعك الجامدة المبدعه زيك طبعا.........وحدوته ده يستاهل كل الخير

واحلى سلام ليه......ومشكوور عالكلام ده انا مااستحقهوش...وكلك ذوق وكرم وآخر جنتله هههههههههههههه

السلام عليكم ورحمة الله وبركاته احيك اخ جيفار على هذا الموضوع الحى الذى هو حديث الساعه واحيك ايضا على المسه الجميل او الطريقه الكاريكتريه الرائعه ف عرض الموضوع فعلا انها طريقه هزليه رائعه ...................ثم ناتى الى الموضوع وهو موضوع الصياعه بص ياصاحبى ههههههههههههههههههههههههههه الدنيا ديه لازم تعاشها صح فعشان لازم تعشها صح بيقا لازم تصيع صح فعشان تصيع صح يبقا لازم تتعرض لمواقف مريره عشان تتعلم من هذه المواقف طبعا انت دلوقت هتقول ايه اللى الكلام الى بتقوله ده وايه علاقته بلصايعه ارد وان واقوالك انا بقول كده ليه عشان انا شايفه ان الصايعه هى مواقف مرة بحياتك وتعلمت منها هتقولى طب والصايعه فين ف ده هقوللك الصايعه لو مريت بنفس الموقف وقبل ما تقع فيه تفقس الموقف اهى هنا بقا الصايعه انك تكون حدق وليون ومدقدق وناصح وانا من وجهة نظرى الصايعه مفيده بس اللى يستعملها صح وان الصايعه مش وقفه على الناصيه زى سمير ولا شرب سجاير ومشتقتها وطبعا انت عارف مشتقتها بصفتك انك ولد عشان ما تتفكرش انى بغلط فيك .......... المهم ف النهايه انا عارفه انى راغايه وطولت عليك بس ده راى ويارب تفهمه عشان ذاتى مش فهمه ايه اللى كاتباه ده يلا مش مهم احيك مره اخر على هذا الموضوع

اخوانى الكرام جيفارا المبدع ومصطفى حسين واسوم
موضوع شيق يدل على ذكاء وفطنه كاتبه
لى تعليق بسيط على ردودكم
بما ان زى مانتوا بتقولوا ان كلمه صايع بقت ليها معانى تانيه وهى زى ما فهمت منكم معانى محبوبه لاى شاب
هل تقبلوا ان يطلق عليكم لقب صايع؟؟؟؟
يعنى وانت معدى فالشارع يقولوا اهو الواد الصايع ......؟

تعليق بسيط خاص باسوم
ان كان لفظ صايع تغير مفهومه بالنسبه للولد وعشان احنا مجتمع ذكورى زى ما بيقولوا بتوع حقوق المراه
فلفظ صايع مش ممكن يتغير بالنسبه للبنت ... باى حال من الاحوال......
فالبنت الصايعه ملهاش غير معنى واحد بس مش هيتغير.....
معلش انا افوكاتو دقه قديمه.....